6
Hnangamnak A Òhabik
1 Leilung tlunih thil òha lo pakhat ka hmuh mi cu minung hrangah a ritzet mi a si:
2 Mi pakhat hnenah Pathian in lennak, thilri le mi ih upatnak tla a pek ih a thinlung in a duhmi hmuahhmuah neih lomi zianghman a nei lo; sikhalsehla a thilri pawl nunnuam zet ih hman theinak cu Pathian in a pek lo; midang sawn in nuam zet in an hmang. Hihi thil mawilo le thil òha lo zet a si.
3 Mi pakhat in faate zakhat khal nei sehla, kum reipi nungin mi sanòha zet khal sisehla, a neihmi thilri pawl nunnuam in a hmang theilo ih thinlung hnangamnak zianghman a ngah lo a si ahcun anih hnakin a thi cia in a suakmi naute a òha sawn.
4 Cui naute cu suahsan nei lo, thim lakih a liammi a si ih ziangtik hmanah a hmin a lang dah lo;
5 ni khal a hmu dah lo ih zianghman theihmi a nei lo nain, thin nuam lo pa hnak cun dai tein colhnak a ngah a si.
6 Mi pakhat cu kum thawngkhat nungin sanhnih nolh hmansehla thinlung hnangamnak a neih lo ahcun ziangso a òhathnem? Zozo khal an fehnak ding cu a hmunkhat òheh a si lo maw?
7 Milai in a pumpi hrang lawngah hna a òuan, asinain a tawk thlang ti a um dah lo.
8 Ziangtinso mifim cun mi-aa hnakin sawtnak a neih deuh cuang? Mifarah pa cu nun ding zia thei hmansehla ziangso a òhahnem?
9 Curuangah thinlung vakvai ih umter rero hnakin na mithmai ih a ummi thilri parih lungkimnak neih hi a òha sawn. Cukhal cu thulolak a si ih thli kaih tum vek a si.
10 Thil a um cia mi cu hminsak cia òheh an si ih ziangvek thil an si, ti cu theih cia a si. Minung cun amah hnakih a cak deuhmi cu a dodal thei lo ding.
11 Ziangahtile tam deuh òong tikah sullam a nei lo deuhdeuh. Cuti a si ahcun ziangtinso milai hrangah sawtnak a um cuang ding?
12 Milai nunnak hrangah thilòha cu, leilungtlun caan tawite a nun sungah le phenthlam bangin a liam cing mi a nunnak sungah hin zoso a thei thei ding? Zo in so a thih hnuah leitlun ah ziang a cang ding ti a thei ding?