17
“ Bawipa nan Pathian hnenah raitluang lomi cawcang asilole tuu cu thawinak ah nan pe lo pei; ziangahtile Bawipa nan Pathian ih huatmi a si.
“Thuòhimnak ah nan khuasung ah nunau siseh, mipa siseh, Bawipa ih thupekmi bal tahrat in khawzing dang, asilole ni maw, thlapi maw, arsi pawl maw a biak ih cupawl cu a rian. Cuticun Bawipa ih parah a sual ih a thukamnak a balsiat a si,Ref 17:3 Pui 26:1; ti nan theih a si ahcun fel zet le kim zet in nan zingzoi pei. Cuvek thil òha lo cu Israel mi lakah a um ngaingai a si ahcun, a tuahtu cu hnarleng ah nan suah pei ih lungto in nan deng that pei. Theihpitu pahnih asilole pathum an um ahcun amah cu thah a si pei; asinain theihpitu pakhat lawng a um ahcun thah a si lo pei.Ref 17:6 Mipum 35:30; Daan 19:15; Mat 18:16; 2 Kor 13:1; 1 Tim 5:19; Heb 10:28; A thu theihpitu pawl cun lungto in an deng hmaisabik pei ih cuih hnuah a dang pawl in an deng ve pei; cuticun hi thil borhbah cu nan rehter pei.
“Cun thahawknak thu ah maw, leiram le thilri cuh awk thu ah maw, taksa tuahmawhnak, lukuai hnacat thu ah maw, vei khatkhat cu hi thuòhentu pawl ih an rel thei lomi thu a um ding. Cutikah Pathian ih a hril dingmi biaknak hmunah feh uhla, cuih thu cu Levi mi puithiam le cutawkih an retmi thuòhentu pawl hnenah va thlen uh; anmah in rel hai seh. 10 Anmah in an relcat pei ih an relcat vek rori in nan tuah pei. 11 An thurel catmi cu nan pom pei ih an thusimmi vek rori in nan thlun pei. An relcatmi ihsin vorhlam ah siseh, kehlam ah siseh, nan pial hrimhrim lo pei. 12 Cuih thurel cattu puithiam siseh, asilole thuòhentu siseh, an thu nan ngai lo a si ahcun a ngai lotu cu thah a si pei. Cuticun Israel miphun sungih thil òha lo cu nan cemter pei. 13 Cumi cu misenpi in an theih tikah ralrinnak an nei pei ih cuvek cu an tuah ngam nawn lo ding.”
Siangpahrang Ih Thlun Dingmi
14 “ Bawipa nan Pathian ih a lo pek dingmi ram nan luah ih umhmun nan khuar òheh tikah nan kiangkap ih a ummi miphun pawl vekin siangpahrang neih ve nan duh leh ding.Ref 17:14 1 Sam 8:5; 15 Cutiih nan hun duh ngaingai tikah Bawipa ih a hrilmi kha nan hril thei venak dingah ralring uh. Cuih siangpahrang cu nanmah ih miphun sungin a si ding; ramdangmi cu siangpahrang ah nan tuah lo pei. 16 Siangpahrang cun a ralkap hrangah rang tampi nei hlah seh; rang lei dingah Izipt ram ah mi thlah hlah seh, ziangahtile Bawipa in amah ih minung pawl cu Izipt ram ih vung thlengsal lo dingin thu a pe zo a si.Ref 17:16 2 Siang 10:28; 2 San 1:16; 9:28; 17 Siangpahrang cu nupi tampi nei ding a si lo, ziangahtile Bawipa ih lamzin in a pialter ding. Sui le ngun khawl tahrat in milian si duh hlah seh.Ref 17:17 2 Siang 10:27; 11:1-8; 2 San 1:17; 9:27; 18 Siangpahrang a can tikah Levi mi puithiam pawl in felteih an nganmi Pathian ih thukham le daan pawl khumnak cabu pakhat cu nei seh. 19 Cuih cabu sungih a ummi daan pawl cu fel tein a thlunnak dingah le Bawipa òihzah a thiamnak dingah cabu cu a kiangah re in a nunsung hmuahhmuah siar ringring seh. 20 Cutiih a tuah asile a unau dang Israel mi pawl hnakin ka òha deuh a si, tiah a ruat aw lo dingih Bawipa ih thupekmi ihsin a peeng lo ding. Cule amah le a tefa pawl in Israel ram cu san tampi an uk ding.”