17
Lungpi Ihsin Tidai A Suak
(Mipum 20:1-13)
Israel mi pawl cu an zate in Sin an timi nelrawn ramòhing ihsin an pok ih Bawipa ih thupek bangtukin hmunkhat in hmunkhat ah an riak vivo. Veikhat cu Refidim ah an riak ih cutawk hmunah an hrangah tidai a um lo. Moses thawn an to aw ih Israel mi pawl in, “Tidai in ding in pe aw he,” an ti.
Cutikah Moses in, “Ziangahso keimah cu in tawh? Zianghrangah Bawipa cu nan hniksak?” tiah a ti.
Asinan mipi pawl cu an ti a haal tuk ruangah Moses parah an phunzai thotho. “Ziangahso Izipt ram ihsin in suahpi? Kan òilva le kan tefa pawl thawn tihal in thi thluh hai seh ti in duh ruangah maw a si?” tiah an ti.
Cule Moses cu nasa zet in Bawipa ih hnenah thla a cam ih, “Himi pawl hi ziangtinso ka ti ding? Keimah lehlam lungto in a deen in tum zuakzo thlang a si,” tiah a ti.
Cutikah Bawipa in Moses hnenah, “Israel mi hruaitu lakin a hrekkhat rak hruai awla, mi burpi ih hmaiah rak feh sung uh. Nail tiva na vuaknak na kianghrol kha keng awla feh aw. Sinai Tlang ih lungpi parah na hmaiah ka rakding ding. Lungpi cu vua awla misenpi hrangah in ding tidai a suak ding,” tiah a ti. Bawipa ih a ti bangtukin Israel mi hruaitu pawl ih hmai ahcun Moses in a tuah.
Cuih hmun cu, “Massah,” le “Meribah,”t 17:7 Massah le Meribah: timi cu Hebru òong in Hniksaknak le Phunzainak tican a si. tiah an ko; ziangahtile Israel mi pawl an to aw ih Bawipa cu hniksak tahrat in, “ Bawipa kan hnenah a um maw, um lo so?” tiah an tinak hmun a si.Ref 17:7 Mipum 20:2-13;
Amalek Mi Pawl An Do
Israel mi pawl cu Refidim ah Amalek mi pawl in an ra do. Cutikah Moses in Joshua hnenah, “Kanmah lakin mi hrekkhat hril awla, Amalek pawl va do dingah thai sun ah feh aw. Kei cu tlang parah ka ding pei ih Pathian ih i pekmi kianghrol hi ka thlir ding,” tiah a ti. 10 Moses ih fial bangtukin Joshua in a tuah ih Amalek pawl do dingah a feh; cule Moses, Aaron le Hur cu tlang parah an kai. 11 Moses in a baan a thlir sung pohpoh cu Israel mi pawl in an ral an neh vivo; asinain a baan a òhum tikah cun Amalek mi pawl in an rak neh deuh òheu. 12 Cun Moses cu a baang zet; a baan tla a zawng ih Aaron le Hur in lungto an lak ih a hnuai ah an ret, a cuih parah Moses cu a to ih annih pahnih cu a kapah dingin a baan pawl cu an kai ih an thlir sak. Zanlam nitlak tiang a baan cu an thlir sak ringring. 13 Curuangah Amalek pawl cu Joshua in a neh òheh a si.
14 Cun Bawipa in Moses hnenah, “Ciin ringringmi a sinak dingah hi ralnehnak thu hi cabu sungah ngan aw; cun Joshua khal sim aw. Cule Amalek mi pawl cu hloral tata dingin ka tuah ding a si,”Ref 17:14 Daan 25:17-19; 1 Sam 15:2-9; tiah a ti. 15 Cutawkah Moses in biakòheng a don ih, “ Bawipa cu ka Thantar a si,” tiah hmin a sak. 16 Cule Moses in, “ Bawipa ih thantar khaisang uh. Ziangahtile Bawipa in Amalek mi pawl cu sankhat hnu sankhat a do ringring ding,” tiah a ti.