16
Lantak Puai
(Suah 12:1-20)
“ Bawipa nan Pathian cawimawinak ah Lantak puai cu Abib thla ah nan tuah pei; ziangahtile cuih thla sung zankhat zan ah Izipt ram ihsin a lo suah hai a si. Pathian biaknak hmunah feh uhla nan tuu asilole nan caw pakhatkhat Bawipa nan Pathian sunloihnak ah le Lantak Puai rawl hrawmnak hrangah that uh. Hi rawl hrawmnak nan ei tikah thilnu telmi sang nan ei lo pei. Izipt ram ihsin zamrang zet ih suak nan si bangin ni sarih sung thilnu rawi lo sang ei ding nan si. Nan harsatnak a lo theih saltertu ah hi sang cu nan ei pei ih nan nunsung hmuahhmuah ah Izipt ram in nan suah ni cu nan hngilh lo pei. Nan ram sungah zohman in a inn sungah thilnu cu ni sarih sung a ret lo pei. Cule nan puai tuah ni hmaisabik zanlam ih thahmi sa cu a thaizing a thlen hlanah nan ei òheh pei.
“Lantak Puai nan tuah tikih thawinak sa cu Bawipa nan Pathian ih a lo pek dingmi khuasung nan duhnak poh ah that hlah uh. Hmun pakhat, Pathian in a hmin umnak dingih a hrilmi nan biaknak hmun lawngah nan that pei; cule Izipt ram in nan suah tikcu, nitlak zawngte ah nan that pei. Tidai in suang uhla biaknak hmunah cun ei uh; cule a thaizing ah nan inn ciar ah tlung uh. Ni ruk sung thilnu rawi lo sang nan ei pei ih a ni sarihnak ah Bawipa nan Pathian bia dingah pumkhawm uhla cuih ni ahcun zianghman òuan hlah uh.”Ref 16:1-8 Suah 12:1-20; Pui 23:5-8; Mipum 28:16-25;
Rawl Laak Puai
(Suah 34:22; Pui 23:15-21)
“Rawl laak nan thawh ni in siar uhla zarh sarih a kim tikah, 10 rawl laak puai cu tuah uh. Bawipa nan Pathian thangòhatnak ah hi puai cu tuah uhla amah ih thluasuah nan donmi cu nan sianzat, tam a dongtu in tam deuh, mal a dongtu in mal deuh, lungthote in a hnenah nan pek pei. 11  Bawipa ih hmaiah nan fanu nan fapa pawl, nan hnenum nunau mipa pawl, nan khuasung ih a ummi Levi mi pawl le ramdangmi pawl, nupa nei lo farah ngakòah le nuhmei pawl thawn lungawi in um tlang uh. Bawipa nan biaknak hmunah cun lungawite in um uh. 12 Izipt ram ih sal nan rak taan lai kha vun ruat uhla hi thupekmi pawl cu fel tein thlun uh.”Ref 16:9-12 Pui 23:15-21; Mipum 28:26-31;
Puanthlam Puai
(Pui 23:33-43)
13 “Nan rawl nan cil thluh hnu le nan sabit nan rial òheh hnuah Puanthlam Puaif 16:13 Puanthlam Puai: timi hi Izipt ram ihsin Israel mi an suak ih Sinai Nelrawn ramòhing ih an khualtlawn theihsalnak ah khualeng ah an suak ih deu sungah an um òheu. Kum Thar Puai tiah tla an ko. cu ni sarih sung nan tuah pei. 14 Nan khuasung ih a ummi nan fanu nan fapa pawl, nan hnenum nunau mipa pawl, Levi mi pawl le ramdangmi pawl, nupa nei lo farah ngakòah pawl le nuhmei pawl thawn lungawi zet in puai cu nan tuah pei. 15 Pathian nan biaknak hmunah hi puai cu ni sarih sung tuah tahrat in Bawipa nan Pathian cu thangòhat uh. Bawipa in nan lo rawl le nan hnaòuannak ah thluasuah a lo pek ruangah nan lungawi uh.Ref 16:13-15 Pui 23:33-36, 39-43; Mipum 29:12-38;
16 “Nan hrin zate sungih mipa hmuahhmuah cu Bawipa biaknak hmunah kum khat ah vei thum nan ra pei. Lantak Puai, Rawl Laak Puai le Puanthlam Puai ah nan ra pei. Zozo khal laksawng nan keng ciar dingih, 17  Bawipa ih thluasuah tam a dongtu in tam deuh, mal a dongtu in mal deuh, Bawipa nan Pathian hnenah laksawng nan keng ciar pei.”
Dingte Ih Thuòhennak
18 “ Bawipa nan Pathian ih a lo pek dingmi khuapi sungah nan hrin ciar in thuòhentu le a dang upa pawl nan hril ciar pei. Hi thuòhentu pawl in misenpi pawl ih thu cu namnuai cuangmi nei lo in an òhen pei. 19 Dik lo zet le òanbul nei in thu an òhen lo pei; cule nawhthuh tla an lak lo pei, ziangahtile nawhthuh cun mifim le mifel pawl ih mit tiangin a cawtter ih an thuòhenmi cu a sualter òheu.Ref 16:19 Suah 23:6-8; Pui 19:15; 20 Thudik le thuding lawnglawng nan hawl pei; cutiin nan nung asile Bawipa nan Pathian ih a lo pek dingmi ram cu nan luah dingih caan reipi nan nung ding.
21 “ Bawipa nan Pathian hrangih biakòheng nan dawl tikah ziangbangtuk thing hman a kiangkap ah biak dingah nan phun lo pei.Ref 16:21 Suah 34:13; 22 Cule ziangvek lungto hman biak dingah nan phun lo pei; cupawl cu Bawipa ih huat zawng an si.”Ref 16:22 Pui 26:1;