7
Israel Hrangah Tikcu Netnak A Nai
Bawipa in ka hnenah, “Milaipa, Cungnungbik Bawipa keimah in Israel ram hnenih ka òongmi cu hihi a si: Nan ram pumpi hrangah a netnak a nai zo.
“Maw Israel, a netnak tikcu a thleng zo. Ka thinhennak na tong ding, ziangahtile na thiltuahmi ruangah na parah thuòhennak ka thlenter a si. Na nuncan fihnungza ruangah na parah phuba ka la ding. Ka lo zuah lo ding, ka lo zangfah fawn lo ding. Fihnungza thil na tuahmi hmuahhmuah ruangah ka lo hrem ding; cuticun Bawipa ka si hi na thei ding,” a ti.
Cungnungbik Bawipa in hitiin a ti: “Nan parah siatralnak pakhat hnu pakhat a ra thleng ding. Atu hi a netnak a si. Nan cem zo. Nan cem faizo a si. Ram sungih a ummi nannih pawl hrangah cun a netnak a ra thleng cing ding. Tlangsang par khawsia biaknak hmunah lungawi in puai nan tuah nawn lonak tikcu a nai zo; lungawinak puai si nawn lo in thubuai in a khatmi caan a si ding.
“Rei lo teah ka thinhennak hmual cu nasa zet in nan tong ding. Nan tuahmi ruangah thuòhennak nan parah ka thlenter ih nan nuncan fihnungza ruangah nan parah phuba ka la ding a si. Ka lo zuah lo ding, ka lo zangfah fawn lo ding. Ningsinza thil nan tuah ruangah ka lo hrem dingih cuticun Bawipa ka si kha nan thei dingih a lo hremtu ka si khal hi nan thei ding,” a ti.
10 Israel hrangah siatralnak ni a ra thleng ding. Thisen suahnak a karhzai vivo; puarthaunak a pittawp a thleng. 11 Thisen suahnak in òhatlonak le sualralnak a suahter sinsin. Anmah ih ta zianghman a tang lo ding: An lennak, an ropitnak le an sunlawinak pawl pakhatte hman a tang lo ding a si.
12 Tikcu a ra thleng ding. Thil lei le thil zuar timi in tican a neih nawn lonak ni a nai zo, ziangahtile Pathian hremnak cu mi hmuahhmuah parah a thleng ding. 13 Sumtuahtu zo vek hman a sunmi a ngahsal tiang a nung lo ding; ziangahtile Pathian thinhennak cu mikip hnenah a thleng a si. Miòha lo pawl cu an luat lo ding. 14 Tawtawrawt an tum ih mi hmuahhmuah an tiar aw; asinain zohman raldonak ah an feh lo; ziangahtile Pathian ih thinhennak cu mikip parah bangrep in a thleng ding a si.
Israel Sualnak Ruangah Hremnak
15 Lamzin ah doawknak a um ih inn sungah rilrawnnak a um. Hramlak ih a fehtu pawl cu doawknak ah an thi dingih khuasung ih a ummi pawl cu natnak le rilrawnnak in an thi ding. 16 Mi hrekkhat cu horkuam ihsin thuro dawihlo mi bangin tlangsang parah an tlan dingih an luat ding. Zozo khal an sual ruangah an aihram ding. 17 An kut a zawng òheh dingih an khuk a òhia ciamco ding. 18 Buri hnipuan an hruk dingih an ruangpumpi in an òhia thlohthlo ding. An sam an met òheh dingih an zate in mualpho in an um ding. 19 An sui le an ngun pawl cu hnawmhne bangin lam lakah an hlon ding, ziangahtile Bawipa in a thinhennak a burh tikah cun an sui le ngun pawl cun a run thei lo ding. Cupawl in an rawl hiarnak a riamter lo ih an pum khal a puarter lo. Sui le ngun in sualnak ah a hruai a si. 20 A mawi zetmi an hlawnthil pawl cu an rak uar zet caan a um; asinain cupawl cu fihnungza milem tuahnak ah an hmang. Curuangah Bawipa in an lennak pawl cu mitkemza ah a canter.
21  Bawipa in, “An hlawnthil pawl cu ramdangmi ka ramter ding. Daan balsiattu pawl in an long dingih an borhhlawhter òheh ding. 22 Sunloih bikmi ka Biakinn hman an borhhlawhter tikah khatlam ka hoisan ding; rukru pawl in an bauh dingih an borhhlawhter khalle ka umsan men ding.
23 “Ziang hmuahhmuah a buai òheh a si: Ram sungah thahawknak a khat ih khua pawl cu thisen suahnak in a khat. 24 Misual bik phun hitawkah ka ratter dingih nan inn pawl ka luahter ding. Miphun dang pawl nan Pathian biaknak hmun ka borhhlawhter tikah cun nan micak bik pawl hman in an òih ding. 25 Thinpihnak a thleng cing ding. Daihnak nan hawl ding nain nan hmu dah lo ding. 26 Siatralnak pakhat hnu pakhat an thlun aw dingih thuthangsia cu tidai bangin nan hnenah a rung luang ding. Hmuhnak an neihmi phuangsuak dingah profet pawl nan dil ding. Puithiam pawl in mipi pawl zirh ding zianghman an nei lo dingih upa pawl khalin thusim thei mi an nei lo ding. 27 Siangpahrang cu mithi ngai in a um ding; a fapa khal thinpit beidong in a um dingih misenpi pawl cu òihphannak in an khur thlohthlo ding. Nan thil tuahmi ruangah ka lo hrem dingih midang pawl parih thu nan òhen vekin nan parah thu ka òhen ve ding a si. Cuticun Bawipa ka si kha nan hnenah a lang ding,” tiah a ti.