43
Bawipa Cu Biakinn Ah A Ra
Cupa cun nisuahnak lam a hoitu kotka ah i hruai ih, cutawkah nisuahnak lam ihsin a rami nasa zet ih a tleumi Bawipa ih sunlawinak cu ka hmu. Pathian ih aw cu tifinriat tidai huuk thawm bangtuk a si ih leilung cu a nasa zetmi tleunak in a tlet òheh.Ref 43.2 Ezk 10:3, 4, 18, 19; 11:22, 23; Hi langnak cu Jerusalem siatsuah dingih Pathian a rat lai ih ka hmuhmi le Khebar Tivapi kiangih ka rak hmuhmi langnak bangtuk thotho a si. Cutikah leilung ah ka hlon aw ih ka bok. Nasa zet ih a tleumi tleunak cu nisuahnak lam kotka sungin a lan ih Biakinn sungah a lut.
Bawipa ih thlarau in i cawi ih a laifang tualrawn ah i fehpi; cutawk ihsin Biakinn cu Bawipa ih sunlawinak in a khat ti kha ka hmu. Cutawkah ka kiangah mi pakhat a rung dingih Biakinn sung ihsin Bawipa ka hnenih a òong kha ka thei: “Milaipa, hitawkah ka siangpahrang tohkham a um. Hitawkah Israel mi lakah hin ka um dingih kumkhua in ka uk hai ding. Israel mi pawl in siseh, an siangpahrang pawl in siseh, khawzing dangdang bia tahrat in, asilole an siangpahrang ih ruak pawl cu hi hmunah re tahrat in ka hmin thianghlim cu an thangsiatter nawn lo ding. Siangpahrang pawl in an inn sung luhnak sangka le an sangka òhuam pawl cu ka Biakinn sung luhnak sangka le sangka òhuam kiangah an tuah ih cuticun kan karlak ah phar pakhat lawng a um a si. Fihnungza thil tampi tuah tahrat in ka hmin thianghlim an thangsiatter ruangah ka thinheng in ka siatsuah hai a si. Atu cun khawvang biak cu an bansan dingih an siangpahrang ih ruak pawl cu an hlon a òul ding. Cutiih an tuah a si ahcun an hnenah kumkhua in ka um ding,” tiah a ti.
10 Cuih tlunah Bawipa in, “Milaipa, Israel mi pawl hnenah hi Biakinn thuhla hi sim awla a sak daan tla thei hai seh. An thil tuahsualmi ruangah an ningzakter aw. 11 Cule an thil tuahsualmi ruangah ningzahnak cang an thiam a si ahcun an hnenah Biakinn sak daan ding pawl cu simfiang aw: Ruang an zingmi, a sung luhnak le a leng suahnak pawl, ziangvek pianhmang a si ding tile ziangvek in thilri hmuahhmuah an ret ding tile a daan le a daanterek pawl hmuahhmuah cu simfiang aw. An hrangah ngan òheh awla cuticun ziangvek in thil a um ti an thei dingih daan hmuahhmuah cu an tuahsuak thei ding. 12 Biakinn hrangih daan cu hihi a si: Biakinn umnak tlangpar le a kimvel hmuahhmuah cu hmun thianghlim a si,” a ti.
Biakòheng
13 Biakinn tahnak thotho in tah tikah biakòheng cu a hnuailam bangtukin a si. A hramah a kimvel in khur a um ih dong khat thuk le dong khat kau a si. Biakòheng tlangah a tlangkop a um ih khap khat a sang. 14 Biakòheng a niamnak bik zawn cu a hram a sannak bik ihsin dong hnih a sang. Cule biakòheng kimvel in dong khat sau in an tuah ih a sannak zawn cu dong li a sang. Cuih hnuah a kimvel in dong khat zau in an tuah lala ih a laifang cu a sang bik. 15 Hi a sannak bik zawn, thawinak pekmi pawl an urnak zawn cu dong li sang a si. Hi tlunah a kil li ah ki pali an um. 16 Biakòheng lu, a sannak bik cu dong hleihnih sau le dong hleihnih kau a si ih tungvang can aw a si. 17 A laifang zawn khal a tung le a vang an can aw ih dong hleili veve an si. A tlangah tlangkop a um ih khap khat a sang. (A tawhram ih khur a ummi cu dong khat a kau.) Biakòheng hung fehnak kailawn cu nisuahnak lamah a um.Ref 43.13-17 Suah 27:1, 2; 2 San 4:1;
Biakòheng Hlannak
18 Cungnungbik Bawipa in ka hnenah, “Milaipa, ka lo simmi hi òha tein ngai aw. Hi biakòheng hi dawl òheh a si tikah thawinak ih pekmi sa a parah ur tahrat in le sathi a parah theh tahrat in hlannak na tuah pei. 19 Levi phun puithiam Zadok tesinfa pawl lawnglawng keimah riantu ah ka umnak hmunah an lut thei ding. Himi cu Cungnungbik Bawipa keimah thupekmi a si. Sualthlah thawinak hrangah cawcangte na pek ding. 20 Cawcang thisen malte na lak pei ih biakòheng lu ih ki pali ah na hnih pei; biakòheng laifang zawnih kil pawl tla na hnih pei ih a tlang kimvel khalah na hnih thluh pei. Cuticun biakòheng cu na thiangter pei ih na hlan pei. 21 Sualthlah thawinak hrangih pekmi cawcang cu na lak pei ih biakinn lengah hmun pakhat ah na ur pei. 22 A thai sun ah raitluan mecang pakhat na lak pei ih sualthlah thawinak ah na pek pei. Biakòheng thianternak dingah cawcang thisen thawn na tuah vekin mecang thisen thawn khalin tuah aw. 23 Cumi na tuah òheh tikah raitluan mi cawcangte le tuucangte la awla, 24 ka hnenah rak keng aw. Puithiam pawl in an parah ci an phulh dingih ka hnenah mei-ur thawinak ah an pe ding. 25 Nitinte ni sarih sung, mecang pakhat, cawcang pakhat le tuucang pakhat sualthlah thawinak ah nan pek pei. An zate in raitluan an si òheh pei. 26 Nisarih sung puithiam pawl in biakòheng cu an thiangter pei ih hman dingah an timlam pei. 27 Zarh khat hnu ahcun biakòheng parah puithiam pawl in thawinak pek an thok pei; misenpi pawl ih mei-ur thawinak le remnak thawinak pawl cu an pek pei. Cuticun nan zate parah ka lung a awi ding. Cungnungbik Bawipa keimah in ka lo sim zo,” tiah a ti.Ref 43.18-27 Suah 29:35-37;