36
Israel Parih Pathian Thluasuahnak
1 Bawipa in, “Milaipa, Israel tlangsang pawl hnenah thu sim awla Cungnungbik Bawipa keimah in an hnenih ka simmi thu hi ngai dingah sim aw.
2 Israel ih ral pawl cun, ‘Khi khuahlan tlang pawl cu kan ta an si zo,’ tiah tluang an khawng.
3 “Profet òong in phuangsuak awla Cungnungbik Bawipa keimah ih ka simmi hi than aw. Kiangkap ram pawl in Israel tlangpar ram pawl an lak ih an siim tikah mi hmuahhmuah in Israel cu an hnihsan.
4 Curuangah Cungnungbik Bawipa keimah in kiangkap ram pawl in an siim ih an hnihsan reromi nannih tlangsang le tlangniam pawl, tivate le phairawn pawl, hmunrop ih cantermi hmun pawl, òiosanmi khua pawl hnenih ka simmi hi ngai uh:
5 “Cungnungbik Bawipa keimah in ka thinsahru in kiangkap ram pawl, hleice in Edom ram parah ka sim zo a si. Hni surso le nautatnak thawn ka ram cu an lak ih hmun nuam pawl an luah òheh a si.
6 “Curuangah Israel ram hnenah profet òong in phuang aw. Miphun dang pawl in an hmuhsuam ih mual an photer ruangah Cungnungbik Bawipa keimah in thiiknak le thinhennak thawn ka simmi hi Israel tlangsang le tlangniam pawl, tivate le phairawn pawl hnenah sim aw.
7 Cungnungbik Bawipa keimah in siatcam in ka kam a si: Kiangkap ram pawl cu ningzak le mualpho in an um ding.
8 Sikhalsehla nan tlangsang parah zanthing kung pawl ih hnah cu an cerhsal dingih ka minung Israel nanmah pawl hrangah an rah ding. Nan inn ah nan tlung cing ding.
9 Nan lamah ka òang dingih nan ram cu thlawhmi le thlaici tuhmi ram ah ka canter tengteng ding.
10 Nan minung khal ka lo pungzaiter ding. Khuapi sungah nan um dingih siatsuah cia mi pawl cu nan dinsal vivo ding.
11 Milai siseh, òilva siseh, ka karhzaiter ding. A hlan hnakin minung nan tam deuh dingih faate tla tampi nan nei ding. A hlanih nan rak um òheu vekin cutawkah nan um dingih tuihhlan hnakin mi òhangso ah ka lo tuah ding. Cuticun Bawipa ka si hi nan thei ding.
12 Ka minung Israel pawl cu ka lo hruaikir dingih ram sungah ka lo umtersal ding. Nanmah ih ram a si dingih nan tefa pawl khal rilrawng in an um lo ding.
13 “Cungnungbik Bawipa keimah in ka sim: Mi in hi ram cu a minung a eitu le amah ih ramsung fa lala a rutu ram a si, tiah an ti ngai.
14 Sikhalsehla atu thok ihsin misa eitu le mah ih faate pawl a rutu a si nawn lo ding. Cungnungbik Bawipa keimah in ka sim zo.
15 Anmah hnihsuahsainak ah a hmangtu le a rak hnihsan rerotu miphun pawl ih thu cu hi ram in a ngai nawn lo ding. Hi ram in a miphun ih faate pawl khal a ru nawn lo ding. Bawipa Pathian keimah in ka sim zo,” a ti.
Israel Ih Nun Thar
16 Bawipa in ka hnenah,
17 “Milaipa, Israel mi pawl an ram sungih an rak um lai ah an nuncan le an tuahmi in an ram a balter. Nunau cu thlatin thi a neih lai ahcun mi thiang lo ih ruah an si vekin an nuncan hi ka hmaiah a thiang lo a si.
18 An ram sungah mi thisen an luanter ih milem pawl bia tahrat in an ram an balhter ruangah ka thinhennak cu nasa zet in an parah ka burh.
19 An nuncan le an tuahmi ruangah ka hnong hai ih ram dangdang ah ka òhekdarh òheh.
20 An fehnak ram kipah mi in ‘An Pathian ih pekmi ram an tlansan a si,’ an ti ruangah ka hmin thianghlim cu an thangsiat.
