33
Moses In Israel Hrin Pawl Thluasuah A Pek
Pathian minung Moses cun a thih hlanah hitiin Israel mi pawl parah thluasuah a pe:
Bawipa cu Sinai Tlang in a ra;
Ni bangin Edom tlunin a suak ih,
Paran Tlangin a minung parah a tlang.
A hnenah vancungmi
thawnghra an um ih,
A vorhlam kut ah mei-alh a keng.
Bawipa in a minung pawl cu
a duhdawt ih,
Amah ih ta pawl cu a humhim a si.
Curuangah a ke hramah kan kun ih,
a thupekmi kan ngai a si.
Moses ih in pekmi Daan cu kan thlun,
Kan phunhnam ih
sunloih bikmi rothil cu.
Bawipa cu a minung Jeshurunh 33:5 Jeshurun timi hi miding tican a si ih a sawh duhmi cu Israel mi an si.
pawl ih siangpahrang ah a cang,
Israel hrin pawl le hotu pawl
an tonkhawm tikah cun.
 
Reuben hrin cu hitiin
thluasuah a pe:
“Reuben hrin cu cimit hram hlah seh,
An minung an mal zet nain,” a ti.
 
Judah hrin cu hitiin
thluasuah a pe:
“Maw Bawipa, bom an dilnak
aw cu thei awla,
Israel hrin dang pawl thawn
kom hai aw.
Maw Bawipa, a kut khohter awla,
An ral pawl cu do sak aw,” a ti.
 
Levi hrin cu hitiin
thluasuah a pe:
“Maw Bawipa, Levi mi hnenah
na Thummim le Urim cu re aw;
Rinsan tlak na minung an si.
Massah ah na hniksak zo ih,
Meribah tidai ah na zuam hai a si.Ref 33:8 Suah 17:7; 28:30; Mipum 20:13;
Nangmah sawn an lo tlaihsan,
An nu le an pa hnenah:
“Ziangah kan lo siar lo,” an ti.
An unau pawl an uar hai lo ih,
Anmah ih faate hman an thei duh lo.
Sikhalsehla na thu cu an thlun ih,
Na thukam cu òha tein an kilkhawi.
10 Na thupek cu na mi Jakob hnenah
an zirh ding,
Na daan cu Israel mi hnenah.
Na hmaiah rimhmui an ur dingih
Na biakòheng ah mei-ur thawinak
an pe ding,
11  Bawipa, an kut thiamnak cu
thluasuah pe awla,
An zungthiamnak parah
na lung awi hram aw.
An ral pawl ih elruh vua awla,
thosal nawn lo dingin,
Anmah a raltu le a huatu,
An ral pawl cu rialbek aw,” tiah a ti.
 
12 Benjamin hrin cu hitiin
thluasuah a pe:
“Hi hrin cu Bawipa ih duhmi
a si ih thlangam tein a cawl.
Pathian amah in, sunvu a hum,
A liang karah dai tein a umter.
13 Josef hrin cu hitiin
thluasuah a pe:
“ Bawipa in an ram cu
van daitla in thluasuah hram seh.
Leihnuai tidai khalin
hnongter in thluasuah seh.
14 Ni ih a hminter mi thingrah le,
Thlatin a tikcu ih a rahmi
thingrah òha bik in khatseh.
15 Kumkhua ih a hmunmi
an tlang parah cun,
Mi kipih hiarmi thingrah rahseh.
An tlangsang pawl cu thingrah
rahduhnak in khatseh.
16 An ram cu leilung ih a suahmi
thil òha a phunphun in khat sehla,
Hrambur sungin a òongtu,
Bawipa ih òhatnak tla in
ciah hram seh.
Hi thluasuah pawl Josef ih
lu parah thleng seh,
Ziangahtile a unau lakah
hruaitu a si.
17 Josef ih a lalnak cu a ropi,
A thazang cu cawcang tha vek,
A ki tla cu sele ki bangtuk a si.
A ki pawl cu Manasseh mi
a thawng a thawng le
Efraim mi a thawng ih
thawngsawm tluk an si.
Cuih a ki cun miphun tampi a khit ih,
Leilung deng tiang a nor a si,” a ti.
 
18 Zebulun le Issakhar hrin pawl
hitiin thluasuah a pe:
“Zebulun cu tipi par sum a tuah,
a suhsonak ah hlawhtling hram seh;
Issakhar cu inn ah a lennak
karhzai hram seh.
19 An tlang parah miphun dangdang
an sawm ih,
Cutawkah fel zet in thawinak an pek.
Tipi ihsin an lennak an ngah ih,
Tipikap vunnel ihsin a thup aw mi
ro sunglawi an co,” a ti.
 
20 Gad hrin cu hitiin
thluasuah a pe:
“Pathian thangòhat uh,
Gad ram kau zet ih a tuahtu cu.
Gad cu kiosa vek a si,
deh dingin a bawh.
An baan le an lu pawl,
bauhthlek dingah.
21 Anmah ih hrangah
ramòha bik an hril ih,
Hotu ih covo cu pek an si.
Bawipa ih ai ah a dingmi a tuah,
A thuòhennak a kimter.
Israel hotu pawl an tonkhawm awk
tikah cun,” a ti.
22 Dan hrin cu hitiin
thluasuah a pe:
“Dan cu kiosa no a si,
Bashan in a hung suakmi kiosa,” a ti.
23 Naftali hrin cu hitiin
thluasuah a pe:
“Naftali cu Bawipa ih
mithmai òha a co,
A thluasuahnak tla tampi a dong.
An ram cu Galilee tili ihsin
thlanglam tiang a thleng,” a ti.
 
24 Asher hrin cu hitiin
thluasuah a pe:
“Asher cun hrindang hnakin
thluasuahnak tam deuh a dong,
A unau ih duh bikmi si hram seh.
A ram cu olif kungin khatseh.
25 A khuapi pawl ih kotka hrolh cu
thir le daar lawnglawng sisehla,
A nunsung hnangam zet ih
khawsa mi si hram seh,” a ti.
 
26 Maw Israeli 33:26 Israel timi hi Jeshurun ti tla in a um ih miding tican a si. A sawh duhmi cu Israel a si. mi pawl:
Nan Pathian bangtuk Pathian dang
a um lo,
Van ahkhin huham nei zet in a um.
A sunlawinak mero parin
nanmah bom duh ah a ra.
27  Bawipa cu a kumkhua in
nan beunak a si ih,
Kumkhua ih a ban a pharhmi cu
nan hngauhsanmi ban a si.
Hmailam ih nan nor tikah
nan ral pawl cu a dawisuak hai ih,
that thluh dingin thu a lo pek.
28 Curuangah Israel tefa pawl cu
hnangam zet le him zet in an um.
Jakob ih tesinfa pawl cu phan ding
zianghman an nei lo.
Rawl le sabit tamnak ram,
Van in leilung ah dai a tlakternak
hmunah cun.
 
29 Maw Israel mi pawl:
Ziangtluk mivanòha so nan si!
Nanmah bangtuk zotal an um maw?
Bawipa ih runsuakmi hi!
Bawipa amah cu nan phaw le
nan nam a si,
A lo òantu le nehtu siter dingah;
Nan ral pawl cu zangfahnak dil
dingah an ra ding nain,
Nan ke hnuai ah nan pal cih ding.