34
Moses Thihnak
1 Moses cu Jerikho in nisuahnak lam, Moab ram hmunrawn ihsin Nebo Tlang, Pisgah Tlangzim ahcun a hung feh ih cutawkah Bawipa in ram pumpi cu a hmuh: Gilead ram, Dan khua tiang,
2 Naftali ram a zate in, Efraim le Manasseh ram pawl; Judah ram, nitlaknak lamah Mediterranean Tifinriat tiang;
3 Judah ram thlanglam, Negev phairawn le tuumkung khuapi timi Jerikho hmunrawn pawl cu Zoar tiang a hmuh thluh.
4 Cule Bawipa in Moses hnenah, “Nan tefa pawl hnenah ka pek ding tiah Abraham, Isaak le Jakob hnenih siatcam in ka kammi ram cu hi ram hi a si. Nang cu a hmuh lawng ka lo hmuter; a thlen cu na thleng lo ding,” tiah a ti.Ref 34:4 Sem 12:7; Sem 26:3; Sem 28:13;
5 Cuticun Bawipa ih siahhlawh Moses cu, Bawipa ih a ti cia bangtukin Moab ram ahcun a thi.
6 Bawipa in Moses cu Bethpeor khua in ralden, Moab ram phairawn ahcun a phum; asinain tuih sun tiang a thlan cu khuitawk cekci ah a um, ti a theitu zohman an um lo.
7 Moses cu a thih ah kum za le kul a si. A thih ah a tha a òum lo, a mit khal a mal lo.
8 Israel mi pawl in Moab phairawn ah ni sawmthum sung Moses thih cu an ul ih an òap.
Cun an mithi ngai ni cu a reh.
9 Cule Nun ih fapa Joshua cu fimnak thlarau in a khat, ziangahtile Moses in a parah a kut a suan ruangah a si. Israel mi pawl in Joshua thu cu an ngai ih Moses hnenih Bawipa ih thu a rak pekmi cu an thlun.
10 Israel mi lakah Moses vek profet an um dah lo, ziangahtile hmaiton rori in Bawipa thawn thu an ruah aw a si.Ref 34:10 Suah 33:11;
11 Bawipa in Moses a thlah ih Izipt siangpahrang, a kuthnuai bawi pawl le a ram pumpi parah mangbangza le khawruahhar a tuah vek cun zo profet hman in an tuah dah lo.
12 Israel misenpi hmuhhnganah Moses in thil maksak le tuksumza tampi a tuah vek cun profet dang zohman in an tuah dah lo.