19
Rolnak Khuapi Pawl
(Mipum 35:9-28; Jos 20:1-9)
“ Bawipa nan Pathian ih a lo pek dingmi ram ih a ummi miphun pawl Bawipa in a siatsuah thluh hnu, an khuapi pawl nan lak òheh ih cuih ram ih nan um tikah, cuih khuapi pawl lakin khuapi pathum cu rolnak ah tuah uh. Bawipa ih a lo pek dingmi ram cu, lamzin a hlat a nai zoh in, òhen thumah òhen uhla mithat an rolnak dingah le an himnak dingah òhenkhat ah rolnak khuapi pakhat fingfing a um pei. Mi pakhat in a ral a si lomi pakhat, tihrimnak zianghman um lo tein a that pang a si ahcun hi khuapi pakhatkhat ah a tlan pei ih a him ding. Thuòhimnak ah mi pahnih cu thing hau dingah tupi sungah an feh; zanthing an hau lai ah pakhat pa ih hreitlung fang cu a ha in a tlong ih a rualpa a ngah pang ih a thih a si ahcun thil tisualtu pa cu a tlan pei ih hi khua pakhatkhat ah a rol pei ih a him ding. Khuapi pathum si lo in pakhat lawng a um ahcun mi thattu hrekkhat hrangah cun a hlat tuk dingih phuhlam a duhtu pa in a man dingih a thin a sat lai ah cuih a mawh lo pa cu a that ding. Thungai ih ti ahcun a ral a si lo mipa cu tihrimnak um lo in a rak that pang a si. Curuangah rolnak khuapi pathum ret dingin thu ka lo peknak cu a si.
“Cun Bawipa nan Pathian in nan pipu hnenih thu a rak tiam bangin nan ram cu a kauhter vivo ih ram a zate in nan luah tikah, khuapi dang pathum nan hril lala pei. Ka thupekmi bangtukin ziang hmuahhmuah nan tuah ih Bawipa nan Pathian cu nan duhdawt ih a thuzirhmi vekih nan nun a si ahcun hi ram cu a lo pe thluh ding. 10 Curuangah ka lo fialmi vekin tuah uhla Bawipa ih a lo pek dingmi ram sungah a sual lomi ih thisen a luang lo dingih mawhphurhnak sungin nan luat ding a si.
11 “Cule thuòhimnak ah mi pahnih an ral aw ih pakhat in a ral cu a bawh ih a that hrim ih hi khuapi pakhatkhat ah tlan sehla, 12 cuvek ih thil a um a si ahcun amah ih khua ih hotu pawl in cupa cu an va kai pei ih phulak a duhtu pa hnenah an pek pei ih cupa cun a that pei. 13 Laithat parah zianghman zangfahnak nan nei lo pei. Israel ram sungin laithat pawl ih thisen suahternak cu cem thluh seh; cuticun nan lamzin a tluang ding.”Ref 19:1-13 Jos 20:1-9;
Ramri Lungphun
14 “ Bawipa nan Pathian in a lo pek dingmi ram sungah hlanlaipi ihsin an rak phun cia mi lungphun, na innhnen pa ih ramri lungphun cu va òhawn sak hlah.Ref 19:14 Daan 27:17;
Theihpitu Hrangah Daan
15 “Mi pakhat a mawh a si, tiih sualpuh theinak ding ahcun theihpitu pakhat lawng cu a tawk lo; a mal bik ah pahnih an um a òul a si.Ref 19:15 Mipum 35:30; Daan 17:6; Mat 18:16; 2 Kor 13:1; 1 Tim 5:19; Heb 10:28; 16 Mi pakhat in a dang pakhat kha siatsuahter duh ih sual a puh hrim tikah, 17 an pahnih in Pathian biaknak hmunah puithiam pawl le cutawkih a òuantu thuòhentu pawl hmaiah an ding dingih an thu cu rel a si ding. 18 Thuòhentu pawl in an thu cu fel zet le kim zet in an zingzoi ding; a dik lo thutheitu, a dik lo in sual a puh ih thuphan a si, ti an theih fiang a si ahcun, 19 sualpuh a tuartu pa cun tuarter a duhnak zat in a dik lo thutheitu pa cu a tuarter pei. Cutiin sualpuh hrimnak thil òha lo cu nan rehter pei. 20 Mi hmuahhmuah in a cuih thu cu an theih tikah ralrinnak ah an hmang dingih cuvek thil òha lo cu zohman in an tuah nawn lo ding. 21 Zohman zangfah hlah uh; nunnak ai ah nunnak, mit ai ah mit, ha ai ah ha, kut ai ah kut, ke ai ah ke a si pei.”Ref 19:21 Suah 21:23-25; Pui 24:19, 20; Mat 5:38;