5
Thukham Pahra
(Suah 20:1-17)
1 Moses in Israel mi pawl cu a kokhawm ih an hnenah, “Israel mi pawl, tuih sun ih ka lo pekmi daan pawl hi òha tein ngai uh. Zir uhla thlun uh.
2 Bawipa kan Pathian in Sinai Tlang ah kanmah thawn thukamnak a tuah.
3 Kan pu le kan pa pawl hnen lawngah hi thukamnak cu a tuah a si lo; atu hitawkih a nungmi kanmah pawl hnen khalah a tuah a si.
4 Cuih tlang parih meisa sungin Bawipa cun hmaiton in nan hnenah a òong.
5 Cuih meisa cu nan òih ih tlang parah cun nan hung kai ngam lo ruangah Bawipa ih thusimmi cu nan hnenih sim dingah Bawipa le nanmah karlak ah ka rak ding.
“ Bawipa in,
6 “Keimah cu Bawipa nan Pathian, sal nan taannak Izipt ram in a lo suahtu ka si.
7 “Keimah siar lo pathian dang nan biak lo pei.
8 “Van ih a ummi, asilole leilung parih a ummi, asilole leihnuai tidai sungih a ummi pawl ih hmuihmel kengin milem nan tuah lo pei.
9 Ziangvek milem hmai khalah bok in biak hlah uh, ziangahtile keimah cu Bawipa nan Pathian ka si ih thiik neimi ka si. Keimah i huatu parah cun an sualnak ruangah anmah le an tesinfa parah santhum sanli tiangin hremnak ka thlengter a si.Ref 5:8, 9 Suah 34:17; Pui 19:4; 26:1; Daan 4:15-19; 27:15;
10 Sikhalsehla keimah i duhtu le ka thu a thluntu pawl parah cun san thawng tampi tiangin a fekmi ka duhdawtnak cu ka langter a si.Ref 5:9, 10 Suah 34:6, 7; Mipum 14:18; Daan 7:9, 10;
11 “ Bawipa nan Pathian hmin cu duhdah in nan hmang lo pei; ka hmin a hmang duhdahtu cu hremnak ka pek hrimhrim ding.Ref 5:11 Pui 19:12;
12 “ Bawipa nan Pathian keimah in thu ka lo pek bangtukin Sabbath ni cu ul uhla ka hrangah thianghlimter uh.Ref 5:12 Suah 16:23-30; 31:12-14;
13 Niruk sung hna nan òuan pei;
14 sikhalsehla ni sarih ni cu ka hrangah thianter mi le colhnak ni a si. Cuih ni ahcun hna nan òuan lo pei, nangmah siseh, na fanau siseh, na sal pawl le na òilva pawl siseh, na hnenih a um ramdangmi tla siseh, zohman hna nan òuan lo pei. Nangmah na colh vekin na sal pawl tla an cawl ve pei.Ref 5:13, 14 Suah 23:12; 31:15; 34:21; 35:2; Pui 23:3;
15 Izipt ram ah sal ah nan rak tang ih Bawipa nan Pathian keimah in ka huham le ka cahnak in ka lo runsuak cu ciing ringring uh. Curuangah sabbath ul dingih thu ka lo peknak cu a si.
16 “ Bawipa nan Pathian a simi keimah ih thupek bangtukin nan nu le nan pa cu upat uh; cuticun nan lamzin a tluang dingih ka lo pekmi ram ah reipi nan nung ding.Ref 5:16 Daan 27:16; Mat 15:4; 19:19; Mar 7:10; 10:19; Luk 18:20; Efe 6:2, 3;
17 “Mi that hlah.Ref 5:17 Sem 9:6; Pui 24:17; Mat 5:21; 19:18; Mar 10:19; Luk 18:20; Rom 13:9; Jeim 2:11;
18 “Òaangòawm sualnak tuah hlah.Ref 5:18 Pui 20:10; Mat 5:27; 19:18; Mar 10:19; Luk 18:20; Rom 13:9; Jeim 2:11;
19 “Ruk ru hlah.Ref 5:19 Pui 19:11; Mat 19:18; Mar 10:19; Luk 18:20; Rom 13:9;
20 “Na minungpi a dik lo in sual puh hlah.Ref 5:20 Suah 23:1; Mat 19:18; Mar 10:19; Luk 18:20;
21 “Mi dang ih nupi na daw lo pei. A inn, a lo, a sal pawl, a caw le a rang le a neihmi hmuahhmuah khal na daw lo pei,” a ti.Ref 5:21 Rom 7:7; 13:9;
22 “ Bawipa in hi daan pawl cu tlang parih a ra tongkhawmmi Israel misenpi hnenah a pek. Mei sungin le khawdur duppi sah zet sung ihsin aw ring zet in a òong ih hi daan pawl cu a pek; cuih hnuah a bet cuang nawn lo. Cule hi thukham pawl cu lungpheng pahnih parah a ngan ih ka hnenah i pek.”
Mipi In An Òih Ngaingai
(Suah 20:18-21)
23 “Cun a tlang pumpi in meisa in a tuam ih, khawthim sungin aw nan theih tikah nan hotu pawl le nan upa pawl cu ka hnenah an ra ih,
24 “ Bawipa kan Pathian cun a cahnak le a huham sunglawi in hmuh ih meisa sungin a òong kha kan thei. Minung hnenah Pathian a òong ih a òong an theih hnu khalah an nung lai thotho, ti cu tuih sun lawngah kan thei.
25 Sikhalsehla ziangahso thih ding phang rero cun kan um ding? Khi òihnungza meisa in, in ur that ding. Bawipa kan Pathian kan hnenah a òongsal a si ahcun kan thi rori ding.
26 A nungmi Pathian meisa sungin a òong a theitu zotal a nungmi an um dah maw?
27 Curuangah nangmah va fehsal awla, Bawipa kan Pathian ih a òongmi hmuahhmuah cu va ngai aw. Cuih hnuah rakir awla na hnenih a òongmi cu in ra sim aw. Kan ngai dingih kan thlun thluh ding,” in ra ti.Ref 5:22-27 Heb 12:18, 19;
28 “Cumi cu Bawipa in a theih tikah ka hnenah, “Na hnenih an òongmi cu ka thei zo ih an dik a si.
29 Hiti ringring in an thin lung cu um sehla ka va duh so! Anmah le an tefa pawl cu an lamzin a tluan ringringnak dingah kei cu in òih ringring ih ka thupekmi hmuahhmuah thlun ringring hai sehla ka duh a si.
30 Feh awla an riahnak puanthlam ah tlung thluh hai seh.
31 Asinan nang cu ka hnenah hin um awla ka daan le ka thu hmuahhmuah ka lo pe ding. Ka pek dingmi ram sungih an thlun dingah cuih daan pawl cu zirh hai aw,” i ti.
32 “Curuangah Bawipa nan Pathian ih thupekmi hmuahhmuah nan tuah òhehnak dingah fimkhur uh. A thupekmi cu pakhatte hman thlun lo in um hlah uh.
33 Nan luah dingmi ram sungih nan um thei ringringnak dingah Bawipa ih thupekmi cu thlun thluh uhla ziangtinkim ah nan lamzin cu a tluang ding.”