7
Haman An That
Cuticun siangpahrang le Haman cu rawl ei dingah Esther hnenah, a vei hnihnak an feh. Sabitti an in ih siangpahrang in Esther cu, “Atu ah, siangpahrang bawinu Esther, na duhmi cu i sim awla ka lo pe ko ding. Ka ram ukmi a hrek hman ka lo pe ko ding,” tiah a ti.
Cutikah siangpahrang bawinu Esther in, “Maw Siangpahrang bawipa, tangdornak thawn ka lo dilmi i pek tum a si ahcun, ka nunnak le ka miphun pawl ih nunnak hi in zuah hram aw, ti ka lo dil a si. Ka miphun pawl le keimah hi thah thluh dingah phiartu an um; kannih hi siatsuah thluh ding le kan ci ih mit thluh ding kan si. Sal ih zuar ding lawng si nungla cu siangpahrang bawipa zianghman hnahnawhnak pe lo in daiziar in ka um ding nain, atu cu cuvek a si lo; kan ci ih hmit thluh ding kan si,” a ti.
Cutikah siangpahrang Xerxes in, “Cubangtuk thil tuah a tum ngamtu cu zoso a si? Khuiahso a um?” tiah Esther cu a sut.
Esther in, “In raltu le in hremtu cu hi miòha lo pa Haman hi a si,” tiah a ti.
Cumi a theih tikah Haman cu a khur thlohthlo ih zianghman a òong thei lo. Cule siangpahrang cu a thinheng in a tho ih a leng ih hmuan ah a va feh. Siangpahrang in i zuah lo ding, ti cu Haman cun a thei keukeu. Curuangah a tonak ahcun a to ih a nunnak hum dingah siangpahrang bawinu Esther cu a dil ciamco. Siangpahrang cu hmuan ihsin rawl einak khaan sungih a rung luhsal tikah, zangfahnak dil phahin Haman cu Esther ih tohkham parah a sep aw. Cutikah Siangpahrang bawipa cun, “Hi pa hi ka innsung le ka hmaika rori ah siangpahrang bawinu a kaihrem tum maw si?” tiah a au ciamco.
Cumi hman siangpahrang in a òong òheh hlanah amah kiltu pawl in Haman ih hmai cu an khuh. Cule anmah lakih pakhat pa Harbonah in, “Siangpahrang bawipa ih nunnak a hum suaktu Mordekai thlainak ah tiah Haman in a inn ah thlaithahnak hman a tuah thluh zo sokhaw. Cuih thlaithahnak cu pi sawmsarih le pi nga a sang a si,” tiah a ti.
Siangpahrang in, “Cutawkah Haman hi va thlai uh,” tiah thu a pek.
10 Curuangah Haman cu Mordekai thahnak ih a tuahmi thlaithahnak ahcun an thlai that. Cule siangpahrang ih thin cu a daisal.