47
Biakinn Ihsin Tiva A Luang
Cupa cun Biakinn luhnak sangka ah i kirpisal. Cuih sangka hnuai zawn cun tidai a hung puut ih Biakinn a hoinak nisuah lamah a luang. Biakinn thlanglam kap hnuai in a luang ih biakòheng thlanglamkap lan tiang a luang.Ref 47.1 Zek 14:8; Joh 7:38; Thup 22:1; Cupa cun saklam kotka lam zawh in Biakinn ihsin i hruai ih nisuah lam a hoitu kotka lamah i kelpi. Cuih kotka ih thlanglam kapah tivate pakhat a hung suak ih a luang. Cupa in a thil tahnak fung thawn nisuahnak lam tiva a vung luannak lam ahcun dong thawngkhat a vun tah ih cutawk ihsin tiva cu tan dingah i fial. Tidai cu ka kemit tiang lawng a si. Cule dong thawngkhat a tah sal ih tidai cu ka khuk a tiang. Dong thawngkhat a vun tahsal lala ih tidai cu ka tai a hung tiang. A dang dong thawngkhat a vun tahsal tikah tidai cu a thuk tuk thlang ih ka tan thei nawn lo. A leuh ih leuh lo cun tan thei ding a si nawn lo. Anih in, “Milaipa, hi na hmuhtonmi pawl hi òha tein ciing aw,” i ti.
Cule cupa cun tivakap ah i kirpisal ih, cutawk ka thlen tikah khatlam veve ah thingkung tampi an um fingfing kha ka hmu. Cupa cun ka hnenah, “Hi tiva cu ram sungin nisuahnak lamah a luang ih Jordan tiva kuam ihsin Tipi Thi ah a thleng. Tipi Thi sungih a vung luan tikah cun ci a almi tidai hmuahhmuah cu tidai thar in a airawl òheh ding. Tiva a luannak hmun kipah tisung um ramsa le nga a phunphun an um ding. Cuih tiva cun Tipi Thi ih tidai hmuahhmuah cu a tharter òheh dingih a thiangfaiter òheh ding. A luannak kipah nunnak a suakter ding. 10 En-gedi Cerhti ihsin En-eglaim Cerhti tiang tipikap ah ngakaitu an um vivo dingih cutawkah an sur pawl an pho ding. Mediterranean Tifinriat ih nga phunkim a um vekin cutawk khalah nga phunkim a um ve ding. 11 Sikhalsehla tipikap ih cerhduup le tili ih tidai pawl cu an thiangfai lo ding. Citi suahnak cutawkah an um ringring ko ding. 12 Tiva kap hnih ah thingkung a phunphun an kho dingih ei òhami rah an rah ding. An hnah a vuai dah lo dingih an rah khal a reh dah lo ding. Biakinn ihsin a luangmi tidai in a cawm ruangah thlatinte in rah thar an rah ringring ding. Cuih thingrah pawl cu rawl ah an ring dingih thinghnah pawl khal mi tampi ih damnak ah a cang ding,” tiah a ti.Ref 47.12 Thup 22:2;
Ramri Fiangternak
13 Cungnungbik Bawipa in Israel hnenah, “Nan hrin, hrin hleihnih ih nan zem awk dingmi nan ramri cu hibangtuk in a si pei. Josef hrin in ramòhen òhenhnih an co ding.q Josef hrin ti tikah Josef in fapa pahnih cu Manasseh le Efraim a nei ih ramòhen òhenkhat veve an ngah. 14 Nan pu le nan pa pawl hnenah hi ram cu an ta si dingin ka pek ding tiah siatcam in thu ka rak kam zo, atu ah a tia awtein zem aw uh.
15 “Saklam ramri cu Mediterranean Tifinriat ihsin nisuahnak lamah a feh pei ih Hethlon khua in Hamath Tlangkawn in Zedad khua tiang, 16 Zedad khua ihsin (Damaskas ukmi ram le Hamath ih ukmi ram karlak ih a ummi) Berothah khua le Sibraim khua in, (Hauran ram ukmi ramri kiangih a ummi) Tikon khua tiang a si pei. 17 Cutiin saklam ramri cu Mediterranean Tifinriat ihsin nisuah lamah Enon khua tiang a si pei. Saklam ih ramri cu Damaskas le Hamath ram pawl an si.
18 “Nisuahnak lam ramri cu Damaskas le Hauran ramri ihsin a thok ih thlanglam ah a feh ih Jordan Tiva cu ramri ah a cang; Jordan Tiva in nitlaknak lam cu Israel ram a si ih nisuahnak lam cu Gilead ram a si; cuticun Tipi Thi kapih a ummi Tamar tiang a vung feh.
19 “Thlanglam ramri cu Tamar ihsin a thok ih nitlaknak lamah Kadesh tipuut tiang a feh; cule saklam nitlaknak lamah a feh vivo ih Izipt ramri ihsin Mediterranean Tifinriat a thleng.
20 “Nitlaknak lam ramri cu Mediterranean Tifinriat a si ih saklam ah Hamath tlangkawn in nitlaknak lam kap hmun tiang a si.
21 “Hi ram cu nan hrin pawl òhen aw uh. 22 Kumkhua in nanmah ih ta a si ding. Nanmah lakah a ummi ramdangmi pawl, hitawk ram ah faate a neimi pawl cu ram nan zem awk tikah covo an nei ve pei. Israel minung thotho ah rel an si pei ih Israel miphun pawl thawn ram nan zem awk tikah camcawhfung an zuuk ve ding a si. 23 Nan lakih a ummi ramdangmi pawl khalin Israel mi bangin ram zemmi covo a ngah ve ding. Keimah Cungnungbik Bawipa in ka sim zo,” tiah a ti.