41
1 Cule mipa cun a laifang khaan, Hmun Thianghlim ah i luhpi. Cuih khaan sung vung luhnak cu a tah ih dong ruk thuk le dong hra kau a si ih a kaphnih ih phar cu dong nga sah fingfing an si. A laifang khaan cu a tah ih dong sawmli sau le dong kul kau a si.
2 Luhnak sangka cu dong kul a kau; a kap hnih ih phar cu dong hra veve a sah. Hmun Thianghlim cu a tah ih dong sawmriat sau le dong sawmli kau a si.
3 Cule a sungta bik khaan ah a vung lut. A vung luhnak cu a tah ih dong hnih thuk le dong ruk kau a si; a kaphnih ih phar pawl cu dong sarih sah an si.
4 Sungta bik khaan cu a tah tikah dong kul kau le dong kul sau a si. Cule anih in, “Himi hi Hmun Thianghlim Bik a si,” tiah i ti.
Biakinn Phar Thawn Sakcihmi Khaan
5 Cupa cun Biakinn phar a sunglam ihsin a sahnak a tah ih dong ruk sah a si. Biakinn phar thawn dai aw in sakmi khaan tampi, Biakinn kimvel ahcun a um ih khaan pakhat cu dong li kau an si fingfing.
6 Hi khaan pawl cu dot thum in tuahmi an si ih dot khatnak ah khaan sawmthum fingfing a um. Biakinn phar a lenglam cu a tluntabik khaan ah a paa bik ih a thuailam khaan ahcun a sah deuh vivo. Cuticun zial donnak khansuk pawl cu phar parah hrencih òul lo in phar parah an tang thei.
7 Curuangah Biakinn phar cu a lenglam ihsin zoh tikah cun a taw ihsin a lu tiang a sah daan a bangrep mi phar a bang. Biakinn phar lenglam, a khaan fatete ih lenglam ihsin kailawn kel pahnih an tuah ih dot thuaita bik ihsin tlunta bik dot tiang kai a theih.
8-11 Hi khaan fatete ih lenglam phar pawl cu dong nga sah an si ih khaan fatete sung luhnak ah Biakinn saklam kap ihsin sangka pakhat a um; Biakinn thlanglam kap ihsin a dang sangka pakhat a um. Biakinn kimvel ah dong nga kau cangdawl a um vivo ti kha ka hmu. Cuih cangdawl cu leilung ihsin dong ruk a sang ih Biakinn phar kiang khaan fatete ih zial thawn a rual aw a si. Cuih cangdawl le puithiam pawl ih hmanmi inn pawl karlak ah, Biakinn sir tluan ahcun, dong kul kau hmunlawng um.
12 Cuih hmunlawng a netnak, Biakinn ihsin nitlaknak lamah inn pakhat a um ih dong sawmkua sau le dong sawmsarih kau a si. A phar cu a kimvel in dong nga a sah a si.
Biakinn An Tah
13 Cupa cun Biakinn ih lenglam a tah ih dong zakhat a sau. Cule Biakinn dunglam ihsin hmunlawng mi tan in nitlaknak lamih ummi inn a netnak tiang dong zakhat thotho a ti.
14 Biakinn hmailam ah vorhlam le kehlam ih ummi hmunlawng siar cih in dong zakhat thotho a si.
15 Inn a saulam cu nitlaknak lamah a tah ih a kaphnih ih fehnak lamzin thawn dong zakhat òhiamòhiam a si.
Biakinn sung vung luhnak, Hmun Thianghlim le Hmun Thianghlim Bik pawl cu,
16 a zial ihsin a sangkate tiang thing in khuhmi a si. Hi sangkate pawl cu khuh theimi an si.
17 Biakinn sunglam phar cu sangka tlun tiangin tuumkung le cherubim timi thla nei ramsa zuk in,
18 a khat òheh a si. Tuumkung le cherubim zuk pawl cu, cuih khaan kimvel phar parah cun, karlak thlak in zuk an suai. Cherubim cu hmai pahnih fingfing an nei.
19 Hmai pakhat cu minung hmai a si ih kap khat lamih tuumkung lam a hoi, hmai dang pakhat cu kiosa hmai a si ih khatlam tuumkung a hoi ve. Phar parah cun a tluanpi in,
20 zial ihsin sangka tlun tiang cuvek cun a si thluh.
21 Hmun Thianghlim ih sangka òhuam pawl cu a kauh le a sah an tia aw òheh a si.
Hmun Thianghlim Bik sung vung luhnak sangka hmaiah thing ih tuahmi biakòheng bangtuk a simi,
22 thil pakhat a um. Cumi cu dong thum a sang ih dong hnih a kua. A kil ih òhuam pawl, a hram dammi le a kap pawl khal thing ih tuahmi a si thluh. Mipa cun ka hnenah, “Himi hi Bawipa ih umnak hmunih a dingmi cabuai a si,” tiah i ti.
Sangka Pawl
23 Hmun Thianghlim sung vung luhnak a netnak ah sangka pakhat a um ih Hmun Thianghlim Bik vung luh netnak ah sangka dang pakhat a um fawn.
24 Hi sangka pawl cu kharton ih tuahmi an si ih a laifang in a ong aw mi sangka an si.
25 Biakinn phar par vekin Hmun Thianghlim sangka par ahcun tuumkung le cherubim zuk an um. Biakinn sung vung luhnak sangka ahcun a lenglam in thing in tuahmi sangka khuh an thlai.
26 Hi khaan sirlam kaphnih ah sangkate an um ih a phar cu tuumkung zuk in an mawiter.