21
Bawipa Ih Ralnam
1 Bawipa in ka hnenah,
2 “Milaipa, Jerusalem hi mawhthluk aw! An khawzing biaknak hmun pawl mawhthluk hai aw. Israel ram hi ralrinnak pe awla,
3 Bawipa keimah ih òong hi sim aw: Keimah hi nan ral ka si. Ka ralnam ka suah dingih nan zate in mi sia siseh, miòha siseh, ka lo that òheh ding.
4 Saklam ihsin thlanglam tiang mi hmuahhmuah parah ka ralnam ka hmang ding.
5 Keimah Bawipa in ka ralnam ka zuuk zo ih a kawm sungah ka khumsal nawn lo ding, ti kha zozo khalin an thei ding.
6 “Milaipa, riahsiat ruangih thinlung kuai òheh ding vekin aihram aw. Mi hmuahhmuah ih an lo hmuh theinak ding hmunah riahsia in hrum ciamco aw.
7 Ziangahso na hrum ciamco tiih an lo sut ahcun thusia a ra thleng dingmi ruangah ka hrum a si, ti aw. Cuih thusia a rathlen ngaingai tikah cun an thinlung òihnak in a khat ding, an kut a zawng thluahthlo ding, ralòhatnak an neihmi hmuahhmuah a cem òheh dingih an khuk pawl a hnin ciamco ding. Cuih tikcu a ra thleng zo, a ra thleng zo a si,” tiah a ti. Cungnungbik Bawipa in a sim zo.
8 Bawipa in ka hnenah,
9 “Milaipa, profet na si vekin phuangsuak aw. Keimah Bawipa ih ka òongmi hi mipi hnenah sim aw:
Ralnam, ralnam pakhat cu hriam zet in an tat,
Tleu zet in an hnawt.
10 Mi thahnak ah tat hriammi a si;
Nimthlakau vekin tleu zukzo
dingah hnawtmi a si.
Zohman in nuam an ti lo ding;
Ziangahtile ka minung pawl in
Ralrinnak pekmi le hremnak hmuahhmuah cu
Zianghman ah an siar lo a si.
11 Ralnam cu an hnawt,
Zamrang ih hman theih dingah.
An tat hriam ih an hnawt,
Mi thattu kut sungih ret dingah.
12 Milaipa, ninghang in ai ciamco aw,
Hi ralnam hi ka minung pawl
thahnak ah timi a si.
Israel lal pawl thahnak ah an ti.
Ka minung pawl thawn thah cih an si ding,
Israel hotu pawl tla cu!
Riahsia in na òang cuum aw.
13 Ka minung pawl ka hniksak,
An sual an sir duh lo a si ahcun,
Hi thil pawl hi an parah a thleng ding.
14 “Milaipa, profet na si vekin atu ah phuangsuak aw. Na za beng awla ralnam cun a sat rero ding. Mi thattu nam a si, òihtertu nam a si ih mi sattu nam a si.
15 Ka minung pawl an ralòhatnak a cemter ih a sawnter hai. Nimthlakau vekin a tleu zukzo mi ralnam thawn, mi that dingah tiar cia in an khuapi cu ka fuuk.
16 Maw ralnam, vorhlam le kehlam ah sat vivo aw. Na hernak kipah sat vivo aw.
17 Kei khal ka za ka beng dingih cuticun ka thinhennak a reh ding. Keimah Bawipa in ka sim zo,” a ti.
Babilon Siangpahrang Ih Ralnam
18 Bawipa in ka hnenah,
19 “Milaipa, a ralnam thawn Babilon siangpahrang a run theinak lamzin pahnih in hminsin aw. Cuih lamzin pahnih cu ram pakhat ihsin a thok ding. Lamzin òekah hminsinnak òhuam phun aw.
20 Pakhat in Ammon khuapi Rabbah fehnak lamzin a hmuh dingih a dang pakhat in ralhruang ih kulhmi Judah khuapi Jerusalem lamzin a hmuh ding.
21 Babilon siangpahrang cu lamzin òekah a ding. Khui zin ka thlun ding ti theihnak ah ai a zing: Thal pawl thing tahrat in a zoh; a milem pawl thu a ron ih raithawinak sathin hnit a zoh.
22 ‘Jerusalem,’ tiih nganmi a thal cu vorhlam kut in a kai. Cuih thal cun ruhkulh pawl sut thluknak ding, raldo tikah hawhawt ciamco ding, kotka pawl sut balnak ding, ralhruang hnakin sang sawn ih leilung dawl ding le donhleisang don ding pawl a sim òheh.
23 Lungkimnak cakhen an tuah zo ruangah hibangtuk in thil a cang ding ticu Jerusalem mi pawl cun an zum lo. Sikhalsehla hibangtuk in a cang ngaingai ding cu an sual zia theihternak ah le ral ih kaihmi an si ding, tiih ralrin pek cianak a si.
24 Himi cu keimah Cungnungbik Bawipa ih ka òongmi a si. Nan sualnak pawl an lang òheh zo. Nan mawh zia cu zapi theih a si zo. Hnonmi nan si thlang ih nan ral pawl ih kut ah ka lo pe ding a si.
25 “Nang miòha lo, mi borhbah Israel hotu, hremnak netabik na tuar ding ni a ra thleng cuahco zo.
26 Cungnungbik Bawipa keimah in ka sim zo. Na siangpahrang lukhuh le na lupawng cu hlon aw. A hlan vekin zianghman a um nawn lo ding. Farah nauta pawl kha thuneihnak dinhmun ah cawisang aw. Mi uktu pawl hnuai ah òhum òheh aw.
27 Siatralnak! Siatralnak! A si, khuapi cu ka siatsuah òheh ding. Asinan hi khuapi hrem dingah ka hrilmi uktu a ra thlen hlan cu hi thil cang ding pawl hi a kim hrih lo ding; a kim tikah a kut ah ka pe ding.
Ralnam Le Ammon Mi Pawl
28 “Milaipa, profet na si vekin phuang awla Israel a hmuhsuamtu Ammon mi pawl hnenah ka òongmi hi than aw. An hnenah:
‘Ralnam cu mithat dingah zuuk cia in a um;
Mi that dingih hnawt tleumi a si;
Nimthlakau vekih tle zukzo dingah.
29 Langnak nan hmuhmi cu thuphan an si ih hmailam thu nan simsungmi cu thulolak an si. Miòha lo le mi siava ngaingai nan si ih nan tuarnak ni, netabik ih hremnak nan tuarnak ni cu a ra thleng cuahco zo. Ralnam in nan hngawng a lo sat ding.
30 “‘Nan ralnam cu a kawm sungah thunsal uh. Nan semnak hmun le nan suahnak ram ah nan thu ka òhen ding.
31 Meiling bangin ka thinhennak cu nan parih ka burh tikah ka thinhennak nan tuar ding a si. Cule mi siatsuah lamih a thiam bik pawl, zangfah nei lomi pawl ih kut ah ka lo pe ding.
32 Meisa in siatsuah òheh nan si ding. Nan thisen cu nan ram sungah a luang dingih zohman in an lo thei nawn lo ding,’ ti aw,” tiah a ti. Bawipa in a sim zo.Ref 21.28-32 Jer 49:1-6; Ezk 25:1-7; Amo 1:13-15; Zef 2:8-11;