5
Belshazzar Puaituahnak
1 Zankhat ah siangpahrang Belshazzar in rawl ei puai tumpi a tuah ih a kuthnuai um bawi le upa pawl thawngkhat a sawm ih hmunkhat ah zu an in tlang.
2 Cutiih zu an in lai ah Belshazzar cun Jerusalem Biakinn ihsin a pa Nebuchadnezzar in sui khuathai le ngun khuathai le kheng pawl a rak lakmi kha rak keng dingin thu a pek. Amah le a bawi upa pawl, a nupi pawl le a nusun pawl in zu an innak ding hrangah a cahmi a si.
3 A cah vek cun hmakhat teah sui khuathai le kheng pawl cu an rak keng ih zu innak ah an hmang.
4 Cuticun sui le ngun, dar le thir, zanthing le lungto tla ih tuahmi khawzing pawl cu an thangòhat ciamco.
5 Rinlopi ah milai kut pakhat a lang ih mei-inn vannak òhuam zawn phar parah cun ca a ngan. Ca a ngan rerotu kut cu siangpahrang in a hmu.
6 Cuve tein a mithmai a raam thluh; a òih ngaingai ih a khuk a òhia ciamco.
7 Cule mitkher thiam pawl, dawithiam pawl le arsi zohthiam pawl ko dingah mi a auh ciamco. An kawhmi pawl cu an ra thleng ih an hnenah siangpahrang in, “Hi canganmi a siar theitu le a sullam i sim theitu cu siangpahrang puan sen in thom a si pei, a hngawng ah hminòhatnak sui òhirual a orh dingih ka uknak sungah thuneihnak lamah pathumnak a si ding,” tiah a ti.
8 Siangpahrang ruahnak petu pawl cu hmaiah an ra suak ih canganmi cu an zoh nain zohman in an siar thei lo; a tican tla siangpahrang a sim theitu zohman an um lo.
9 Siangpahrang Belshazzar cu a van a sang ih a hmai a raam sinsin; A bawi upa pawl khalin ziang tuah ding an thei hrimhrim lo.
10 Siangpahrang le a bawi upa pawl mangbang ih an umnak thawmvang cu siangpahrang nu in a theih tikah rawl einak khaan sungah a ra lut ih, ‘Siangpahrang bawipa, na nunkhua sau hram seh! Hibangtuk in thinhar le hmairaam cun um hram hlah aw.
11 Na ram sungah hin khawzing thianghlim pawl ih thlarau a neitu mi pakhat a um. Na pa siangpahrang a rak si lai ah cupa cun ruahnak dik le theihnak a neih zia kha a langter zo ih a fimnak tla cu khawzing fimnak bangtuk a si. Curuangah na pa siangpahrang Nebuchadnezzar in kutòial zohthiam pawl, mitkher thiam pawl, tinzoh thiam pawl le arsi zohthiam pawl ih hotu ah a tuah a si.
12 Thilti theinak a hleice in a nei; a fim zet ih mang ih tican sim le mangbangza theih theinak le thuthuk sim theinak lam ahcun a thiam ngaingai. Curuangah cupa, siangpahrang in Belteshazzar tiih hmin a sakmi, Daniel cu ko awla amah in a sullam a lo sim thluh ding,” tiah a ti.
Daniel In Canganmi Ih Tican A Sim
13 Zamrang tein Daniel cu siangpahrang hmai ahcun an rak hruai ih siangpahrang in a hnenah, “Daniel na si maw? Judah mi sal ih kaihmi, ka pa siangpahrang in Judah ram ihsin a rak hruaimi Daniel na si maw?
14 Khawzing thianghlim pawl ih thlarau na sungah a um ih thiamnak, theihnak le fimnak na nei tiah ka lo thei.
15 Ruahnak i petu pawl le mitkher thiam pawl hi canganmi siartu dingah le a tican i simtu dingah an rak hruai nain a tican an thei thei hrimhrim lo.
16 A thup aw mi ih a tican a sim thei ih thil thuuk tla a sim thei tiah ka lo thei zo. Hi canganmi hi na siar thei ih a tican i sim thei ngaingai a si ahcun siangpahrang puan sen in thom na si ding, hminòhatnak suiòhi na hngawng ah orh na si dingih hi ramsung thuneihnak lamah pathumnak na si ding,” tiah a ti.
17 Cutikah Daniel in, “Na laksawng cu na hrangah re ko aw, asilole midang pe aw. Siangpahrang bawipa na hrangah hi canganmi cu ka siar dingih a tican ka lo sim ding.
