ESTHER
Thuhmaihruai
Esther cabu sungih a ummi thuhla pawl cu thlatang caan ih Persia siangpahrang a um òheunak inn ihsin a rak suakmi thuanthu pawl an si. A simsan bikmi cu nunau ral òha Esther an timi ih thu a si. Hi nu hin a ralòhatnak le a pumpek awknak ruangah a miphun pawl kha ral pawl ih kutsung ihsin a runsuak, tithu a rel tam bik. Himi cabu hin Purim timi Judah puai ih hramthawhnak, sullam le thuhla a simfiang. Pathian hmin veikhat hman a saal lo. Milai hnaòuan daan: An phiarawknak le an ralòhatnak pawl a sim.
1
Vashti In Siangpahrang Xerxes Thu A El
1-2 Xerxesa 1:1 Xerxes hi Xerxes tiah an ngan nain a aw suah thlun in le siar olnak ah Xerxes tiin kan ngan. Hebru Baibal sungah Ahasueras tiin a um ih amah ih hmin thotho a si. cu siangpahrang a si ih Persia ram khuapi Susa ih a siangpahrang tohkham ihsin India in Ethiopiab 1:1 Ethiopia hi Sudan ti tla in an ngan. Hebru Ca Thianghlim sungah cun Cush tiin a um. Culai ih Cush timi cu tuih san ih Ethiopia khi a si. Siangpahrang a si caan cu BC 485 - 464 tiang a si. tiang ramòhen za le kul hluansarih a uk.Ref 1:1-2 Ezr 4:6;
3 Siangpahrang a òuan kum thumnak ah a kuthnuai bawi pawl le a ramòhen uktu bawi pawl hrangah rawl ei puai tumpi pakhat a tuah. Cuih puai ahcun Persia le Media ralkap pawl le ramòhen uktu bawi le phun upa tampi an tel.
4 A thilri neih zia le a len zia cu mi ih zoh dingah thla ruk sung rori a hmuh.
5 Cuih hnu ahcun siangpahrang bawipa in Susa khuapi sungih a ummi mipa hmuahhmuah, milian siseh, mifarah siseh, an zate hrangah rawl ei puai a tuah. Siangpahrang inn tualah zarh khat sung puai cu a tuah.
6 Tual cu pat puanzar a rang le mepian pawl in an ceimawi ih cuih puan pawl cu pat phangfem in lungrang òhuam parih ngunkual ah an khih. Tual cu lungrang, lungsen, lungvar, lung mepian le lunghring pawl in an phah ih cuih parah cun sui le ngun in tuahmi tohkham tampi an hung.
7 Sabitti cu sui khuat a phunphun in an pek. Siangpahrang a si bangtukin sabitti cu tirhsiang zet in a pek a si.
8 An sabitti in ding cu a zat leiteek an tuah lo. An duhzat ciar in, in hai seh, tiah Siangpahrang in a hnaòuantu pawl cu thu a pek.
9 Culai ahcun siangpahrang inn ah Siangpahrang bawinu Vashti in nunau hrangah rawl ei puai a rak tuah ve.
10 Rawl ei puai a tuahnak ni sarih ni ah siangpahrang bawipa cu a sabitti in mi in a thinlung a puamter. Curuangah tilper mi amah riantu pasarih Mehuman, Biztha, Harbona, Bigtha, Abagtha, Zethar le Karkas a ko ih,
11 Siangpahrang bawinu Vashti cu a sui lukhuh khum tahrat in a hnenih ratpi dingah thu a pek. Siangpahrang bawinu cu mi mawi ngaingai a si ih, a sawmmi le a kuthnuai bawi pawl ih hmaiah a nupi mawi zia cu uarawknak thawn a hmuhduh hai.
12 Asinan Siangpahrang bawinu an va sim tikah siangpahrang bawipa ih thu cu a el ih a ra duh lo. Cutikah Siangpahrang bawipa cu a thin a heng ngaingai; a thinheng zia cu a so in a so.
13 Cun thil thupi le thu harsa a um tikah siangpahrang bawipa in ruahnak petu pawl ih ruahnak cu a sut hmaisa òheu. Curuangah amah ruahnak petu pawl, ziang tuah le a òha ding ti a theitu pawl a sut.
14 An ruahnak a suh bik òheumi pawl cu: Karshena, Shethar, Admatha, Tarshish, Meres, Marsena le Memukan an si. Hi bawi pasarih cu Persia le Media ram ah bawi upa bik pawl an si ih siangpahrang ton theinak neitu an si.
15 Siangpahrang bawipa cun an hnenah, “Keimah siangpahrang Xerxes in ka hnenum pawl ka thlah ih Siangpahrang bawinu ra seh, tiah thu ka pek. Asinan a ra duh lo. Curuangah a daan vekin ziangso ka tuah ding?” a ti.
16 Cutikah Memukan in siangpahrang bawipa le a kuthnuai bawi pawl hnen ahcun, “Siangpahrang bawinu Vashti in Siangpahrang bawipa a hmuhsuam a si; Siangpahrang bawipa a hmuhsuam lawng si lo in a kuthnuai ih a ummi bawi pawl le a ram sungih a ummi hmuahhmuah khalin hmuhsuam òheh ve a si.
17 Siangpahrang bawinu ih nuncan hi an theih tikah na uknak sungih a ummi nunau hmuahhmuah in an pasal cu zianghman ah an siar nawn lo ding. Nunau hmuahhmuah in, ‘Siangpahrang bawipa Xerxes in siangpahrang bawinu Vashti a ko nain a feh duh lo,’ an ti thlang ding.
18 Persia ram le Media ram sungih a ummi fala hmuahhmuah in siangpahrang bawinu ih nuncan cu tuih sun ni a tlak hlanah na kuthnuai bawi pawl hnenah an sim thluh ding. Cuticun na thu ngaih lonak le hnahnawhnak cu ziangtik hmanah a reh thei nawn lo ding a si.
19 Curuangah Siangpahrang bawipa na lung a kim ahcun, ‘Siangpahrang bawipa cu ziangtik hmanah Vashti in a tong thei nawn lo ding,’ tiah Persia ram le Media ramsung daan cabu sungah nganter aw. Cule a ai awhtu ah aòha deuhmi siangpahrang bawinu dang hawl aw.
20 Hi tluk a tum le a kaumi na uknak ram sungah hin na thupekmi a than òheh tikah cun nunau hmuahhmuah in an pasal cu, milian an si khalle, mifarah an si khalle, an upat ciar ding a si,” tiah a ti.
21 Cuih thu cu siangpahrang bawipa le a kuthnuai bawi pawl in an theih tikah an lung a kim òheh ih Memukan simmi vek cun siangpahrang bawipa in a tuah.
22 A ram sungah cun ca a kuat òheh ih innsang pakhat sungah an pasal cu thuneitu bik a si ding, tiah an peng le an ram ciar ah an òong ciar in thu a than òheh.