19
Òah Hla
1 Pathian in hi òah hla hi Israel siangpahrang fapa pahnih hrangah sak dingin i fial:
2 Ziangvek kiosa pinu so na nu hi a rak si!
Òihnungza kiosa cang lakah
a fano a cawm hai.
3 Fanote a cawm ih sadeh daan a zirh;
A fano cu milai dehtu ah a cang.
4 Miphun pawl in cuih
a fano thu cu an thei ih,
Khurthang an kam ih an awk;
Sio thawn Izipt tiang an hruai.
5 A nu cun zianghman ruahsannak
a um nawn lo hnu tiang a hngak.
Cule fano dang pakhat a cawmsal,
Cuih a fano khal òihnungza
kiosa ah a cang.
6 Kiosa cang pitling a hung si tikah,
Kiosa dang thawn an vak.
Sa deh daan a zir ve ih,
Milai dehtu ah a cang ve.
7 Khuasung ruhkulh pawl a bauh ih,
Khua tampi a siatsuah a si.
Ramsung milai pawl cun an òihzet,
Nasa zet ih a huuk tin tein.
8 Miphun tampi amah do dingah
an funkhawm aw ih;
Khuazakip in an ra suak.
Ramsa awhnak sur an kam ih,
Cuih an thang cun an awk.
9 Thir bawm sungah an ret ih,
Babilon siangpahrang hnenah an kuat.
Amah kilvengtu ding an ret,
Israel tlang par ram ah,
A huuk thawm thei nawn lo dingah.
10 Na nu cu sabit hri vek a si,
Tiva kapih cinmi sabit hri vek.
Cuih sabit hri cu a rah le a hnah in a khuh;
Tidai tampi a um ruangah.
11 A hnge pawl tla an khoh zet ih,
Siangpahrang kianghrol ah an cang.
Cuih sabit hri cu a òhang zet ih,
Mero tawt tiangin a sang.
Hnah a neih zia le a san zia cu,
Mi hmuahhmuah in an hmu.
12 Sikhalsehla thinhengtu pawl in,
An kut in an phawi ih leilung ah an hlon.
Nisuah lam thli in a rah a carter òheh.
A hnge pawl tla an khiak òheh,
An ro òheh ih meisa in an ur.
13 Atu ahcun nelrawn ah an ciing,
Ramcar le tidai um lonak ram ah.
14 Sabit hri ihsin meisa a alh,
A hnge le a rah pawl an kang òheh.
A hnge pawl cu an cerhsal nawn lo ding,
Siangpahrang kianghrol ah
an cang nawn lo ding.
Himi hi òahnak hla a si ih an sak leuhleuh mi a si.