4
1 Cui hnuah leilungtlun ih hremnak a tuartu pawl thuhla ka ruat. Hremnak tuartu pawl ih mitthli ka hmu; zohman hnemtu an nei si lo! Mi hremtu pawl cu an kut sungah thil ti theinak an nei ih, an hrem mi pawl cu zohman bawmtu an nei lo.
2 A thi cia mi pawl an thih zo ruangah a nunglai mi pawl hnakin mi vanòha an si, tiah ka ruat.
3 Annih hnakin mi vanòha sawn cu leilungtlun ih thil òha lo tuahmi hmuahhmuah a hmu hrih lotu le a suak hrih lotu pawl an si.
4 Cule minung in harsazet ih hna a òuan ih thil a ti suak thei mi hmuahhmuah khal hi ziangruangah a si tile: A minung pi hleih duh ah le laan a duh ruangah a si, ti ka hmu. Hi khal hi thulolak a si ih thli dawi rero vek a si.
5 “Mi-aa cu hnaòuan lo in a kut a bom ih a netnak ahcun rawl lo in a thi,” an ti.
6 Kei cun, “Harsazet hnaòuan ih thulolak si thotho ding suumpi khat neih hnak cun thinlung nuamte ih zate khat lawng neih a òha sawn,” ka ti.
7 Nun sungih zianghman lo a simi pakhat ka hmu lala.
8 Mi pakhat cu fapa a nei lo, unau khal a nei lo; amah lawngin a um ih milian si duh ah cat baang lo in hna a òuan; asinain a lennak ah a lung a kim dah lo. “Zo hrangah so hiti lawmmam in hna ka òuan ih nunnomnak tikcu hman nei lo ih ka um?” ti khal a ruat dah lo. Hi khal hi thulolak a si ih a nuam lo zetmi nunnak a si.
9 Mi pahnih cu pakhat hnakin an òha deuh, ziangahtile an hnaòuan man tam deuh an ngah.
10 Pakhatkhat an tluk pang asile a dang pakhat in a tho. Sikhalsehla mi pakhat lawng cu a tluk pang asile zangfakza a si, thotu zohman a nei lo.
11 Cui tlunah mi pahnih an it tlang tikah cun an khua a hlum. Sikhalsehla mi pakhat lawng cu ziangtinso a khua a hlum thei ding?
12 Mi pakhat lawng cu neh a olte; asinain pahnih cu an òang thei zet ding; hridai zangthum hrual cu ol tein a cat dah lo.
13 A tar ih a aa mi siangpahrang, midang ih ruahnak òha pekmi khal a sang duh nawn lomi hnak cun tleirawl farah mifim a òha sawn.
14 Thawnginn ihsin a suakmi khal siangpahrang a si thei, a ram sungah farah zonzai in a rak suakmi sihmansehla!
15 Hi leitlun ih a ummi minung hmuahhmuah ih thu ka hun ruatih siangpahrang airawltu mino pakhat cu hmun khatkhat ah a um ti ka thei.
16 Siangpahrang ih ukmi cu minung siar cawk lo an si ko ding. Sikhalsehla a thih tikah cun a rak tuahmi thil ruangah a parah zohman lungawi an um cuang lo ding. Hi khal hi zianghman lo a si ih thli dawi rero vek thotho a si.