7
Daniel In Langnak A Simfiang
Daniel In Sahrang Pali A Hmuhnak
1 Belshazzar in Babilon siangpahrang a òuan, kum khatnak ah keimah Daniel mang ka man ih zan ah hmuhnak ka nei. Ka mang cu ka ngan ih cuih zan ih ka hmuhmi cu,
2 hivekin a si:
Khuazakip in thli a hrang ih tipithuanthum tidai tla a sem ciamco.
3 Tipithuanthum sung cun sahrang tum zetzet pali an hung suak ih pakhat le pakhat an dang ciar.Ref 7.3 Thup 13:1; 17:8;
4 Sahrang pakhatnak cu kiosa a bang, asinain muvanlai vekin thla a nei. Cutiih ka zoh lai ah a thla cu a tlekcat. Cule sahrang cu an cawisang ih milai bangin an dinter. Cuih hnuah milai thinlung an neihter a si.
5 A pahnihnak sahrang cu savom a bang ih a dunglam ke in a ding. A ha in hnakruh pathum a keu ih a hnen ahcun, “Na ei thei zat in ei rero ko aw,” tiah aw pakhat in a ti.
6 Cutiih ka zoh lai ah sahrang dang pakhat a hung suak. Tlavang a bang nain a zaang parah thla pali a nei; a thla cu vate thla vek a si. Lu khal pali a nei. A hmuihmel zoh tikah thunei zet ding a bang.Ref 7.4-6 Thup 13:2;
7 Cumi ka zoh rero lai ah a palinak sahrang a hung suak. Huham nei zet, òihnungza le tuksumza ramsa a si.Ref 7.7 Thup 12:3; 13:1; Thir ha a nei ih an tum zetzet; cuih a thir ha thawn a dehmi pawl cu a òam òheh ih a pal cih hai fawn a si. Sahrang dang vek si lo in hi sahrang cun ki pahra a nei a si.
8 Cutiih a ki pawl ka zoh rero lai ah a ki lakah cun ki fate a hung suak ka hmu. Cuih ki fate cun a hmaisa ki pathum cu a thlong hai. Cuih ki fate cun milai mit a nei ih kaa khal a nei ih puarthau zet in a òong ciamco.Ref 7.8 Thup 13:5, 6;
Kumkhua In A Nungmi A Hmu
9 Cutiih ka zoh rero lai ahcun siangpahrang tohkham pawl an hun ret. Kumkhua ih a nungmi cu tohkham pakhat parah a to. A hnipuan cu vur vekin a rang ih a sam cu tuuhmul vekin a thiangfai. A tohkham cu meisa leng parah a um ih a hlio ciamco;Ref 7.9 Thup 1:14; 20:4;
10 meiling cu tidai luang bangin cutawk cun a suak ciamco. Amah riantu dingah minung a thawng a za in an um ih a hmaiah minung a thawngih thawngin an ding.Ref 7.10 Thup 5:11; 20:22; Thuòhennak cu an thok ih cabu pawl an kau.
11 Cutiih ka zoh lai ah ki fate in tluang a khawn rero le puarthau zet ih a òong rero lai hrih ka thei. Cule ka hmuhhngan ah sahrang palinak an that ih a ruak cu meisa sungah an hlon ih cuticun a cemta.
12 A dang sahrang pawl cu an huham neihmi hmuahhmuah lak sak òheh an si, asinain an nunnak cu caan tawite sung zuah an si.
13 Zan ih langnak ka hmuhmi ahcun minung a bangmi pakhat ka hmu. Mero par in a ra ih kumkhua ih a nungmi hnen ahcun a feh ih a hnenah a thleng.Ref 7.13 Mat 24:30; 26:64; Mar 13:26; 14:62; Luk 21:27; Thup 1:7, 13; 14:14;
14 Cule phunkip, hnamkip le òongkip ih òongtu pawl in amah an rian theinak dingah a hnen ahcun thuneihnak, hminthannak, upatnak le siangpahrang huham hmuahhmuah pek a si. A thuneihnak cu kumkhua in a hmun dingih a uknak a cem dah lo ding.Ref 7.14 Thup 11:15;
A Hmuhmi Fianternak
15 Langnak ka hmuhmi cun ka thin i phangter ih ka thinlung i buaiter.
16 Cutawkih a dingmi pakhat hnenah ka hung feh ih a tican i simfiang dingah ka hung sut. A sullam cu hitiin i sim.
17 Hi sahrang tum zetzet pali cu leilungtlun ih a suak dingmi uknak pali an si.
18 Cule Cungnungbik Pathian ih minung pawl in siangpahrang huham an ngah dingih kumkhua in kumkhua tiang an cota ding,” a ti.Ref 7.18 Thup 22:5;
19 Cule sahrang palinak, sahrang dang thawn a bang aw lomi, òihnungza sahrang, a daar ketin le a thir ha thawn a dehmi hmuahhmuah a bohthlek ih a pal cih rerotu ih thu theih ka duh.
20 A lu parih ki pahra a neihnak, neta ih ki pakhat a hung suahnak le a hung suah ruangih ki pathum an thlongnak thu tla cu theih ka duh. Mit a nei, kaa khal a nei ih puarthau zet in a òong ciamco. A dang hnakin òihnungza bik a si.
21 Cutiih ka zoh lai ah cuih ki cun Pathian ih minung pawl a do ih a neh.Ref 7.21 Thup 13:7;
22 Cule kumkhua ih a nungmi a ra ih Cungnungbik Pathian ih minung pawl òan in thuòhennak a tuah. Pathian minung pawl in siangpahrang thuneihnak an co caan a ra thleng zo.Ref 7.22 Thup 20:4;
23 Cuticun ka hnenah in simfiang a si: “Sahrang palinak cu leilungtlun ih a hung suak dingmi uknak palinak a si dingih uknak dang thawn a bang aw lo ding. Leilung pumpi hi a neh òheh, a siatsuah òheh dingih a pal cih ciamco ding.
24 Ki pahra cu cuih uknak a uktu ding siangpahrang pahra an si. Cule siangpahrang dang pakhat a suak ding; amah cu siangpahrang dang thawn an bang aw lo dingih siangpahrang pathum pawl kha a hlon ding.Ref 7.24 Thup 17:12;
25 Cungnungbik Pathian a relsia dingih Pathian minung pawl a hrem ding. An biaknak daan pawl le puai pawl thleng a tum ding; Pathian minung pawl cu kum thum le a hrek sung a kuthnuai ah a ret ding.Ref 7.25 Thup 12:14; 13:5, 6;
26 Cuih hnuah vancung thuòhennak a rung um dingih a huham le a thuneihnak hmuahhmuah cu lak sak òheh a si ding; siatsuahnak a tong dingih a hloralta ding.
27 Leitlun uknak hmuahhmuah ih huham le maksaknak pawl cu Cungnungbik Pathian ih minung pawl hnenah pek a si ding. An comi siangpahrang huham cu a cem nawn lo dingih leilungtlun mi uktu hmuahhmuah in an rian dingih an upat ding,” a ti.Ref 7.27 Thup 20.4; 22:5;
28 Himi hi thunetnak a si. Ka òih tuk ih ka raam òheh; cuih thu cu ka thinlung sungah ka ret ringring.