18
Puithiam Pawl Ih Covo
1 “Israel ram sungah cun puithiam phun a simi Levi hrin pawl cun leiram covo an nei lo pei. Bawipa ih hnenah pekmi thawinak le a dangdang an pekmi pawl in an cawm aw ding.
2 Hrin dang pawl vekin leiram comi an nei lo pei. Bawipa ih a tiam hai vekin an covo cu puithiam hnaòuan a si.Ref 18:2 Mipum 18:20;
3 “Zokhal in cawcang, asilole tuu thawinak ih a pek tikah a liang, a kha le a pumpi pawl cu puithiam hnenah a pek pei.
4 Cuih tlunah puithiam pawl in hmaisabik ih lakmi rawl, sabitti, olif siti le tuuhmul pawl an co pei.
5 Nan hrin hmuahhmuah lakah Levi hrin pawl cu Pathian in kumkhua, Bawipa hmin in, a hna òuantu dingah a hrilmi an si.
6 “Levi mi in a duh a si ahcun Israel ram khuitawk khua khalin Pathian biaknak hmunah a ra pei ih,
7 cutawkih Levi mi pawl vekin Bawipa Pathian ih puithiam hna cu a òuan pei.
8 Puithiam dang pawl ih ngahzat in rawl cu a ngah dingih a innsang pawl ih an kuatmi khal a mahte a co thotho pei.
Khawvel Daan Ralrinnak
9 “ Bawipa nan Pathian ih a lo pek dingmi ram nan thlen tikah cutawkih a rak um cia mi miphun pawl ih fihnungza umtlandan pawl cu thlun hlah uh.
10 Biakòheng parih meisa ah nan faale pawl cu thawinak ah pe ve hlah uh; nan minung pawl lakah tinzoh thiam siseh, dawithiam siseh, aizing thiam siseh, pol siseh, Ref 18:10 Suah 22:18; Pui 19:26;
11 miham thiam siseh, mitkher thiam siseh, mithi kawh thiam siseh, cupawl a tuahtu zohman um hlah hai seh.Ref 18:11 Pui 19:31;
12 Cubangtuk fihnungza thil a tuahtu pawl cu Bawipa nan Pathian huatmi an si; curuangah a si hmaiih nan nor deuhdeuh tikah hi miphun pawl a dawisuahnak cu!
13 Bawipa nan Pathian ih rin tlak taktak si dingin um uh.”Ref 18:13 Mat 5:48;
Pathian In Profet A Thlah Ding
14 “Nan luah dingmi ram minung pawl cun dawithiam pawl le aizing thiam pawl ih thu an ngai; asinain Bawipa nan Pathian cun cubangtuk a tuahtu cu a zoh men lo ding.
15 Bawipa nan Pathian cun nanmah ih unau sungin keimah vek profet nanmah ih hrangah a suahter dingih amah ih thu cu nan ngai sawn pei.Ref 18:15 Tirh 3:22; 7:37;
16 Sinai Tlang parih nan tonkhawm awk lai ahkhan Bawipa ih òong cu nan hna ih theihsal nawn lo dingin nan dil; nan hnenih a langnak meisa tleu tla nan zoh ngam lo, ziangahtile kan thi thluh ding nan ti.
17 “Curuangah Bawipa in ka hnenah, “Thil dik zet an dil a si.
18 Anmah lakin nangmah vek profetg 18:18 Profet: timi hi “profet pawl” ti tla a si thei. ka suahter ding. Cuih profet cu a òong dingmi ka sim dingih ka thupekmi hmuahhmuah cu misenpi hnenah a sim òheh ding.
19 Profet pakhatkhat in keimah ih hmin in thu a sim tikah a thu a ngai lotu cu keimah in ka hrem ding.Ref 18:19 Tirh 3:23;
20 Sikhalsehla ka fial lomi thu ka hminih thu a sim a si ahcun a thi ding. Khawzing dangdang pawl hmin in a sim khalle a thi thotho ding,” i ti.
21 “Profet ih thusimmi cu Bawipa ih hnenin a rami a si maw si lo, tiih nan mang a bang caan a um ding.
22 Profet pakhat cu Bawipa ih hmin in thu a sim ih a thusimmi vekih a can suak lo a si ahcun Pathian hnenin a rami thu a si lo ding. Cuih profet cu amah ih palung in thu a sim ruangah nan òih lo pei.”