3
Haman In Judah Mi Siatsuah A Tum
1 Tikcu a hung rei deuh tikah, Siangpahrang Xerxes in Haman an timi pa cu a kuthnuai bawi pawl hmuahhmuah lakih bawi upa bik ah a tuah. Haman cu Hammedatha ih fapa a si ih Agagd Agag cu Amalek Siangpahrang a si; Amalek mi pawl cu Israel mi thawn an ral aw zet. ih tesinfa a si.
2 Siangpahrang in a kuthnuai ih hnaòuantu hmuahhmuah hnenah, “Haman cu nan upat pei ih a hmaiah khukbil in nan lu nan kun pei,” tiah thu a pek. Curuangah an zate in Siangpahrang ih thupekmi vek cun an tuah. Asinan Mordekai cun a tuah duh lo.
3 Siangpahrang hnaòuantu bawi dang pawl in, “Ziangahso siangpahrang thu cu na thlun duh lo?” tiah an ti.
4 Nikhat hnu ni khat an sim rero nain an thu cu a ngai thotho lo. Mordekai cun, “Kei cu Judah mi ka si ih Haman hmai ahcun ka lu ka kun thei lo,” a ti. Cuih thu cu Haman an sim ih Mordekai ih umdan hi a zawi aw thei ngai pei maw, tiah an mang a bang.
5 Haman hmaiah Mordekai cu a khukbil in a lu a kun lo ding, ti a theih tikah Haman cu a thin a heng ngaingai.
6 Cuih tlunah Mordekai cu Judah mi a si, ti a theih tikah cun Mordekai pakhat lawng hrem ding cu a lung a kim nawn lo. Persia ram sungih Judah mi hmuahhmuah thah òheh a tum.
7 Siangpahrang Xerxes in siangpahrang a òuannak kum hleihnih kum, thla khat thla, Nisan thla ahcun, mi a phiarnak ding ni le thla theih duh ah Haman in “Purim,” an timi camcawhfung zuuk dingah thu a pek. An zuh tikah thla hleihnih thla, Adar thla ni hleithumnak an zuuk.
8 Cule Haman in siangpahrang hnenah, “Bawipa, na uksung le na ramòhen kipah hin mi phunkhat an um ih an thil tidan tla cu miphun dang pawl ih thil tidan thawn an bang aw lo. Cuih tlunah na ukmi ram sungih daan khal an thlun duh lo. Curuangah hitiih zoh men dingah hin na hrangah a òha lo a si.
9 Na lung a kim a si ahcun himi pawl hi thah òheh dingah thu pe aw. Cutiih na tuah asile na ram uknak hrangih hman dingah na tangka inn sungah ngun tangka cuai thawng zahnih le thawng sawmlig Cuai thawng zahnih le thawng sawmli: timi hi ‘talent thawnghra’ tiin a um. Talent pakhat cu cuai kul hluanli tluk a si. keimah hrimhrim in ka pek thei ding, tiah ka lo kam a si,” tiah a ti.
10 Cutikah siangpahrang in a thupekmi pawl hmual nei dingah a hminkhennak zunghruk cu a phuak ih Judah mi pawl a huatu Agag tesinfa Hammedatha ih fapa Haman hnen ahcun a pek.
11 Siangpahrang in Haman cu, “Cuih tangka cu na kut sungah ka lo pe; minung pawl khal ka lo pe cih. Òha na ti bangin na duhduh in tuah aw,” a ti.
12 Curuangah thla khat thla, ni hleithumnak ni ah, Haman in siangpahrang ih sungòuan pawl cu a ko ih thuthan dingmi cu a auh hai. Ramsung ramòhen kipih an hmanmi ca in siseh, miphunkip hnenah anmah ih òong ciar in siseh, an kuat ih ramòhen uktu bawi le bawi dangdang hnen khalah an kuat òheh. Cuih ca cu Siangpahrang Xerxes hmin in an ngan ih a zunghruk in tacik an khen.
13 Mi an thlahmi pawl in an ramsung khuazakip ah an fehpi. Thla hleihnih thla, Adar thla, ni hleithum ni, ni khat sungah Judah mi hmuahhmuah cu nunau, mipa ti lo, upa nauhak ti lo in, thah thluh ding an si. Zangfahnak zianghman um lo in an ci ih hmih thluh ding an si; an thilri hmuahhmuah khal lon thluh ding an si.
14 Mi hmuahhmuah in an thei ih cuih ni ih an timtuah ciarnak dingah cuih ca cu ramòhen tin ah than thluh ding a si zo.
15 Siangpahrang ih thupek vekin mi an thlahmi pawl cun zamrang tein khuazakip ah cuih thu cu an than. Susa Khuapi khalah cuih thu cu an than. Cule cuih thuthannak ruangah Susa khuasungmi pawl cu mangbang ih an um lai ah siangpahrang bawipa le Haman cu an to ih zu an in tlang.