21 Israel mi pawl in an fehnak ram kipah in thangsiat ruangah ka hmin thianghlim ka pamhmaih a si.
22 “Atu ah Cungnungbik Bawipa keimah in an hnenih ka sim duhmi thu hi Israel mi hnenah sim aw: Thil ka tuah dingmi cu Israel nanmah ih zawn ka ruah ruangah a si lo, nan fehnak ram kipah ka hmin thianghlim nan thangsiat ih cuih ka hmin thianghlim cu pamhmai ka ti ruangah a si sawn.
23 Miphun pawl lakah ka hmin cu nan thangsiat. Cuih mi pawl lakah a nasami ka hmin ih thianhlim zia ka langter tikah Bawipa ka si hi an thei ding. Cungnungbik Bawipa keimah in ka sim zo. Miphun pawl hnenih ka hmin thianhlimnak langtertu dingah nanmah ka lo hmang ding.
24 Miphun kip le ramkip ihsin ka lo la dingih nanmah ih ram ah ka lo kirpi ding.
25 Tidai thiangfai ka lo theh dingih milem biaknak hmuahhmuah le a lo borhhlawhtertu hmuahhmuah khal ka thiangfaiter ding.
26 Thinlung thar le nunnak thar ka lo pe ding. Lungto bangih a hak mi nan thinlung cu ka la dingih thinlung neemte ka lo pe ding.
27 Nan sungah ka thlarau ka khum dingih ka daan pawl le ka thupekmi pawl nan thlun thei ding.
28 Cuticun nan pupa pawl hnenih ka pekmi ram sungah nan um ding. Nannih cu ka minung nan si dingih kei hi nan Pathian ka si ding.Ref 36.26-28 Ezk 11:19, 20;
29 A lo baaltertu hmuahhmuah ihsin ka lo hum ding. Nan rawl ka karhzaiter dingih cuticun paam nan tong nawn lo ding.
30 Nan thingrah le nan lorawl ka karhter dingih cuticun paam tong lo in miphun pawl lakah nan ning a zak nawn lo ding.
31 Nan nuncan òha lo le thilsual nan tuahmi pawl nan theisal dingih nan sualnak le nan mawhnak ruangah nanmah le nanmah nan fih aw ding.
32 Israel mi pawl, ziang hmuahhmuah ka tuahmi hi nanmah zawnruah ah a si lo, tihi nan theih dingah ka duh a si. Nan thil tuahmi ruangah ningzak le mualpho in um uh. Cungnungbik Bawipa keimah in ka sim zo,” a ti.
33 Cungnungbik Bawipa in, “Nan sualnak hmuahhmuah ihsin ka lo thianfaiter tikah nan khuasung ah nan umsal dingih a siatmi pawl cu nan saksal ding.
34 Nan lo kiangkap ih a fehtu hmuahhmuah in nan lo pawl hrampi a khah ih hrambulak vek a si kha an hmu òheh; asinain nan lo pawl cu ka lo thlotersal ding.
35 Ramòhing ih a cang cia mi ram cu Eden Hmuan vekih a cansal kha mi hmuahhmuah in an hmu ding; balsiat cia mi, ram cia mi le khawrop ih a cang cia mi khua pawl cu luahsal in ralhruang ih kulh òhehsal an si kha an hmu ding.
36 A luatsun ramhnen pawl in hi khua pawl a dinsaltu le ramòhing pawl sungih rawl a ciingsaltu cu Bawipa keimah ka si kha an thei ding. Cuvekin ka tuah ding tiah thutiamtu cu Bawipa keimah ka si ih ka tuahsuak ding,” a ti.
37 Cungnungbik Bawipa in, “Israel mi pawl cu bomnak i diltu miphun ah ka tuahsal dingih tuurual bangin ka pungzaiter ding.
38 Jerusalem khuapi cu puai tikcu ih thawinak tuu pawl in a khah vekin atu ih khawrop ah a cangmi khua pawl hi minung in ka khatter ding. Cuticun Bawipa ka si hi in thei ding,” a ti.