23
Bawipa Ih Minung Ih Telh Lo Ding
1 “Zohman tilpermi le zahmawh tanmi cu Bawipa ih minung lakah siar cih a si lo pei.
2 “Fasawn cu, a tefa san sanhra tiangin, Bawipa ih minung lakah siar cih a si lo pei.
3 “Ammon mi, asilole Moab mi cu, an tefa san sanhra tiangin, Bawipa ih minung ah siar cih an si lo pei.
4 Izipt ram in nan suak ih nan fehnak lamzin ah ti le rawl an lo pe duh lo. Anmah in Mesopotamia ram Pethor khua in Beor ih fapa Balaam cu nanmah camsiat dingah an sawm ih hlawh an phal a si.Ref 23:4 Mipum 22:1-6;
5 Asinan Bawipa nan Pathian in Balaam ih thu cu a ngai duh lo; a lo duhdawt hai ruangah Balaam ih camsiatnak cu thluasuahnak ah a canter riangri a si.Ref 23:5 Mipum 23:7-24:9;Ref 23:3-5 Neh 13:1, 2;
6 Miphun pakhat nan si sungah cun hi miphun pawl bawm dingah zianghman tuah duh hlah uh; an òhansonak khal zianghman ngaihtuah hlah uh.
7 “Edom mi pawl cu hmuhsuam hlah uh; nan sungkhat laicinpi an si. Cule Izipt mi tla hmuhsuam hlah uh; nan rak um dahnak ram a si.
8 A santhumnak ih a suakmi an tefa pawl cu Bawipa ih minung lakah an tel thei ding a si.”
Riahhmun Faiter Ding
9 “Ral nan do ih riahhmun ih nan um tikah mithiang lo ih a lo cantertu ding hmuahhmuah cu nan hrial pei.
10 Mi pakhat cu zan ih mang a man ruangah a ti a suak ih mithiang lo ih a can tikah riahhmun in a lengah a suak pei ih cutawkah a va um pei.
11 Zanlam ah ti a kholh aw pei ih nitlak zawng ah riahhmun ah a lutsal pei.
12 “Nan riahhmun in a lengah pawngthawhnak hmun nan tuah pei ih pawngthawh nan duh tikah cunah nan feh pei.
13 Thil dang tlunah cawhlek fate keng uhla leilung nan lai pei ih nan thawh òheh in nan silhsal pei.
14 Nan riahhmun cu thiangfaite in ret uh, ziangahtile nanmah hum dingah le nan ral pawl tlunih nehnak petu dingah Bawipa nan Pathian cu nan hnenah a feh ih nan riahhmun ah a um a si. Bawipa in a lo dungtun lonak dingah a mithmuh ih a mawi lomi thil zianghman nan umter lo pei.
Daan Dangdang
15 “Sal pakhat cu a bawipa hnenin a tlan ih na hnenah him dingin a rat a si ahcun a bawipa hnenah rak khirhsal hlah.
16 A duhnak ah um seh; nanmah lakah khua pakhatkhat ah nan lakah um sehla nan neh nen lo pei.
17 “Israel mi cu nunau siseh, mipa siseh, biakinn ih hlawhhlang si hrimhrim hlah hai seh.Ref 23:17 Pui 19:29;
18 Cuti hlawhhlannak ihsin ngahmi paisa cu thukam kimternakah tiah Bawipa nan Pathian ih biakinn ah rak keng hlah hai seh. Cubangtuk pawl cu Bawipa hmaiah ningsinza an si.
19 “Paisa le rawl le thil dangdang, nan unau Israel mi hnenih nan coih tikah a òhang va la hlah.
20 Ramdangmi hnenih a òhang na lak khalle nan unau Israel mi hnen cun la hlah. Hi daan hi thlun uhla, nan luah dingmi ram ahhin nan òuannak le nan hawlnak tinah Bawipa nan Pathian in mal a lo sawm ding a si.Ref 23:19, 20 Suah 22:25; Pui 25:36, 37; Daan 15:7-11;
21 “ Bawipa nan Pathian hnenih thukamnak nan tuah ahcun cuih nan thukam cu pelh lo in kimter tengteng uh. Na thukam cu Bawipa in kimter dingih a lo duh sak hrangah na kimter lo tikah sual a si.Ref 23:21 Mipum 30:1-16; Mat 5:33;
22 Bawipa ih hnenah thukam tuah lo ih um cu sual a si lo;
23 asinain na lungthote in thukamnak na tuah ahcun kimter tengteng aw; Bawipa Pathian hmaiah na hmurka in a suak zo mi thukamnak a si.
24 “Na unau Israel mi ih sabit hmuansung ih na feh tikah na duhzat in sabit rah cu na ei pei; asinain na bawm sungah san tahrat in zianghman na phur lo pei.
25 Lo sung lamzin in na feh tikah fangvui cu na feh phahin na dok thei; asinain favah cun pakhatte hman na at lo pei.