16
Manna Sang Le Vanim Sa
Israel mi miburpi cu Elim ihsin an pok ih, Izipt ram in an pawhsuak thlahnihnak ni hleinga ni ah Elim le Sinai karlak ih a ummi Sin nelrawn an thleng. Cule cuih nelrawn ramòhing ahcun an zate in Moses le Aaron hnenah an phunzai ih, “Izipt ram ahkhan Bawipa in, in rak that thluh sawnta sehla kan va duh so! Izipt ram ahcun sakheng kan hil ih rawl kan duh zat in kan ei. Asinan nanmah in, in suahpi ih hitawk nelrawn ramòhing ahhin rilrawng in, in thiter thluh ding a si hi!” tiah an ti.
Cutikah Bawipa in Moses hnenah, “Atu ah nan zate hrangah van ihsin ruah bangin sang ka surter ding.Ref 16:4 Joh 6:31; Israel mi cu nitin tein an riahbuk in an suak pei ih a cuih ni hrang daih in sang cu an sar òheu pei. Cuticun ka thuzirhmi an thlun le thlun lo ka hniksak ding. Ni ruknak ni ahcun ni dang ih an sar keelih lethnih tam in an sar pei ih ei dingin an timtuah pei,” tiah a ti.
Cuhrangah Moses le Aaron cun Israel mi zate hnenah, “Tuih zan zanlam ah Izipt ram ihsin in suahtu cu Bawipa a si, ti kha nan thei ding. Cule zinglam ah Bawipa ih sunlawinak nan hmu ding. A parih nan phunzainak a thei zo. A si! Bawipa Amah ih parah nan phunzai. Ziangahtile kannih cu phunzai san tlak kan si ual lo!” tiah an ti. Cule Moses in, “Zanlam ei dingah sa a lo petu ding le zinglam ei dingah nan duh zat sang a lo petu ding cu Bawipa a si. Ziangahtile vei tam zet a parih nan phunzaimi cu a thei zo. Kannih thamtham cu ziangti tlak kan si ual lo! Nan phunzainak cu kan parah a si lo; Bawipa ih parah a si sawn,” tiah a ti.
Moses in Aaron hnenah, “Israel mi zate hnenah, “Ra uhla Bawipa ih hmaiah ra ding uh; ziangahtile nan phunzainak a thei zo a si,” tiin sim aw,” tiah a ti. 10 An zate hnenih Aaron a òong ve tein nelrawn lam an hoi ih hmakhat teah Bawipa ih sunlawinak tleu cu mero parah a lang. 11 Cutikah Bawipa in Moses hnenah, 12 “Israel mi pawl ih phunzainak cu ka thei zo; an hnenah, “Zanlam khawmawt zawng ah ei ding sa nan ngah dingih zinglam ah nan duh zat rawl nan ngah ding. Cutikah Bawipa keimah cu an Pathian ka si hi an thei ding,” tiin sim aw,” tiah a ti.
13 Cule zanlam ah vanim tampi an ra ih Israel mi an riahbuk hrawng cu an khat òheh. Zinglam ah riahbuk kiangkap ah cun daiti thuah khat a tla. 14 Cuih daiti cu a ro tikah nelrawn leilung parah cun thil phunkhat, a paa ih a peer zetmi, leilung parih tikhal paate bangtuk a um. 15 Cumi cu Israel mi pawl in an hmuh tikah ziang a si, ti an thei lo ih pakhat le pakhat, “Ziangso a si?” tiah an sut aw ton vivo.
Cutikah Moses in, “Himi hi Bawipa in nan ei dingah sang a lo pekmi cu a si. 16  Bawipa ih thupek bangtukin nanmahte nan òul zat ciar nan sar khawm pei ih mi pakhat hrangah khuat li ciarin nan sar pei. Mi pakhat in a riahbuk sungih a ummi zate hrangih a òulmi zat ciar nan la pei,” tiah a ti.
