12
Raltlan Profet Ezekiel
1 Bawipa in ka hnenah,
2 “Milaipa, raltho duh minung pawl lakah na um. Mit an nei nain zianghman an hmu lo; hna an nei nain zianghman an thei lo; ziangahtile raltho pawl an si.Ref 12.2 Isa 6:9, 10; Jer 5:21; Mar 8:18;
3 “Curuangah, milaipa, raltlanmi pakhat vekin na puan zual awla khua a thim hlanah feh aw. Na suak ih hmundang ih na feh kha mi hmuahhmuah in lo hmu òheh hai seh. Hi raltho pawl hin an lo hmu ngah ih raltho pawl an si kha an theih theinak tla a si pangah!
4 Khawvang lai ahhin na puan tom awla an lo hmu dingih zanlam ah saltang vekih na feh kha lo zoh hai seh.
5 An lo zoh lai ah, na inn phar ah ong pakhat bauh awla cuih ong ihsin na thil tom kha suah aw.
6 Na liangah na thil tom pu tahrat in na mit hup ih khuilamah ka feh ti hman thei lo in khawthim lakih feh vekin na feh kha lo zoh hai seh. Cutiih na tuahmi kha Israel mi pawl hrangah ralrin peknak a si ding,” tiah a ti.
7 Cule Bawipa ih i simmi vek cun ka tuah òheh. Cuih ni ahcun raltlan bangin ka puan ka tom ih zanlam khawthim zawng ah ka inn phar cu ka kut in ka bauh ih cuih ong cun ka suak. Mizapi hmuhhngan ah ka puantom cu ka liang in ka pu ih ka feh.
8 A thaizing ah Bawipa in,
9 “Milaipa, na thil tuahmi thu cu Israel mi raltho pawl in an lo sut asile,
10 Cungnungbik Bawipa keimah in an hnenih ka òongmi hi sim aw; hi thu cu Jerusalem ih mi uktu lal le cutawkih a ummi misenpi hrangah a si.
11 Hitiih na tuahmi hi an parih a thleng dingmi hmuhsaknak a si kha sim aw; raltlanmi le ralkaihmi an si ding.
12 Anmah uktu lal pakhat cu phar ong an tuah sakmi in a tlan dingih a puantom pu phahin khawthim lakah a feh ding. A mit a hup aw dingih khuilamah ka feh ti hman a hmu lo ding.
13 Sikhalsehla ka sur ka rak vorh dingih ka rak awk ding. Cule Babilon khuapi ah ka hruai dingih cuih khuapi hmu ngahta lo in a thi ding.Ref 12.13 2 Siang 25:7; Jer 52:11;
14 A innsang pawl, amah ruahnak petu pawl le a kiltu pawl cu khuazakip ah ka òhekdarh dingih thah dingah mi in an hawl rero ding a si.
15 “Ram dangdang le miphun dangdang lakih ka òhekdarh tikah Bawipa ka si kha in thei ding.
16 Anmah lakah mi malte cu raldonak, paam le natnak a phunphun sung ihsin ka luatter dingih, ramdangmi pawl lakah cun an thil rak tuahmi pawl ziangtluk fihnungza a si, ti kha an theih hnuah, keimah cu Bawipa ka si kha in thei ding a si,” tiah i ti.
A Khur Reromi Profet
17 Bawipa in ka hnenah,
18 “Maw milaipa, na ei phah ah khur awla na in phah ah thinphang in òhia thlohthlo aw.
19 An khuapi Jerusalem ih a um hrihmi pawl hnenah Cungnungbik Bawipa ih thu cu hitiin a si tiah ram pumpi ah than aw: Rawl an ei phah ah an khur dingih tidai an in phah ah thinphang in an òhia ciamco ding. Ramsung mi hmuahhmuah cu daan balsiattu an si thluh ruangah an ram a siatral òheh ding.
20 Minung tam zet an umnak khuapi pawl hi siatsuah òheh an si dingih rampi cu ramòhing ah a cang ding. Cutiin keimah hi Bawipa ka si kha in thei ding a si,” tiah a ti.
Òongòhimnak Le Thucah
21 Bawipa in ka hnenah,
22 “Milaipa, ziangahso Israel mi pawl in, ‘Tikcu a liam vivo, asinain profet ih rak simciami cu a kim dah lo,’ timi òongòhimnak hi an rel leuhleuh?
23 Keimah Cungnungbik Bawipa ih ka simmi cu hitiin a si. Cuih òongòhimnak cu ka cemter ding. Israel ram sungah an relsal nawn lo ding. Tikcu a kim zo, profet pawl ih rak simciami cu a kim vivo zo,’ tiah sim aw.
24 “Israel mi pawl lakah a dik lomi langnak le mi hruaisualtu simsungnak a um nawn lo ding.
25 Keimah Cungnungbik Bawipa in an hnenah thu ka sim dingih ka simmi cu kim tein tuahsuak a si ding. A rei nawn lo ding. Maw raltho pawl, nan nun sungah ka tuah ding tiih ralrinnak ka lo pekmi cu ka tuah ngaingai ding. Keimah in ka lo sim zo,” tiah Cungnungbik Bawipa in a ti.
26 Bawipa in ka hnenah,
27 “Milaipa, Israel mi pawl in langnak na hmuhmi le na simsungmi pawl cu hmailampi hrangah a si, an ti.
28 Cungnungbik Bawipa keimah ih ka simmi hi simsin aw: A rei nawn lo ding. Ka simmi cu tuahsuak a si ding. Cungnungbik Bawipa keimah in ka sim zo,” tiah a ti.