9
Daniel In A Minung Pawl Hrangah Thla A Cam
1 Ahasuerasd Ahasueras hi Hebru hmin a si; hmin dang Persia hmin a nei ih Xerxes an ti. BC 485-464 ah siangpahrang a si. ih fapa, Media mi Darias in Babilon ram cu a uk.
2 Siangpahrang a òuan kum khatnak ah cabu thianghlim pawl ka siar ih Bawipa in profet Jeremiah hnenih a rak sim cia bangtukin Jerusalem cu kum sawmsarih sung siatsuah in a um ding timi thu cu ka ngaihtuah rero.Ref 9.2 Jer 25:11; 29:10;
3 Bawipa Pathian hnenah thinlung tak tein thla ka cam; rawl ul in, buri hnipuan hruk in vutcam lakah ka to ih ka dil rero.
4 Cuticun Bawipa ka Pathian hnenah thla ka cam ih ka minung pawl ih sualnak tla ka phuang.
A hnenah, “ Bawipa Pathian, nang cu na maksak zet ih ka lo upat ngaingai. Na thukammi parah cun rin tlak zet na si ih a lo duhtu le na thukham a thluntu parah cun a hmunmi duhdawtnak na nei.
5 “Kannih cu kan sual zo, mi sualral kan si ih mawhnak a tuahtu kan si. Kan tuah dingih na thupekmi cu kan hnong ih nangmah in thildik in hmuhmi ihsin kan pial zo.
6 Na hmin in kan siangpahrang pawl, in uktu pawl, kan pupa pawl le kan miphun pumpi hnenah na profet pawl in thu an sim nain a lo riantu pawl ih thu cu kan ngai duh lo.
7 Maw Bawipa, nang cun a dikmi na tuah ringring nain kannih cun kan parah ningzahnak thil lawnglawng kan thlenter. Judea ram le Jerusalem khua, ramhla le ramnai hmunkip ih na òhekdarh mi Israel mi hmuahhmuah kan zate in kan mualpho òheh zo.
8 Kan siangpahrang pawl, in uktu pawl le kan pupa pawl cu ningzak le fihnungza in an rak nung ih, maw Bawipa, na parah kan sual zo.
9 Na parah raltho phun kan si nacingin in ngaithiam ih in zangfah a si.
10 Maw Bawipa kan Pathian, a lo riantu profet pawl hnen ihsin in pekmi na daan pawl bangtukih nung dingah in sim rero nain kan lo ngai duh cuang lo.
11 Israel mi hmuahhmuah in na daan pawl cu kan bal ih na thu kan ngai lo. Cutiin na parih kan sual ruangah na siahhlawh Moses ih Daan sungih a ummi siatcamnak pawl cu kan parah na thlenter a si.
12 Kanmah le in uktu pawl parah ka thlenter ding na timi cu na thlenter ngaingai. Leitlun khua dangdang hnakin Jerusalem cu nasa deuh in na hrem;
13 Moses Daan sungih a ummi hremnak hmuahhmuah cu kan parah na thlenter òheh. Cuti si nacingin, maw Bawipa kan Pathian, kan sualsir in le thudik thlun tahrat in na lungawiter kan tum hrih lo.
14 Bawipa kan Pathian nang cun a dikmi na tuah ringring ruangah le na thu kan ngai duh lo ruangah kanmah hrem ding na tum ih na tumtah vekin in hrem taktak.
15 “Maw Bawipa kan Pathian, na cahnak le na huham na langter ih na minung pawl Izipt ram ihsin na suahter; na huham cu an ciing lai ringring. Kan sual zo, kan mawh tuk zo.
16 A liam cia mi tikcu sungah nangmah cu in òantu na si ringring; curuangah Jerusalem parah na thinheng nawn hram hlah aw. Jerusalem cu na khuapi a si, na tlang thianghlim a si. Kanmah kan sual ruangah le kan pupa pawl in thilsual an rak tuah ruangah a kiangkap ram ih mi hmuahhmuah in Jerusalem le na minung pawl cu an nautat a si.
17 Maw Pathian, ka thlacamnak le ka lo ngennak hi i theih sak hram aw. A siat òheh zomi na Biakinn cu a hlan vekin tungdingsal aw; cuticun Pathian ngaingai na si, ti an lo thei ding.
18 Maw Pathian, in run ngai hram aw. In run zoh awla harnak kan ton zia le na hmin a kengtu khuapi in harsatnak a ton zia hi run hmu hram aw. Thildik kan tuah ruangah si lo in nang cu mi zangfahtu na si ruangah na hnenah thla kan cam.
19 Bawipa, in run thei aw. Bawipa in ngaidam aw. Bawipa in run ngai awla in tuah sak hram aw! Mi hmuahhmuah in Pathian na si zia hi an theihnak dingah rei nawn hlah! Hi khuapi le hi minung pawl hi na ta an si ko,” ka ti.
Gabriel In A Simfiang
20 Ka sualnak le Israel mi pawl sualnak phuangin thla ka cam ringring ih amah ih Biakinn thianghlim cu a hlan vekih a tundin salnak dingah Bawipa ka Pathian cat lo in ka dil a si.
21 Cutiih thla ka cam lai ah ka rak hmuh cia mi Gabriel cu ka umnak hmunah cun a rung zam. Zanlam thawinak pek caan a si.Ref 9.21 Luk 1:19, 26;
22 Gabriel cun ka hnenah, “Daniel, hi thu na theih theinak dingin nangmah bawm dingah ka ra.
23 Pathian hnenih na dil tikah amah in a lo let ko. A lo duhdaw ih cuih thu sim dingah ka ra zo. Langnak na hmuhmi ih tican ka simfiang mi hi òha tein ngai aw.
24 “Sualnak le òhat lonak ihsin na minung pawl le na khuapi an luatnak dingah Pathian in kum sawmsarih ih let sarih a khiah zo. Sualnak cu ngaidam a si ding, dingnak cu kumkhua hrangin hngehter a si ding; cuticun sim cia mi le na hmuhmi pawl cu an ra thleng ngaingai dingih Biakinn thianghlim cu a thar in thianhlimter a sisal ding.
25 Himi hi ciing òha awla ruatfel aw: Jerusalem dinsal dingih thupek tikcu caan ihsin Pathian ih hrilmi hotu a rat hlan lo kum sarih let sarih a liam ding. Jerusalem cu lamzin tum pipi le ruhkulh hnget zetzet thawn dinsal a si dingih kum sawmruk le kum hnih ih let sarih sung a ding ding; asinain hih caan hi harsatnak le buainak caan a si ding.
26 Cuih caan a cem tikah Pathian ih hrilmi hotu cu dik lo zet in an that ding. A cak zetmi ram uktu ih ralkap pawl in khuapi le Biakinn cu an siatsuah òheh ding. Tilik bangin a netnak a ra thleng ding; Pathian ih a timtuah cia mi ral le siatsuahnak an ra thleng ding a si.
27 Cuih ram uktu bawi cun kum sarih hrangin mi tampi thawn lungkimnak cakhen a tuah dingih cuih tikcu ih hrek a cem tikah peknak le thawinak pawl cu a cemter ding. Thil Fihnung Tuksumza cu Biakinn sung hmunsang bik ah ret a si dingih cutawkih a rettupa in Pathian ih tumtahsakmi netnak a ton hlan lo cutawk hmunsang bik ahcun a um ringring ding.Ref 9.27 Dan 11:31; 12:11; Mt. 24:15; Mar 13:14;