15
Leiba Daih Kum
(Pui 25:1-7)
1 “Cun kum sarihnak a kim tin tein paisa a lo baaktu pawl nan daih pei ih nan ngaidam pei.
2 Nan ngaithiam daan cu hitiin a si pei. Nanmah lakah pakhatkhat in a unau Israel mi hnenah paisa a coih ahcun a ngaithiam pei. Leiba cu a cawh nawn lo pei, ziangahtile Bawipa amah in leiba daih kum tiah a ti zo a si.
3 Ramdangmi ih leiba cu nan cawh pei; asinain nanmah Israel hrin pawl sungih leiba cu nan cawh lo pei.
4 “ Bawipa nan Pathian in a lo pek dingmi ram ahcun thluasuah a lo pe ding. Tuih sun ih ka thupekmi pawl nan thlun ih amah ih thu fel tein nan ngai a si ahcun,
5 nanmah lakah mifarah mizonzai nan um lo ding.
6 A lo tiam zo vekin Bawipa cun a lo thluasuah ding. Miphun tampi hnenah paisa nan coih ding, asinain nanmah cun zo hnen hman in paisa nan cawi lo ding. Miphun tampi nan uk ding, asinain nanmah cu zohman in an lo uk lo ding.
7 “ Bawipa nan Pathian in a lo pek dingmi ram sungih khua pakhatkhat ah nan hrinpi Israel mi a farah ih bom a òul ahcun lungruh tirkfak tahrat in bawm duh lo in um hlah uh.
8 A òulzat in bawm uhla siang zet in coih uh.Ref 15:7, 8 Pui 25:35;
9 Leiba daih kum a nai ruangah bawm duh lo tla in um pang hlah uh. “Kum sarih kum, leiba daih kum a nai zo si!” tiah ruat in na mit tla a kem pang ding. Cuvek ruahnak òha lo cu nan thinlung ah luhter hlah uh. Nan bawm duh lo a si ahcun Bawipa ih hnenah au in a ngen dingih mawh phurtu cu nanmah nan si ding.
10 Siang zet le thatho zet in pe uh, ziangtinkim ah Bawipa in a lo thluasuah ding.
11 Israel mi lakah mifarah mizonzai le bawm òulmi an um ringring ding; cuvek pawl parah cun tirhsiang in um uh, tiah thu ka lo pek a si.”Ref 15:11 Mat 26:11; Mar 14:7; Joh 12:8;
Sal Pawl Zoh Daan
(Suah 21:1-11)
12 “Hebrud 15:12 Hebru: timi hi Israel mi tican a si. mi pakhatkhat mipa siseh, nunau siseh, na hnenah sal cang dingih a zuar aw a si ahcun kum ruk sung a lo rian hnu a kum sarihnak ahcun na luatter hrimhrim pei.
13 Cutiih na thlah tikah kut lawngin na fehter lo pei.
14 Bawipa Pathian ih a lo thluasuahnak thilri tuu le rawl le sabit pawl cu uak nawn in na pek pei.
15 Nanmah tla Izipt ram ah sal nan rak òuan ih Bawipa nan Pathian in a lo luatter kha vun ruat uh; curuangah a si hitiih thu ka lo pek.
16 “Sikhalsehla na salpa, na salnu in luat a duh lo ih nangmah le na innsang pawl a lo duh hai ih na hnenih um a lung a kim zet ko a si ahcun,
17 na inn sangka ah fehpi awla a hna parah vit aw; cuticun a nunsung hmuahhmuah na sal a si pei. Na salnu khal cuti òhiamòhiam in na tuah pei.
18 Na sal na luatter tikah thinhar in um hlah; a ngaingai ti ahcun hlawh phal in na lakmi hnenum ih hlawhhrek lawng ngah in kum ruk sung a lo rian zo a si lo maw? Curuangah lungawite in thlah awla Bawipa na Pathian in na thil tuahmi kipah thluasuahnak a lo pe ding.”Ref 15:12-18 Pui 25:39-46;
Caw Le Tuu Ih Fatir
19 “ Bawipa nan Pathian hrangah nan caw le nan tuu pawl ih fatir a pa cu ret uh, hi caw pawl cu hnaòuannak ah nan hmang lo pei, tuu pawl tla a hmul nan met lo pei.Ref 15:19 Suah 13:12;
20 Kumtinte in cuih caw le tuu sa cu Bawipa ih mithmuh, amah biaknak hmunah nan innsang zate in nan ei pei.
21 Asinan cuih òilva cu kimlonak pakhatkhat a nei ih, a ke a awl, a mit a caw, asilole raitluan lonak pakhatkhat a neih ahcun cumi cu Bawipa ih hnenah thawinak ah nan pe lo pei.
22 Cuvek òilva pawl cu inn ah nan ei sawn pei. Nan zate in mithiang khal, thiang lo khal sakhi sa le zukneng sa nan ei vekin nan ei pei.
23 A thisen cu nan ei lo pei; tidai vekin leilung ah nan thlet pei.”Ref 15:23 Sem 9:4; Pui 7:26, 27; 17:10-14; 19:26; Daan 12:16, 23;