38
Gog Cu Pathian Hriamhrei A Si
1 Bawipa in ka hnenah,
2 “Milaipa, Magog ram ih miphun pawl Meshek le Tubal uktu bawi Gog hnenah a òhatlonak thu sim aw: A hnenah,Ref 38.2 Thup 20:8;
3 Cungnungbik Bawipa keimah ih òongmi hi sim aw: Keimah hi a ral ka si.
4 A dunghmai ka her ding, a khabe ah sio ka thlaih dingih a ralkap pawl thawn ka dirsuak ding. A ralkap cu an rang le an rangralkap pawl thawn an tam ngaingai ih ralphaw le ralnam an keng fingfing.
5 Persia mi, Sudan mi le Libia mi pawl a hnenah an òang ih ralphaw le lukhuh an nei fekfek.
6 Gomer ram le Beth Togarmah ram ih raldo theimi hmuahhmuah khal a hnenah an òang ih miphun dang tampi tla a hnenah an tel.
7 Tiar cia ih um dingah sim awla a ralkap pawl tla a thupekmi vekih tiar aw dingin sim aw.
8 Kum reipi hnuah, miphun tampi hnen ihsin hi minung pawl hmun khatih finkhawm an sinak le ral òih ding um lo in himte ih an umnak ram hi do dingah thu ka pe ding. Israel tlangpar ram, kum reipi ramòhing a rak si nain atu ahcun mi hmuahhmuah hnangam zet ih an umnak ram cu a do ding.
9 Amah le a ralkap pawl le amah hnenih a òangtu miphun pawl in thlipi bangin an do dingih cuih ram cu khawdur le mero bangin an khuh òheh ding,” tiah a ti.
10 Cungnungbik Bawipa in Gog hnen ahcun, “Cuih tikcu a thlen tikah thu òha lo na ruat dingih na ngaihtuah ciamco ding.
11 Ralhruang le ruhkulh zianghman nei lo in khuasung ah daite le hnangam tein a ummi, zohman bawmtu nei lo pawl kha do na tum ding.
12 Khawrop a rak si dahmi khuapi pawl sungih a ummi minung pawl cu na ram dingih an thil na long òheh ding. Miphun tampi hnen ihsin finkhawmmi an si ih atu ahcun òilva tampi le thilri tampi an nei ih leilung pumpi lamzin tonawknak ah an um a si.
13 Sheba le Dedan mi pawl le Spain ram ih sumtuahtu pawl in, ‘Mi thil ram ding le lon dingah maw na ralkap pawl khawm tahrat in mi na do? Sui le ngun, òilva le thilri pawl la tahrat in cuih lonmi hransaw thawn tlanhloh na tum maw si?’ tiah an sut ding,” a ti.
14 Cungnungbik Bawipa in Gog hnenih a òongmi sim dingah i thlah. “Ka minung Israel mi pawl thlangamte ih an um lai ah,
15 miphun tampi lakin na khawmmi a cak zet le a tam zet na ralkap pawl thawn na umnak saklam ram ihsin na rungsuak ding. An zate in rang par in an rung ding.
16 Khatlam ihsin khatlam deng tiang ka minung Israel pawl cu thlipi bangin na do ding. Tikcu a kim tikah, miphun dang pawl hnenah zo ka si, ti langternak ah le nan lak ih ka hnaòuannak thawngin ka thianhlimnak a lang theinak ah ka ram do dingih ka lo thlahsannak cu a si.
17 Khuahlan lai ih i riantu Israel profet pawl hnenin thu ka rak than ih hmailam tikcu ah Israel do dingah mi pakhatkhat ka thlah ding, ka rak timi kha nangmah hi na si,” a ti. Cungnungbik Bawipa in a sim zo.
Pathian In Gog A Hrem
18 Cungnungbik Bawipa in, “Gog in Israel a do ni ahcun ka thin a hengzet ding.
19 Ka thinhennak meisa bangih a ling lai ah thu ka than: Cuih ni ahcun Israel ram ah ling nasa zet in a hnin ding.
20 Nga le vate hmuahhmuah, ramsa hmuahhmuah a tum a seen a bok a vakmi tiang in le leilungtlun mi hmuahhmuah in keimah òih ah an khur thlohthlo ding. Tlang sangpipi an min ding, khaam sangpipi an cim dingih khuakulh phardawl hmuahhmuah an cim òheh ding.
21 Siatralnak a phunphun in Gog cu ka òhihòhaih ding. Cungnungbik Bawipa keimah in ka sim zo. A ralkap pawl cu anmah le anmah parah an ralnam an hawi ding.
22 Natnak le thisen suahnak in Gog cu ka hrem ding. Ruah le rial cu meisa le katmei thawn amah le a ralkap pawl le a hnenih a òangtu miphun hmuahhmuah pawl parah ka burh ciamco ding.
23 Cuticun miphun hmuahhmuah hnenah mi maksak ka si zia le mi thianghlim ka si zia cu ka langter ding. Cule Bawipa ka si kha an thei ding,” a ti.