9
Judah Mi In An Ral Pawl An Siatsuah
Cule Adar thla, ni hleithum ni cu a ra thleng. Cuih ni cu siangpahrang thuthan mi an tuahsuak ni, Judah mi a huatu pawl in Judah mi parih diriam in thil òha lo tuah dingih an beisei ni a si. Asinan Judah mi sawn in an neh riangri. Cuih ramsung khua ih Judah mi umnak veng kipah Judah mi pawl siatsuah a duhtu pawl siatsuah dingah Judah mi pawl cu hmunkhat ah an òang. Mi hmuahhmuah in Judah mi pawl cu an òih, a dodal theitu ding zohman an um lo. Ramòhen uktu bawi, ram uktu bawi, bawi dangdang le siangpahrang palai thlahmi pawl tla in Judah mi cu an bawm; ziangahtile Mordekai an òih. Siangpahrang inn ah Mordekai cu thuneitu a si ih a thuneihnak cu a òhang deuhdeuh ti cu Persia ram sungah theih thluhmi a si. Curuangah Judah mi pawl in an ral pawl cu an duhduh in an tuah. Ralnam in an sat, an that ih an siatsuah thluh a si.
Susa Khuapi khalah Judah mi pawl in minung zanga an that. 7-10 Judah mi a raltu Hammedatha ih fapa Haman ih fapa pahra pawl: Parshandatha, Dalfon, Asfatha, Poratha, Adalia, Aridatha, Parmashta, Arisai, Aridai le Vaizatha tla an that. Asinan zo ih thil hman an long lo.
11 Cuih ni ah Susa Khuapi ah mi ziangzat an that ti siangpahrang an sim. 12 Cutikah siangpahrang in siangpahrang bawinu Esther hnenah, “Susa Khuapi lawnglawngah Judah mi pawl in minung zanga le Haman ih fapa pahra an that zo. Ramòhen dang ah ziangtlukin that na hai maw! Ziangso na duh hrih? Ka lo pe ding. Na duhmi i sim hrih awla ka lo pe ding,” tiah a ti.
13 Esther cun, “Siangpahrang bawipa na lung a kim ahcun Judah mi pawl in tuih sun ah Susa Khuapi ih an tuahmi vek hi thai sun khalah tuah hrih hai seh. Cule Haman ih fapa pahra ih ruak cu thlaithahnak parah thlai siseh, ” a ti. 14 Esther timi vekcun siangpahrang in thu a pe ih Susa ah thu an than. Haman ih fapa pahra ih ruak cu senpi hmuh ah an thlai. 15 Cule Adar thla, ni hleili ni ah Judah mi pawl cu hmunkhat ah an khawm aw ih Susa Khuapi ah a dang minung zathum an that. Asinan zo ih thil hman an long lo.
16 Ramòhen kipah Judah mi pawl cu an tongkhawm aw ih an òang tlang. Anmah huatu an ral pawl cu minung thawng sawmsarih le thawngnga an that. Asinan thil an long lo. 17 Cuih ni cu Adar thla, ni hleithum ni a si. A thai sun ni hleili ni cu thahawknak zianghman a um lo ih lungawi puai tuah ni ah an hmang. 18 Asinan Susa Khuapi ih Judah mi pawl cun ni hleithum ni le ni hleili ni ah mi an that ih ni hleinga ni ah an colh hrangah ni hleinga ni cu puai ni ah an hmang. 19 Curuangah khuate lam hla deuh ih a ummi Judah mi pawl cun Adar thla ni hleili ni cu lungawi puai tuah ni, rawl einak puai an tuah ni le pakhat le pakhat laksawng an pekawk ni ah an hmang.
Purim Puai
20 Cun hi thil a cangmi pawl hmuahhmuah cu Mordekai in ca sungah a khum thluh. Persia ukmi ram sungih a ummi Judah mi hmuahhmuah hnenah ca a ngan ih, 21 kumtinte Adar ni hleili ni le ni hleinga ni cu puai ni ih hmang ringring dingah thu a than. 22 Hi ni cu Judah mi pawl in an ral pawl an cemter ni an si. Hi thla riahsiatnak le vansannak cu lungawinak le thinnomnak ih an canter thla a si. Hi ni hnih cu lungawinak puai, rawl eitlangnak puai le pakhat le pakhat laksawng an pekawk ni le mifarah pawl thil an òhen ni si dingah thu a than. 23 Curuangah Mordekai thuthan mi cu Judah mi pawl in an thlun ih an puai cu kumtin tuahmi puai ah a cangta.
24 Agag tesinfa Judah mi a raltu, Hammedatha ih fapa Haman in Judah mi pawl siatsuah duh ah le an ci ih hmih thluh duh ah “Purim,” timi camcawhfung a rak zuuk.Ref 9:24 Est 3:7; 25 Sikhalsehla Esther cu siangpahrang hnenih a feh ruangah siangpahrang in thu a pe ih, Judah mi pawl hremnak ah a timi cu amah Haman in a tuar riangri; amah le a fapa pahra pawl cu thlaithahnak parah thlai an si. 26 Curuangah Judah mi pawl ih an tuahmi puai cu, “Purim,” an ti; Purim ti cu “Camcawhfung,” tican a si. Mordekai ih cakuat mi ruangah le an parih thil a cangmi pawl ruangah, 27 Judah mi pawl in anmah hrang, an tesinfa pawl hrang le Judah mi ih can a duhmi pawl hrangah, hi ni hnih cu kumtinte a tikcu caan ah, Mordekai ih thuthan mi vekin, ul ringring dingah daan an tuah a si. 28 Judah mi innsang ciar in, sankhat hnu sankhat, khuatin le ramtin ah cat nawn lo in hi Purim puai cu an ulh ringring dingmi a si.
29 Cun Abihail ih fanu siangpahrang bawinu Esther in Mordekai ih a rak nganmi Purim thu ih cakuat mi hlei ah hmualnei zet a dang cakuat cu Mordekai thawn a ngan a si. 30 Esther cakuat cu Judah mi hmuahhmuah hnenah le Persia ukmi ram, ramòhen za le kul hluansarih ah an kuat thluh. Cuih cakuat sungah cun Judah mi pawl ih daihnak le humhimnak hrang thlaza camnak a telh ih, 31 rawl ulhnak le riahsiatnak caan hrangih daan an neih vekin Purim puai ni pawl cu fel tein an tesinfa san tiangin a tikcu caan ah hmang dingah thupeknak tla a telh. Himi cu Mordekai le Esther an pahnih ih thupekmi a si. 32 Esther ih thupekmi in Purim puai hman daan pawl cu a hngetter ih a thupekmi cu ca sungah an khum thluh.