9
Miphun Dang Nupi Neih Thu Ezra In A Thei
Cuih thil pawl an tuah òheh hnuah, Israel hotu upa hrekkhat pawl ka hnenah an ra ih, “Misenpi siseh, puithiam le Levi mi pawl siseh, hlimphir in an um lo; kan kiangkap ram ih a ummi Kanaan mi, Ammon mi, Moab mi le Izipt mi pawl thawn an um tlang ih Hit mi, Periz mi, Jebus mi le Amor mi pawl thawn an cokrawi aw òheh a si. Hi miphun pawl ih an tuahmi ningsinza thil a simi pawl tla an tuah ve. Judah mipa pawl in miphun dang nunau an òhi ih Pathian miphun thianghlim cu cokrawimi le miphun borhbah ah a cang zo. A luar bik cu hotu le bawi pawl an si,” tiah in ti. Cuih thu ka theih tikah ninghang riahsia in ka hnipuan ka thlek, ka sam le ka khahmul ka bot ih thinpit beidong in ka to. Zanlam thawinak pek tikcu tiang riahsia in ka to ih mi hrekkhat cu ka kiangah an ra. Saltannak ihsin a ra kirmi pawl sualnak thu Israel ih Pathian in a phuan ruang ih thinphang mi pawl an ra.
Zanlam thawinak pek tikcu a kim tikah ninghang ih ka tonak ihsin ka tho ih, ka hnipuan tlekpi thawn baan phar le khukbil in Bawipa ka Pathian hnen ahcun thla ka cam. “Maw Pathian, ka ning a zak tuk ih na hmai ka zoh ngam lo. Kan sualnak hi kan lu hnakin a sang sawn ih van a hun dai. Kan pupa ih san in atu tiang kannih na minung pawl hi kan sual ngaingai. Cutiih kan sual ruangah kanmah le kan siangpahrang pawl le kan puithiam pawl tiangin ramdang siangpahrang pawl ih kutsung kan thleng. An duhduh in, in that, kan thilri in long, thawng ah in thlak ih tuih sun tiangin ningzak hmaisia in, in tuah. Atu ah tikcu tawite sung, Bawipa kan Pathian, nangmah in, in zangfah ih mi hrekkhat pawl cu nungdam in, in luatter ih hi hmun thianghlim ahhin himdam in kan um. Saltannak ihsin in runsuak ih nunnak thar in pek. Sal kan si nain saltannak ah in tanta lo. Persia siangpahrang pawl cu kan parah an mithmai na òhatter ih Judah le Jerusalem ah himdam teih umsal dingah le a siat thluh zomi na Biakinn saksal dingah in thlah.
10 “Sikhalsehla atu ah, maw kan Pathian, hibangtuk ih thuhla a um hnuah ziangso kan sim ngam nawn ding? Na siahhlawh profet pawl hnen ihsin, 11 in pekmi thukham hmuahhmuah cu kan siatbal thluh. Na profet pawl in kan luah dingmi ram cu ramsung minung pawl in an baalter ih ram pumpuluk ah ningsinza thil le thil òha lo in an khahter ruangah ram thianglo a si, tiah in sim. 12 Cuih tlunah hi kan luah dingmi ram cu ramnuam si dingah kan duh ih kan tesinfa pawl hnenih roh dingah kan duh ngaingai a si ahcun hi ram ih a rak um cia mi pawl thawn òhitpolh awknak tuah hrimhrim lo dingah le an hlawhtling dingih bawm hrimhrim lo dingah in tiam fawn.Ref 9:12 Suah 34:11-16; Daan 7:1-5; 13 Kan sual ruang le kan òhat lo ruangih hitluk hremnak kan tuar hnuah hin, maw kan Pathian, nang cun kan tuar dingmi hnakih deem deuh in, in hrem ih atu bangtukin nungdam in, in umter, ti kan thei. 14 Cubangtuk hnuah hin ziangtinso hi miòha lo pawl thawn òhitpolh awknak tuah tahrat in na Thukham pawl cu kan dungtun thei nawn ding? Cutiih kan tuah ahcun na thin kan lo hengter tuk dingih pakhat hman luat lo in kan ci in hmit thluh thlang lo ding maw? 15 Maw Bawipa, Israel ih Pathian, nang cu na dingfel ih atu khalah in luatter mi, a tangsun kan si. Na mithmuh ah kan sualnak thawn kan um; na hmaiah a ra ngam ding khal kan si lo,” tiah ka ti.