18 “Cungnungbik Pathian in na pa Nebuchadnezzar cu siangpahrang tum zet ah a tuah ih huham a neihter ih mi nasa a siter.
19 A nasa tuk ih phunkip, hnamkip le òongkip a òongmi in an òih ih an khur ciamco. Mi pakhatkhat thah a duh ahcun a that mai, nunter a duh ahcun a nunter mai. A duhduh in mi cu hminòhatnak a pek ih mualpho khalin a tuah a si.
20 Sikhalsehla cutiih puarthau in, thinlungruh in le zangfah thinpemnak zianghman nei lo ih a um ruangah cun a siangpahrang tohkham cu lon a si ih upatnak dinhmun cu a sung a si.
21 Minung umnak khua le ram in dawihlo a si ih a thinlung cu ramsa thinlung vekah a cang. Hramlak laak lakah a um ih cawcang vekin hrampi a ei ih, humtu le phentu zianghman nei lo in lenkolh ah a it ih dai in a tlak. Netabik ah Cungnungbik Pathian in minung ram uknak tlunah thu a nei ih cuih ram uknak cu a duhmi hnenah a pek thei a si, ti kha a run thei ngah.
22 “Sikhalsehla cuih thu pawl cu nang a fapa hin na thei òheh nain na thinlung a neem cuang lo.
23 Vancung Bawipa dodal in hna na òuan ih Biakinn ihsin lakmi khuathai le kheng pawl hinah na keng òheh. Nangmah le na tlangsuak pawl, na nupi pawl le na nusun pawl in cuih khuathai thawn zu nan in ih sui le ngun, dar le thir, zanthing le lungto thawn tuahmi khawzing pawl nan thangòhat ciamco. Khua a hmu thei lomi khuavang, zianghman thu a thei thei lo le zianghman theihnak a nei lomi khawzing cu nan cawimawi ciamco. Nan nunnak le nan thihnak tlunih laireltu, na tuahmi hmuahhmuah tlunih thuneitu Pathian sawn cu upatnak zianghman nan pe lo.
24 Curuangah hi thu pawl ngantu dingah kut a rak kuatnak cu a si.
25 “A nganmi cu, ‘Mene, mene, tekel upharsin,’ ti a si.a Mene, mene, tekel, parsin timi hi Aram òong (Aramaik) a si ih a tican phundang deuh khal a si thei, tiin zumnak a um. ‘Mene’ timi hi ‘siar’ ti a si thei, asilole ‘mina’ tinak khal a si thei ih ‘mina’ cu an paisa a si ih a man cu shekel 50 tluk a si; ‘tekel’ timi hi ‘cuai thlai’ ti a si thei, asilole ‘shekel’ ti a si thei ih ‘shekel’ cu an cuaithlainak a rih lam a si; cule ‘u-pharsin’ timi hi (òhenòheknak) ti a si thei; asilole ‘Persia’ tinak a si thei ih Persia ram thawn a pehpar aw mi a si.
26 A tican cu a tanglam bangtukin a si: ‘Mene,’ ti cu ‘siar’ tinak a si ih na ram uknak hi Pathian in a ni a siar zo ih a cemter cing ding, tinak a si.
27 ‘Tekel,’ ti cu ‘cuai thlai’ tinak a si ih thlai na si tikah cuai na kim lo tinak a si.
28 ‘Upharsin,’ ti cu ‘Òhen’ tinak a si ih na ram uknak hi òhenòhek thluh a si ih Media mi le Persia mi hnenah pek a si, tinak a si,” tiah a ti.
29 Hmakhat teah Belshazzar in Daniel kha siangpahrang puan sen hruh dingah le a hngawng ih suiòhi orh dingah a hnaòuantu pawl thu a pek. Cutiin a uknak ih thuneitu bik pathumnak ah a tuah.Ref 5.29 Sem 41:42;
30 Cuih zan rori ah Babilon siangpahrang Belshazzar cu an that ih,
31 kum sawmruk le kum hnih a timi Media mi Darias in Babilon ram cu a lak a si.b Media me Darias timi hi Media ram thuanthu sungah siseh, khuitawk cabu sung khalah a hmin a um dah lo; a hmin hi phundang in an ngan ih ‘Gubaru’ timi a si pei maw? tiah ruahnak a um. ‘Gubaru’ cu Babilon Canganmi sungah a hmin a um ih ‘Babilon ram-uktu’ tiin Sairas thupeknak in nganmi a um.