48
Ram An Zem Aw
1-7 Saklam ramri cu Mediterranean Tifinriat ihsin nisuahnak lamah a feh pei ih Hethlon khua in Hamath Tlangkawn ah, cutawkin Enon khua ihsin Damaskas ram le Hamath ram ih ramri tiang a si pei. Nisuahnak lam ramri ihsin nitlaknak lam ramri Mediterranean Tifinriat tiang ram òhenmi cu Israel hrinkhat in òhenkhat fingfing an co dingih a tanglam hrin pawl in ramòhen cu saklam in thlanglam ah a sangsang in an co ding a si:
Dan hrin
Asher hrin
Naftali hrin
Manasseh hrin
Efraim hrin
Reuben hrin
Judah hrin
A Hleice Ih Retmi Ramòhen
Cun Judah hrin pawl ram a hun sangtu ramòhen cu a hleice ih hman dingah a dangte ih ret a si ding. Cuih ramòhen cu saklam in thlanglam ah peng hra a si dingih, a kauhlam cu an hrin pawl ih an òhenmi nisuahnak lam ihsin nitlaknak lam ram tia a si ding. Hi ramòhen sungah hin Biakinnpi a um ding.
Hi ramòhen a laifangah ramòhen a hleice in peng hra sau le peng riat kau cu Bawipa ih hrangah pekmi ram a si ding. 10 Hi ramòhen thianghlim sungah puithiam pawl ih comi ram a um ding. Cuih an ram cu nisuahnak lam ihsin nitlaknak lamah peng hra kau a si dingih saklam in thlanglam ah peng li sau a si ding. Hi ramòhen laifangah Bawipa ih Biakinn a um ding. 11 Hi ram thianghlim cu Zadok ih tesinfa puithiam pawl hrangah a si ding. Annih pawl cu rinsan tlak zet in ka hna an òuan; Israel mi pawl in thilsual an tuah tikah Levi hrin pawl cu an tel ve nain Zadok hrin puithiam pawl cu an tel ve lo. 12 Curuangah Levi mi pawl ih ram sangtu ah ram an nei dingih a thianghlim bik ram a si ding. 13 Levi hrin pawl khalin a hleice in ram an nei dingih puithiam pawl ih ram ihsin thlanglam ah a si ding. Nisuahnak lam ihsin nitlaknak lamah peng hra a kau dingih saklam ihsin thlanglam ah peng li a sau ding. 14  Bawipa ih hnenah pekmi ram cu ramòhen dang pawl lakah a òha bik ram a si ih zuar theih, thleng theih le òhin theih khal a si lo. Ram thianghlim a si ih Bawipa ih ta a si.
15 Cuih ramòhen sungin a tang hrihmi ram, peng hra a kaumi le peng hnih a saumi cu ram thianghlim a si lo; asinain misenpi hrangah a òulnak vekih hman dingmi ram a si. Cuih ramòhen sungah an duh ahcun an um thei ih a hman khal an hmang thei. Cuih ramòhen laifangah khuapi a um ding, 16 a tung le a vang a can aw dingih kap khat ah dong thawngli le zanga a si ding. 17 Hi khuapi kapah a kimvel in dong zahnih le sawmnga kau hmunlawng a um ding. 18 Khuapi an din ngah hnu ih a tang hrihmi ram, hmun thianghlim timi ih thlang, nisuahnak lamah peng li sau le peng hnih kau, nitlaknak lamah peng li sau le peng hnih kau ram cu khuapi sungih um mi misenpi pawl ih lo thlawh ding ram a si ding. 19 Khuasung ih a ummi hmuahhmuah in zo hrin an si hmanah hi ram cu an thlo thei ding.
20 Curuangah ramòhen laifangah a hleice ih retmi ram cu a tung le a vang can aw a si dingih kap khat ah peng hra fingfing a si ding; hi sungah khuapi dinnak hmun tla a telcih ding a si.
21-22 Hi ramòhen, Biakinn le puithiam pawl ram le Levi mi pawl ram le khuapi dinnak hmun pawl umnak ram lengah nisuahnak lam le nitlaknak lamih a ummi ram pawl cu miuk bawi ih ta a si. A ram cu nisuahnak lamah nisuahnak lam ramri tiang, nitlaknak lamah Mediterranean tifinriat tiang a si ih saklam ah Judah comi ram thawn an ramri aw dingih thlanglam ahcun Benjamin comi ram thawn an ramri aw ding a si.
Hrin Dang Hrangih Ramòhen
23-27 Hi a hleice ih retmi ram ih thlanglam ram cu a tang hrihmi Israel hrin dang pawl ih co dingmi a si; nisuahnak lam ramri ihsin nitlaknak lamah Mediterranean Tifinriat tiang ram cu saklam in thlanglam ah a tanglam ih hrin pawl hin a sangsang in an co ding.
Benjamin hrin
Simeon hrin
Issakhar hrin
Zebulun hrin
Gad hrin
28 Gad hrin ih comi ramòhen thlanglam ah thlanglam ramri cu thlanglam nitlaknak lamah a feh ih Tamar in Kadesh ram ih ramcar tipuut tiang, cule saklam nitlaknak lamah a feh ih Izipt ramri in Mediterranean Tifinriat tiang a si.
29 Cungnungbik Bawipa in, “Hibangtuk in ram cu Israel hrin pawl ih co dingah nan òhen pei ih nan zem aw ding a si,” tiah a ti.
Jerusalem Kotka Pawl
30 Jerusalem khuapi sung luhnak ah kotka hleihnih a um. Khuapi cu a kapli in phardawl in a kulh ih kapkhat cu dong thawngli le zanga fingfing a sau. 31 Kap khat ah kotka pathum fingfing an um ih kotka pakhat in Israel hrin khatih hmin an keng ciar. Saklam kotka pathum cu Reuben, Judah le Levi hmin suangin an sak. 32 Nisuahnak lam kotka pawl cu Josef, Benjamin le Dan hmin suangin an sak. 33 Thlanglam kotka pawl cu Simeon, Issakhar le Zebulun hmin suangin an sak. 34 Cule nitlaknak lam kotka pawl cu Gad, Asher le Naftali hmin suang ih sakmi an si.Ref 48.34 Thup 21:12-13; 35 Khuapi kimvel phardawl pali cu a zate in dong thawng hleiriat a sau. Cuih caan ihsin hi khuapi hmin cu ‘Khinah Bawipa A Um,’r Khinah Bawipa A Um ti cu Yahweh-Shammah tiah an ti. ti a si ding.