5
Tleunak Sungah Um Uh
Nannih tla cu Pathian duhdawtmi fahniang nan si ruangah amah bangtuk si dingin zuam uh. Khrih in, in duhdawt ih a nunnak kan hrangah a pe zo; cuih a pekmi a nunnak cu Pathian lungawitertu rimhmui pekmi le thawinak ih pekmi a si. Curuangah nan nunnak cu duhdawtnak in lo uk seh.Ref 5.2 Suah 29:18; Saam 40:6;
Pathian minung nan si ruangah nupa sualnak, zoh mawi lo ih nunnak le hamòamnak pawl cu nan lakah a rel hman rel nawn hlah uh. Òong borhbah, òongsia le zahmawh ngainuam lo òong pawl cu nan òong dingah a mawi nawn lo. Cuhnakin Pathian hnenah lungawinak sim sawn uh. Nan theihfel dingih a òulmi cu: Nupa sualnak a tuahtu, zoh mawi lo ih a nungtu le hamòam pawl cu (hamòam besia cu milem biak thawn a bang awk ruangah) Khrih le Pathian Uknak sungah covo an nei lo ding.
Zohman in thudik lo le pom tlak lo thu in lo bum hlah hai seh. Cubangtuk cekci ruangah sokhaw Pathian thinhennak cu a thu a ngai lotu pawl parah a thlen ding cu! Cubangtuk mi pawl cu a pawl khal pawl hlah uh. Hlanah cun nanmah hi khawthim sungah nan rak nung; asinain Bawipa ih minung nan si zo ruangah atu cu tleunak sungah nan um. Curuangah tleunak ih minung bangin nung uh. Ziangahtile òhatnak phunkip, dingnak a phunphun le thudik a phunphun a suahtertu cu tleunak a si. 10  Bawipa ih lungawinak kha hawl uh. 11 Milai ih tuah òheumi santlai lo thil le khawthim sung thil pawl cu a dai in dai hlah uh. Cubangtuk thil pawl cu tleunak ah thlenpi sawn uh. 12 Thim sungah a thup teih tuahmi thil pawl cu ningzakza an si; a òong hman òong ngam ding an si lo. 13 Cule ziang hmuahhmuah cu tleunak ih thlenpi an si tikah an sidan taktak cu a lang òheh ding. 14 Ziangahtile ziang hmuahhmuah fiang teih langtermi cu tleunak ah a cang a si. Curuangah,
“A itmi pawl, òhang thlang uhla,
thihnak ihsin tho thlang uh.
Cutiin nan parah Khrih cu a tleu ding,”
tiah an tinak cu a si.
15 Curuangah nan nundan ahhin ralring uh. Mi-aa bangin nung hlah uh; a fimmi bangin nung uh. 16 Caan òha nan neihmi kip kha man nei zet in hmang uh; ziangahtile kan san hi san sia a si.Ref 5.16 Kol 4:5; 17 Mi-aa si hlah uh; Bawipa in tuahter a lo duhmi kha hawl tum sawn uh.
18 Zuri hlah uh; zu cu a lo siatsuahtu lawng a si. Cuhnakin Thlarau in khat sawn uh. 19 Pakhat le pakhat Saam, hla, hlanawknak hla, thangòhatnak hla, le hla thiang in bia aw uh. Bawipa cu apawknak hla le thangòhatnak hla thawn nan thinlung tak tein cawimawi uh.Ref 5.19-20 Kol 3:16-17; 20 Ziang hmuahhmuah hrangah kan Bawipa Jesuh Khrih hmin in Pa Pathian cu thangòhat ringring uh.
Nupi Le Pasal
21 Khrih nan upatnak ruangah pakhat le pakhat duhnak thlun aw uh.
22 Nupi pawl, Bawipa ih duhnak nan thlun bangin nan pasal duhnak thlun uh.Ref 5.22 Kol 3:18; 1 Pit 3:1; 23 Ziangahtile Khrih cu kawhhran tlunih thu a neih vekin pasal khalin a nupi tlunah thu a nei ve. Khrih amah rori cu kawhhran Runtu a si ih kawhhran cu a ruangpum a si. 24 Curuangah kawhhran in Khrih hnuai ah tangdor ih a um vekin nupi pawl khalin ziangtinkim ah an pasal ih hnuai ah tangdor in um hai seh.
25 Pasal pawl, Khrih in kawhhran cu a duhdawt ih a hrangah a nunnak tiang a pek vekin nan nupi pawl cu nan duhdaw pei.Ref 5.25 Kol 3:19; 1 Pit 3:7; 26 Hitiih a tuahnak cu kawhhran hi, ti sungih a kholhfainak ruangin a thianhlimter hnuah a thu in Pathian hnenih hlan dingah a si. 27 Cuticun kawhhran cu a mawinak zate a simi: Thiang le mawh nei lo, hnawihnihnak, soiselnak, asilole famkim lonak dang um lo tein amah hnen lala ah a thlenter duh ruangah a si. 28 Mipa in an nupi pawl cu anmah ih takpum an duhdawt vekin duhdaw ve ding an si. A nupi a duhdawtu cu amah le amah a duhdaw awtu a si. 29 Zohman in amah ih takpum lala a hua dah lo. Khrih in kawhhran cu a cawm ih a kilkhawi vekin zozo khalin an takpum cu an cawm ih an kilkhawi fingfing a si. 30 Ziangahtile kannih cu a ruangpum ih taksa òhen kan si. 31 Ca Thianghlim in, “Hi thu ruangah mipa in a nu le a pa a tanta ding, a nupi a kom dingih annih cu pumkhat an si ding,”Ref 5:31 Sem 2:24; a ti. 32 Ca Thianghlim ih simmi ahhin a thukmi thudik a lang ih cuih thudik cu Khrih le kawhhran thawn a pehtlai aw mi a si, tiin ka thei. 33 Sikhalsehla nanmah thawn khal a pehtlai aw thotho; pasal hmuahhmuah in an nupi cu anmah ih takpum an duhdawt vekin an duhdaw pei ih nupi hmuahhmuah khalin an pasal cu an upat pei.