12
1 Na nolai ah a lo Semsuahtu thei aw,
Harsatnak in a lo man hlan le,
Kum le tikcu a ra her ih,
“Thin nomnak zianghman ka nei nawn lo,”
na ti hlanah hin.
2 Ni le thlapi le arsi an thim hlan le,
khuadur in ruah hlir a rak ken hlanah hin.
3 Cutikah himnak a lo pe òheutu na baan kha an òhia pei ih a cakmi na ke tla an òawnòai ding. Na rawl khainak dingah na ha a maltuk dingih na mit a malh ding ruangah fiang tein khua na hmu thei nawn lo ding.
4 Na hna a set dingih lamzin ih thawmvang khal na thei lo ding. Fangrial thawm le awnmawi an tum mi khal na thei thei ceu ding; asinain vate ai hman in na ihthatnak ihsin an lo òhangter thei ding a si.
5 Hmunso kha na òih dingih suah va vak kha na hrangah òihnung a si ding. Na òuak a par dingih na feh tikah na òhawn thei ceu dingih hiarnak na rak neihmi hmuahhmuah an hlo ding.
Kannih cu kumkhua kan umnak ding inn ah kan feh dingih khuasung lamzin ah òahnak aw thawm a um ding.
6 Ngun cikcin kha a cat dingih sui mei-inn a tlu dingih a kuai ding. Tikhur ih hri kha a cat dingih ti thannak beel a kuai òheh ding.
7 Kan ruangpi cu leivut ah a kirsal dingih kan thlarau cu in petu Pathian hnenah a kirsal ding.
8 Thulolak, thulolak, ziang hmuahhmuah thulolak an si, tiah Thusimtu in a ti.
9 Thusimtu cun a fimnak thawn a theihmi cu mipi hnenah a zirh vivo. Òongòhimnak a phunphun a theihmi kha a zingzoi ih a fiangter vivo.
10 Thu kha mi ngai nuam zawng in a sim ih, a ngan mi thu cu thudik a si.
11 Mifim pawl ih òongkam cu tuukhal pa in tuu khalhnak ih a hman mi fungzum vek a si. Thufim khawlkhawmmi cu hnget zet ih khenmi tlawngkhen vekin a hmun ringring. Kan zate ih tuukhal a simi Pathian in, in pekmi an si.
12 Ka fapa, ralrin òulmi a um lai: Cabu ngan rero hi cem ni a nei lo, ca zoh ringring khal hi taksa in a tuar lo.
13 Hi thu hmuahhmuah ih tlunah sim ding pakhat lawng a um. Pathian òihzah awla a daan thlun aw. Pathian in milai a tuah sannak cu himi hrangah a si.
14 Pathian cun ziang hmuahhmuah kan tuahmi parah thu a òhen ding; a òha siseh, a sia siseh, a thup teih kan tuahmi par tiangin thu a òhen ding a si.