33
Bawipa In Kilvengtu Ah Ezekiel A Tuah
(Ezk 3:16-21)
1 Bawipa in ka hnenah,
2 “Milaipa, ram pakhat ih raldonak ka thlenter tikah ziang a cang òheu ti cu na minung pawl sim aw. Cuih ram minung pawl in anmah lakah mi pakhat kilvengtu ah an hril a si.
3 Ral an rat a hmuh tikah mi hmuahhmuah ralrin peknak ah tawtawrawt a tum.
4 Mi pakhat in cuih tum thawmvang a thei nain zianghman ah a siar lo ih ral pawl ra in amah an that a si ahcun a thisen cu amah ih lu parah a um, amah mawhthluk ding a si.
5 Ralrinnak pekmi a thei nain zianghman ih a siar lo ruangah a thih cu amah ih mawh a si. Ralrinnak an pekmi rak ngaita sehla a luat thei ding nain!
6 Sihmansehla ralvengtu in ral pawl an rat kha a hmu nain tawtawrawt a tum lo a si ahcun ral an ra dingih cuih misual pawl cu an that ding. An thisen man cu ralvengtu ih hnenah ka hlam ding.
7 “Maw milaipa, nangmah hi Israel miphun hrangah ralvengtu ah ka lo tuah ding. Ralrinnak ka lo pekmi cu an hnenah na pe sin pei.
8 Misual pakhat a thi ding tiah ka than ih a nunnak hum thei dingah a nuncan thleng dingin ralrinnak na pek lo ahcun misual si in a thi ding. A thisen man cu na parah ka hlam ding.
9 Ralrinnak na pek nain sualtuah a bansan cuang lo a si ahcun misual in a thi ding; asinain na nunnak cu a him ding,” tiah a ti.
Pumpak Òuanvo
10 Bawipa in ka hnenah, “Milaipa, Israel mi pawl in ‘Kan sualnak le thil òha lo kan tuahmi in kan thil in ritter a si. Kan taksa a òum zutzo. Ziangtinso kan nun thei ding?’ tiah an ti rero vekin an hnenah tisal aw.
11 Òha tein sim aw; Cungnungbik Bawipa keimah, a nungmi Pathian ka si vekin ka sim: Misual pakhat a thih hmuh cu ka lungawi zawng a si lo. Sualnak bansan ih a nun hmuh ka duh sawn. Maw Israel, thil òha lo na tuahmi cu bang thlang aw. Ziangahso thih cu na duh?
12 “Milaipa, Israel mi pawl sim aw: Miòha pakhat a sual ahcun a rak òhatnak khan a run lo ding. Miòha lo pa in òhatlonak a bansan a si ahcun hrem a si lo ding; asinain miòha pakhat in sualnak tuah a thok a si ahcun a nunnak cu zuah a si lo ding.
13 Miòha pakhat hnenah nunnak thu ka tiam; asinain thil òha a rak tuah cia mi kha a tawk tiih a ruah tlunah sualnak a tuah a si ahcun thil òha a rak tuahmi kha ka ciing nawn lo ding. A sualnak ruangah a thi ding.
14 Miòha lo pakhat cu na thi ding tiah ralrinnak ka pek; asinain sual tuah a bansan ih a dingmi le a òhami a tuah ahcun,
15 thuòhimnak ah tangka cawitu ih thukamnak thil a lakmi kha a khirhsal ih tlunah a rak rukmi thil khal a pekkir a si ahcun, sualnak a bansan ih nunnak petu daan a thlun ruangah a thi lo ding, a nung ding a si.
16 Sualnak a tuahmi pawl kha ka ngaidam ding; a ding le a òhami a tuah ruangah a nung ding a si.
17 “Cule na minung pawl in ka thil tuahdan hi a dik lo a si, an ti. A si lo, anmah ih thil tuahdan sawn a dik lo a si.
