12
Biaknak Hmun Pakhat
“ Bawipa, nan pipu pawl ih Pathian in a lo pekmi ram nan luah ih cuih ram sungih nan um sung hmuahhmuah ah nan thlun dingmi daan le thukham pawl cu hihi an si. Nan luah dingmi ramsung mi pawl ih an biaknak hmun tlangsang parah siseh, tlangbo le thingpi hnuai khalah siseh, an khawzing biaknak hmun hmuahhmuah cu nan siat thluh pei. An biakòheng pawl bal thluh uh, an biaknak lungphun pawl cu khuai thluh uh. A zarhmi thingphun Asher khawzingnu lem pawl cu ur thluh uhla hi hmun pawl ah an khawzing an biaksal lonak dingah an milem pawl tla cu cektan òheh uh.Ref 12:3 Daan 7:5;
“ Bawipa nan Pathian cu hi miphun pawl ih an khawzing an biak bangtukin bia hlah uh. Bawipa in nan hrin zate ih ram sungin amah umnak ah hmun pakhat a hril dingih cutawkah nan feh pei ih nan biak pei. Cutawkah nan thawinak hmuahhmuah, meiur thawinak, thawinak pawl, òhenhra òhenkhat le nan pekmi dangdang, Bawipa pek dingih nan tiammi laksawng pawl, lungthote ih pekmi thawinak le nan caw le nan tuu pawl ih fatir pawl cu nan pek pei. Cutawkah, Bawipa nan Pathian ih hmaiah rawl nan ei pei; cuticun nan sungte in ziang nan tuah tinkim ah nan lung a awi ding, ziangahtile Bawipa nan Pathian in a lo thluasuah zo a si.
“Cuih tikcu a ra thlen tikah tuih hlanih nan thiltuah vekcun nan tuah nawn lo pei. Atu hlanah cun zokhal in nan duhduh in nan tuah, nan nung; ziangahtile Bawipa nan Pathian ih a lo pekmi, dai teih nan colh theinak ram nan thleng hrih lo. 10 Jordan tiva nan tan tikah Bawipa in ram cu a lo luahter dingih umhmun nan khuar ding. Nan ral pawl kut sungin a lo hum dingih hnangam zet in nan um ding. 11  Bawipa in a hmin umnak dingah le amah nan biaknak dingah hmun pakhat a hril dingih cutawkah cun amah pek dingih ka lo fialmi hmuahhmuah, nan thawinak pawl, mei-ur thawinak le thawinak dangdang, nan òhenhra òhenkhat le nan pekmi dang pawl, nan thukamnak laksawng pawl cu Bawipa ih hnenah nan pek pei. 12 Cule Bawipa ih mithmuh ah nan fanu le nan fapa pawl, nan hnenum pawl le nan khuasung ih a ummi Levi mi pawl thawn lungawite in um uh. Ziangahtile Levi mi pawl cu comi leiram an neih lo ruangah a si.
13 Nan duhnak poh ah thawinak nan pek lo pei; 14  Bawipa in nanmah ih hrin pawl ih ram sungah hmun pakhat a hril dingih cutawkah nan pek pei. Cutawk lawnglawng ah thawinak nan pek pei ih ka thupekmi bangtukin nan tuah thluh pei.
15 “Sikhalsehla khui tawkih nan um khalle nan òilva pawl cu that uhla ei uh. Bawipa ih a lo pek zat in ei uh. Nan zate in mithiang khal, thiang lo khalin ei thluh uh; zukneng sa le sakhi sa nan ei vekin ei uh. 16 Asinan a thisen cu nan ei lo pei. Tidai bangin leilung ah nan thlet pei.Ref 12:16 Sem 9:4; Pui 7:26, 27; 17:10-14; 19:26; Daan 15:23; 17 Nan umnak hmun khuasung poh ah nan òhenhra òhenkhat pekmi rawl, sabitti le olif siti pawl cu nan ei lo pei. Bawipa ih hnenah nan pekmi hmuahhmuah ­nan caw le nan tuu pawl ih fatir, Bawipa ih hnenah nan thukamnak laksawng, lungthote ih pekmi thawinak le thawinak dangdang pawl khal nan ei lo pei. 18 Hi thawinak pekmi pawl cu nanmah le nan faate pawl, nan hnenum pawl le nan khuasung ih ummi Levi mi pawl thawn Bawipa nan Pathian ih mithmuh ah amah biaknak hmun lawnglawngah nan ei pei. Bawipa in ziangtinkim nan tuahnak ah a lo umpi ruangah lungawite in cutawkah cun ei uh. 19 Cule ram sungih nan um sung hmuahhmuah ah Levi mi pawl cu thlauthla hlah uh.
20 “ Bawipa nan Pathian in, a lo tiam vekin nan ram a kauh vivo tikah nan duhnak hmunkipah rawl nan ei thei ko ding. 21 Pathian biaknak hmun a hlat tuk a si ahcun, ka thutiam bangtukin, Bawipa ih a lo pekmi caw le tuu cu that uhla nan duhnak khua le inn ah a sa cu ei uh. 22 Zokhal mithiang siseh, thiang lo khal siseh, zukneng sa le sakhi sa a ei vekin a ei pei. 23 A sa nan ei tikah a thisen cu nan ei hrimhrim lo pei, ziangahtile thisen cu a nunnak a si ih a sa thawn a nunnak cu nan ei cih lo pei. 24 Thisen cu ei hlah uh. Tidai bangtukin leilung ah thlet uh.Ref 12:23, 24 Pui 17:10-14; 25 Thisen nan ei lo a si ahcun Bawipa cu a lung a awi dingih nanmah le nan faate pawl hrangah nan lam a tluang ding. 26 Nan thawinak pawl le Bawipa ih hnenah nan thukamnak laksawng pawl cu Pathian biaknak hmunah nan keng pei. 27 Mei-ur thawinak pawl cu Bawipa biakòheng parah a thisen thawn a sa thawn nan ur òheh pei; remnak thawinak cu biakòheng ah a thisen nan theh pei ih a sa cu nan ei pei. 28 Ka thupekmi hmuahhmuah cu fel tein thlun uhla kumkhua in nanmah le nan tefa pawl ih lam cu a tluang ding, ziangahtile a òha le a dikmi cu nan tuah ding a si ih Bawipa cu a lung nan awiter ding a si.”
Milem Biak Hlah Uh
29 “Ral nan do tikah Bawipa nan Pathian in hi miphun pawl cu a siatsuah dingih an ram cu nan luah ding. 30 Cutiin Bawipa in a siatsuah òheh tikah an khawzing biakdan pawl ih a lo thlem lonak dingah ralring uh; an thu nan cawn ahcun nan hloral ding a si. “Ziangtinso an pathian pawl an biak? Kannih tla anmah vekin kan bia ding,” tiah ti hlah uh. 31 An khawzing an biak vekin Bawipa nan Pathian cu bia hlah uh, ziangahtile an khawzing biakdan cu Bawipa ih duh lo zawng a si ih fihnungza an si. An fanu le an fapa tiangin thawinak ah an pek ih an biakòheng ah an ur that hai a si.
32 “Ka thupekmi hmuahhmuah cu kim tein thlun òheh uh; zianghman bet hlah uh, pakhatte hman hrelh fawn hlah uh.Ref 12:32 Daan 4:2; Thup 22:18, 19;