14
Mithi Ngai Daan Òha Lo
“Nannih cu Bawipa nan Pathian ih minung nan si. Curuangah mithi nan ngai tikah nan taksa at hlah uh, nan hmailam sam tla met thluh hlah uh.Ref 14:1 Pui 19:28; 21:5; Leilung parih a ummi miphun hmuahhmuah sungin amah ih minung si dingih a lo hrilmi nan si ruangah nannih cu Bawipa nan Pathian ih miphun nan si.”Ref 14:2 Suah 19:5, 6; Daan 4:20; 7:6; 26:18; Tit 2:14; 1 Pit 2:9;
Eiòha Le Eiòha Lo Ramsa
(Pui 11:1-47)
“ Bawipa in a thiang lo a timi cu nan ei lo pei. Nan ei dingmi ramsa pawl cu caw, tuu, me, sakhi, zatum, zathar le zukneng a phunphun, a tin a òekmi le rawlret òhial pawl an si pei. Asinan ziangvek ramsa khal a tin a òek lomi le rawlret a òhial lomi cu nan ei lo pei. Kalauk, sabek le tlangzubui pawl cu nan ei lo pei. Ramsa thiang lo an si; rawlret an òhial nain an tin a òek lo a si. Voksa nan ei lo pei; sa thiang lo a si. A ketin a òek nain rawlret a òhial lo. Hi ramsa pawl cu nan ei lo pei, an ruak khal nan tham lo pei.
“Òeh le kep a neimi nga cu nan ei pei. 10 Asinan ti sungih a ummi òeh le kep a nei lomi cu nan ei lo pei; sa thiang lo an si.
11 “A thiangmi vate cu nan ei pei. 12-18 Asinan a tanglam vate pawl: Muvanlai, langta, langta lukolh, sumbuh, khaute, khaupi, khaudum, khausia, tlangak, kalauk vate, saam-ar, cenbai, cerhdawt, ngathur, vaca, rih-ar, vasuangtuar le palap pawl cu nan ei lo pei.
19 “Thla a neimi cucik kharbok pawl cu a thiang lomi an si; ei hlah uh. 20 A dang cucik kharbok a thiangmi cu nan ei thei.
21 “Amahte a thimi ramsa hmuahhmuah cu nan ei lo pei. An duh asile nan lakih a ummi ramdangmi pawl in ei hai seh; asilole ramdangmi hnenah nan zuar thei ding. Asinan nannih cu Bawipa nan Pathian ih minung nan si ih miphun thiang nan si.
“Tuufa note asilole mefa note cu a nu ih hnawi in nan suang lo pei.”Ref 14:21 Suah 23:19; 34:26;
Òhenhra Òhenkhat Pek Daan
22 “Kumtinte nan lo le nan hmuan in a suakmi rawl sungin òhenhra ih òhenkhat cu a dang tein nan ret pei. 23 Cule Bawipa nan Pathian in a hril dingmi biaknak hmunah nan feh pei ih òhenhra òhenkhat ih nan pekmi rawl, sabitti, olif siti le nan caw le nan tuu ih fatir nan pekmi pawl cu Bawipa ih hmaika ah nan ei pei. Cuticun a kumkhua in Bawipa nan Pathian òihzah nan thiam pei. 24  Bawipa ih thluasuahnak thawngin nan neihmi rawl le a dangdang pawl òhenhra òhenkhat ih nan pekmi cu biaknak hmunih fehpi dingah a hlat tuk a si ahcun hitiin nan tuah pei: 25 Nan òhenhra òhenkhat cu nan zuar pei ih nan ngahmi paisa thawn biaknak hmun ah nan feh pei. 26 Cutawkah nan duhmi cawsa maw, tuusa maw, sabitti maw, sabit zu maw, nan lei pei ih cutawkah Bawipa nan Pathian ih hmaika ah nan sungte in lungawi zet in nan ei pei. 27 Asinan nan lakih a ummi Levi mi pawl cu covo thilri zianghman an neih lo ruangah nan thlauthla hai lo pei.
28 “Kum thumnak ih òhenhra òhenkhat nan pekmi rawl pawl cu nan khuasung ah nan khawl pei. 29 Hi rawl cu nan khuasung ih a ummi covo thilri a nei lomi Levi mi pawl le ramdangmi pawl, nu le pa nei lo farah ngakòah le nuhmei pawl hrangah a si ding. An duhzat ciar in an ra ei pei. Cubangtuk in tuah uhla Bawipa nan Pathian in nan thil tuahnak tinkim ah a lo thluasuah ding a si.”Ref 14:22-29 Pui 27:30-33; Mipum 18:21;