18 Miding pakhat in thil òha tuah nawn lo in thil òha lo tuah a thok ahcun cumi ruangah a thi ding a si.
19 Miòha lo pakhat in sualnak tuah a bansan ih a dingmi le a òhami a tuah tikah cun a nunnak a hum ngah a si.
20 Sikhalsehla Israel, ka tuahmi hi nang in a dik lo na ti. Zokhal nan tuahmi vekin thu ka lo òhen ding,” tiah a ti.
Jerusalem Siatnak Thuthang
21 Sal kan taannak kum hleihnih kum, thla hra thla, ni nga ni ah Jerusalem ihsin a luat mipa pakhat ka hnenah a ra ih Jerusalem khuapi a siat zo a si, tiah i ra sim.Ref 33.21 2 Siang 25:3-10; Jer 39:2-8; 52:4-14;
22 Cupa a ra thlen hlan ni khatnak zanlam ah Bawipa ih umpinak nasa zet in ka hnenah a thleng. Cupa cu a thaizing a ra thlen tikah Bawipa in òong theinak huham i peksal. Curuangah ka òong theisal.
Mipi Pawl Ih Sualnak
23 Bawipa in ka hnenah,
24 “Milaipa, Israel ram ih a siat òheh zomi khuasung ih a ummi mipi pawl in, ‘Abraham cu pakhat lawng asinain ram pumpi a hnenah pek a si. Kannih cu mi tam zet kan si ih atu ah hi ram cu kanmah ih ta a si ve zo,’ an ti.
25 “Cungnungbik Bawipa keimah ih ka òongmi hi sim aw: A sungih thi a um laimi sa nan ei a si. Milem nan bia. Mi nan that! Hi ram hi kanmah ih ta a si, tiah ziangtinso nan ruah thei?
26 Nan ralnam hi nan rinsan. Nan thil tuahmi pawl hi fihnungza an si. Zokhal in òaangòawm sualnak nan tuah. Hi ram hi kan ta a si tiah ziangin so a lo ruahter?
27 “Cungnungbik Bawipa keimah hi a nungmi Pathian ka si vekin ralrinnak ka pek, sim aw: A siatòhehmi khuasung ih a ummi pawl cu thah an si ding. Hramlak ih a ummi minung pawl cu sahrang in a ei ding. Tlangpar le lungpuk sungih a relhmi pawl cu natnak in an thi ding.
28 Hi ram cu ramòhing ah keimah in ka tuah dingih an uar zetmi an cahnak cu a cem ding a si. Israel ram ih tlangsang pawl cu a ruul tuk dingih a sungin zohman in an pah thei lo ding.
29 Mipi pawl an sual ruangah ka hrem ih an ram cu ramòhing ih ka tuah tikah cun keimah hi Bawipa ka si kha in thei ding,” tiah a ti.
Profet Òong An Thei
30 Bawipa in, “Milaipa, na minung pawl cu khuakulhnak phardawl kiangah siseh, an inn sangka kiangah siseh, an ton awk tikah nangmah ih thu lawng an rel. Pakhat le pakhat, ‘Atu ah Bawipa ih òongkam ziangbangtuk si a ra thleng, kan va ngai pei,’ tiah an ti aw.
31 Curuangah ka minung pawl cu, milai ih an tuah òheu vekin, na thusimmi ngai dingah an khawm aw ciamco, asinain tuah dingih na fialmi an tuah lo. Duhdawtnak òong cu an hmur in a suak, asinain an duhham lai thotho.
32 An hrangah nang cu, na zai òha thawn, an thabaang colhdamnak ih ngaihla saktu hnakin na uak cuang lo; òingòang tumtu men ah na cang. Na òongmi cu an thei òheh nain pakhat hman an thlun hrimhrim lo.
33 Asinan na òongmi hmuahhmuah a kim tikah cun, an kim thluh ding sikhawh, cutik lawngah anmah lakih profet na um kha an thei ding,” a ti.