17 Israel mi pawl cun Moses ih sim vekin an tuah; mihrek cun tam an khawm ih mihrek cun mal an khawm. 18 Sikhalsehla an tah tikah tam deuh a khawmmi pawl in tam tuk an nei cuang lo ih mal deuh a khawmmi pawl khalin maltuk an nei cuang fawn lo. A khawmtu hmuahhmuah in an òul tawk zat ngaingai ciar an khawm a rak si.Ref 16:18 2 Kor 8:15; 19 Cutikah Moses in, “Zohman in thai sun hrangah tiah nan ret lo pei,” tiah a ti. 20 Asinan mi hrekkhat cu Moses ih thu ngai lo in sang malte cu thai sun hrangah tiah an rak ret. A thaizing ahcun a siat òheh ih tholung a rak khah ruangah a nam hiamhiam. Cutikah Moses cu an parah a thin a heng ngaingai. 21 Israel mi pawl cun zingtinte an òul zat ciar an khawm òheu; asinain sunih ni a ling tikah leilung parih a tangmi cu a zup thluh òheu.
22 Niruknak ni ahcun rawl cu lethnih tam in minung pakhat hrang khuat riat ciarin an khawm. Israel mi hruaitu pawl cu an ra ih cuih thu cu Moses hnenah an sim. 23 Cutikah Moses in, “Himi hi Bawipa ih thupek a si, “Thaisun cu colh ni, Bawipa ih ni, sabbath thiang a si. Em nan duhmi atu ah em uhla, suan nan duhmi atu ah suang uh. Nan hlahmi pohpoh cu a dang tein khawl uhla thai sun hrangah ret uh,” a ti a si,”Ref 16:23 Suah 20:8-11; tiah a ti. 24 Cule Moses ih sim vekin an hlahmi cu a thai sun tiang an ret ih a uih hrimhrim lo; tholung khal a um lo. 25 Cutikah Moses in, “Himi hi tuih sun ah ei uh; ziangahtile tuih sun cu Bawipa ih hrangah sabbath a si ruangah khualeng ah zianghman nan hmu lo ding. 26 Niruk sung nan khawm pei. Asinan ni sarihnak ni cu sabbath a si ruangah zianghman a um lo ding,” tiah a ti.
27 Asinan mi hrekkhat cu rawl hawl dingah khualeng ah an feh ih an hawl thotho nain an hmu lo. 28 Cutikah Bawipa in Moses hnenah, “Ziangtik tiang so ka thupek le ka daan pawl hi thlun duh lo in nan um ding? 29 Sabbath a lo tuah saktu cu Bawipa Keimah ka si, ti cu thei uh. Curuangah a si ni hnih hrang daih in ni ruk ni ah rawl ka lo pek. Nisarih ni cu zozo khal mah ih umnak ciar ah um ding a si. Zokhal mah ih inn ihsin suak lo ding a si,” tiah a ti. 30 Curuangah ni sarih ni ah Israel mi pawl cu an cawl.
31 Israel mi pawl in a cuih an rawl cu mannaq 16:31 Manna: ti cu Hebru òong in ziangso a si? ti thawn a aw suah a bang aw. tiah an ti. Manna cu Koriander cir 16:31 Koriander ci: an timi cu Naanaan ci bangtuk a si a bang. A raang ih a thawt zia cu khuaitizu rawimi sangpheng vek a si.Ref 16:31 Mipum 11:7,8; 32 Cule Moses in, “ Bawipa ih thupek cu hitiin a si, “Manna sang cu dawng pakhat sungah ret uh. Izipt ram ihsin ka lo suakter ih nelrawn sung nan feh lai ih nan ei dingah ka lo pekmi rawl a si, ti nan tesinfa pawl ih an hmuh leh dingah òha tein ret uh,” a ti,” tiah Israel misenpi hnenah a ti. 33 Cun Moses in Aaron hnenah, “Beel pakhat in la awla manna sang khuat li in a sungah thun aw; na tesinfa pawl hrangah Bawipa ih hmaiah ret aw,”Ref 16:33 Heb 9:4; tiah a ti. 34  Bawipa in Moses hnenih thu a pek bangtukin Aaron in a tuah ih thukam retnak kuang hmaiah a himnak dingah a ret. 35 Israel mi pawl in Kanaan ram an thlen hlan, kum sawmli sung cu manna an ei. Manna cu umhmun an khuarnak Kanaan ram an thlen tiang an ei a si.Ref 16:35 Jos 5:12; 36 (Omers 16:36 Omer pakhat cu khuat hnih tluk a si. pakhat cu efah pakhat ih òhenhra òhenkhat a si.)