10
An Òhitpolh Awknak An Siat
1 Ezra cu òap phah le sual phuangin Biakinn hmaiih thla a cam rero lai ah, Israel miburpi cu a hnenah mipa, nunau le nauhak tiangin an ra ih napi in an òap.
2 Cule Elam hrin, Jehiel ih fapa Shekaniah in Ezra hnenah, “Miphun dang nunau kan òhi ih Pathian hmaiah zum tlak in kan um nawn lo. Sikhalsehla Israel hrangah ruahsannak a um lai.
3 Atu ihsin hi nunau pawl le an faate pawl cu dawi dingin Pathian hnenah thu kan kam pei. Nangmah le Pathian thupekmi a upattu pawl ih sim vekin kan tuah ding. Pathian ih in pekmi Daan vekin kan thlun ding.
4 Tho awla thok aw; himi cu nangmah ih òuanvo a si, kan lo bawm ding. Ralòha zet in tuah aw,” a ti.
5 Cutikah Ezra in Shekaniah ih simmi vekin tuah thluh dingah puithiam upa pawl, Levi mi pawl le senpi pawl cu siatcam in thu a kamter.
6 Cuih hnuah Biakinn hmai ahcun a feh ih Eliashib ih fapa Jehohanan umnak inn ah cuih zan cu a riak. Saltannak in a kirmi pawl ih sualnak thu ruatin riahsia ninghang in a um ih zianghman a ei a in lo.
7 Cule saltannak in a kirmi pawl hmuahhmuah Jerusalem ih rakhawm òheh dingin Jerusalem le Judah ramsung khuazakip ah thu an than.
8 Cumi cu uktu pawl le misenpi hotu pawl ih thupek vekih an than mi a si. Zokhal sisehla ni thum sungih a ra suak lomi cu a thilri hmuahhmuah lon òheh a si dingih a ra kirmi pawl sungah telh a si nawn lo pei, an ti.
9 Ni thum sung, thla kua thla, ni kul ni ah Judah le Benjamin ram sungih a ummi hmuahhmuah cu Jerusalem ah an ra ih Biakinn tual ah an khawm aw. Nasa zet in ruah a sur. Cutiih ni khua a siat ruangah le an tonkhawmnak a thupit ruangah mi hmuahhmuah an khur òheh.
10 Cutikah puithiam Ezra cu a tho ih an hnenah, “Miphun dang nunau nupi ah nan òhi ih Israel sualnak cu nan luarter sinsin.
11 Atu ah nan pupa ih Pathian, Bawipa ih hnenah nan sualnak cu phuang uhla Amah ih lungawinak tuah uh. Kan ram sungih um miphun dang pawl thawn rawi lo in hlimphir in um uhla miphun dang nan nupi pawl cu dawi thluh uh,” a ti.
12 Senpi pawl cu an au ih, “Na simmi hmuahhmuah kan tuah ding.
13 Asinan minung kan tam tuk; ruah le napi in a sur fawn. Khualeng ah hiti cun kan ding thei cawk lo ding. Hi sualnak ahhin zozo khal kan tel thluh ruangah ni khat ni hnih sungih òheh theih dingmi a si lo.
14 Kan hotu upa pawl in kan zate ai ah hi thu cu tawlrel hai seh. Kan khua ciar in miphun dang nupi a neitu hmuahhmuah cu an tinmi tikcu ah an khua sungih hotu le thuòhentu pawl thawn ra suak hai seh. Cuticun hi sualnak ruangah kan parih Pathian thinhennak cu a dem ding,” an ti.
15 Cutiih an timi a eltu cu Asahel fapa Jonathan le Tikvah ih fapa Jahzeiah lawng an si; annih pahnih hnenah Meshullam le Levi mi Shabbethai tla an òang ve.
16 Saltannak ihsin a kirmi pawl an lung a kim ruangah puithiam Ezra in an hrin ciar ih hotu pawl sungin mi a hril ih an hmin an ngan òheh. Cule an hnaòuan cu thla hra thla, ni khat ni in an thok ih,
17 thla thum sungah miphun dang nupi a neitu pawl ih thu cu an zingzoi òheh a si.
Miphun Dang Nupi Neitu Pawl
18 Miphun dang nupi neitu pawl cu a tanglam vekin an si.
Jehozadak fapa Joshua hrin le
a unau pawl: Maaseiah, Eliezer,
Jarib le Gedaliah.
19 An nupi pawl dawi dingah
thu an kam aw ih
sualthlah thawinak hrangah
tuucang pakhat an pek.
20 Immer hrin in: Hanani le Zebadiah.
21 Harim hrin in: Maaseiah, Elijah,
Shemaiah, Jehiel le Uzziah.
22 Pashur hrin in: Elioenai, Maaseiah,
Ishmael, Nethanel, Jozabad le Elasah.
23 Levi mi pawl sungin:
Jozabad, Shimei, Kelaiah,
Kelita ti tla in an ko.
Pethahiah, Judah le Eliezer.
24 Hla saktu pawl sung ihsin:
Eliashib.
Shallum, Telem le Uri.
25 Mi dangdang:
Parosh hrin in: Ramiah, Izziah, Malkhijah,
Mijamin, Eleazar,
Malkhijah le Benaiah.
26 Elam hrin in: Mattaniah, Zekhariah,
Jehiel, Abdi, Jeremoth le Elijah.
27 Zattu hrin in: Elioenai, Eliashib,
Mattaniah, Jeremoth, Zabad le Aziza.
28 Bebai hrin in: Jehohanan, Hananiah,
Zabbai le Athlai.
29 Bani hrin in: Meshullam, Malluk,
Adaiah, Jashub, Sheal, le Jeremoth.
30 Pahath Moab hrin in: Adna, Khelal,
Benaiah, Maaseiah, Mattaniah,
Bezalel, Binnui le Manasseh.
31-32 Harim hrin in: Eliezer, Isshijah,
Malkhijah, Shemaiah, Shimeon,
Benjamin, Malluk le Shemariah.
33 Hashum hrin in: Mattenai, Mattatiah,
Zabad, Elifelet, Jeremai,
Manasseh, le Shimei.
34-37 Bani hrin in: Maadai, Amram, Uel,
Benaiah, Bedeiah, Kheluhi,
Vani ah, Meremoth, Eliashib,
Mattaniah, Mattenai le Jaasu.
38-42 Binnui hrin in: Shimei, Shelemiah,
Nathan, Adaiah, Maknadebai,
Shashai, Sharai, Azarel, Shelemiah,
Shemariah, Shallum,
Amariah le Josef.
43 Nebo hrin in: Jeiel, Mattithiah, Zabad,
Zebina, Jaddai, Joel, le Benaiah.
44 Hi pawl cu miphun dang nupi neitu an si. An nupi pawl an òhen ih an faate pawl thawn an dawi hai a si.