5
Ezekiel A Sam A Met
Bawipa in, “Milaipa, namte hriamzet la awla na khabe hmul le na sam met òheh aw. Na sam cu cuai in thlai awla òhenthum ah òhen aw. Ral in Jerusalem an kulhnak a reh tikah na sam òhen thumih òhenkhat cu khuapi sungah ur aw. A dang òhenkhat cu khuapi leng kimvel ih na feh vivo tikah na namte in tan vivo aw. A dang òhenkhat cu vanthli lakah khirh awla keimah in ka ralnam thawn ka dawi ding. Asinan na sam malte la awla na hnipuan ziik ah bolcih aw. Cule cuih sung ihsin samphang malte hun suah awla meisa sungah paih awla kang hai seh. Cutawk ihsin Israel miphunpi parah meisa a zaizam òheh ding,” a ti.
Cungnungbik Bawipa in, “Jerusalem hi zoh hnik! Leilung pumpi laifangah Jerusalem cu ka toh ih ramdang pawl a kimvel ah ka ret a si. Sikhalsehla Jerusalem in ka thupekmi pawl dodal tahrat in ram dangdang hnak ih an òhat lo sawnnak le an kiangkap ram pawl hnak ih thu an ngai lo sawnnak a langter. Jerusalem in ka thupekmi cu a hnong ih ka daan pawl khal a thlun duh lo a si. Curuangah maw Jerusalem, Cungnungbik Bawipa keimah ih ka òongmi hi ngai hnik! Ka daan pawl na thlun lo ih ka thupekmi pawl na ngai lo ruangah na kiangkap ram pawl hnakin nangmah pakhat in harsatnak na suahter sawn. Ramdang pawl ih nundan pawl na cawng a si. Curuangah keimah Cungnungbik Bawipa in ka lo sim: Keimah hi na ral ka si. Miphun dang hmuahhmuah in an lo hmuh theinak hmunah na thu ka òhen ding. Ka huatzawng thil tampi na tuah ruangah Jerusalem, nang cu ka lo hrem dingih tuih hlan le tuih hnu hremnak hmuahhmuah hnakih na sawn in ka lo hrem ding. 10 Curuangah cun Jerusalem khuasung ih nu le pa pawl in an faate sa an ei dingih an faale pawl in an nu le pa pawl ih sa an ei ding. A nungsun pawl cu ka lo hrem dingih khuazakip ah ka lo òhekdarh hai ding.Ref 5.10 Òah. 4:10;
11 “Curuangah keimah hi a nungmi Pathian ka si vekin Cungnungbik Bawipa ih ka òongmi cu hitiin a si: Thilsual le thil borhbah thawn ka Biakinn nan borhhlawhter ruangah zianghman zangfahnak nei lo in ka lo siatsuah ding. 12 Nanmah pawl sungin òhen thumih òhenkhat cu khuapi sungah natnak le rawl lo in nan thi ding. A dang òhenkhat cu khuapi lengah ralnam in nan thi dingih a dang òhenkhat cu thli lakah ka lo òhekdarh dingih ralnam thawn ka lo dawi ding.
13 “Ka di a riam hlan lo ka thinhennak le ka aithawhnak cu nasa zet in nan tong ding. Cubangtuk a si ngaingai tikah, rin tlak lo nan sinak ruangah nan parah ka thin a heng ih Bawipa keimah in nan hnenih ka òongsuakmi a si kha nan thei ding. 14 Nan kiangkap ih a ummi miphun pawl nan lakih an feh tikah an lo nautat dingih an lo hrial ding.
15 “Nan parah ka thin a heng, ka ai a thok ih ka lo hrem tikah cun nan kiangkap miphun hmuahhmuah an thin a phangzet ding. Fihnungza in an lo hmu dingih hnihsuahsainak ah an lo hmang ding. 16 Nan ngah òheumi rawl cu ka phiat òheh dingih rilrawng in ka lo ret ding. Nanmah siatsuahtu dingih an rak saimi conkiang hriamhma vekin rawl lo ih um a har zia cu nan thei ding. 17 Nan faate pawl thattu dingah paamnak le sahrang pawl ka thlah dingih nanmah pawl thattu dingah natnak le thisen suahnak le raldonak ka suahter ding. Keimah Bawipa in ka òongsuak zo,” tiah a ti.Ref 5.17 Thup 6:8;