12
Tikcu Netnak
1 Puan hmangfeem ih tuahmi hnipuan a hruktu vancungmi in, “Cuih caan ah na minung pawl a kilvengtu vancungmi maksak Mikhael a lang ding. Hi miphun pawl hnenah an thawhkeh ihsin an ton dah lomi harsatnak nasa zet a thleng ding. Cuih tikcu a kim tikah Pathian cabu sungih hmin nganmi na miphun pawl cu runsuak an si ding.Ref 12.1 Mat 24:21; Mar 13:19; Thup 7:14; 12:7; Thup 12:7;
2 A thi zomi minung tampi an nungsal ding; mi òhenkhat cu kumkhua nunnak an co dingih òhenkhat cu kumkhua ningzahnak an tuar ding.Ref 12.2 Mat 25:46; Joh 5:29;
3 Hotu fim pawl cu van ih tleunak hmuahhmuah thawn an tleu ding. A dikmi tuah dingah mitampi a zirhtu pawl cu arsi bangin kumkhua in an tleu ding,” a ti.
4 Cule ka hnenah, “Daniel, atu ah cabu cu khup awla leilung a cem hlan lo cu zohman ih on lo dingin a parah tacik khen aw. Minung tampi in thil a cangmi pawl ih tican theih an tum rero ding nain an zuamnak cu alak a si òheh ding,” tiah i ti.Ref 12.4 Thup 22:10;
5 Cuih hnuah tivakap ah mi pahnih an din ka hmu; kap khat ah pakhat fingfing an ding.
6 Cuih mi pakhat in tiva tlunlam ih a dingtu vancungmi hnenah, “Hivek khawruahhar thil pawl a cem hlanah tikcu ziangtlukso a um hrih ding?” tiah a sut.
7 Vancungmi cun a kut pahnih van lamah thlir in Kumkhua Pathian hmin saal in thukamnak a tuah ih, “Kum thum le a hrek a um ding. Pathian minung pawl hremnak a cem tikah hi thil hmuahhmuah cu a kim òheh ding a si,” a timi ka thei.Ref 12.7 Thup 10:5; 12:14;
8 Cutiih a timi cu ka thei nain a tican ka thei thei lo. Curuangah, “Bawipa, ziangvekin so a cemnetnak a si ding?” tiah ka sutsal.
9 Cutikah anih in, “Daniel, atu ah feh aw, ziangahtile hi thu pawl cu tikcu netnak a thlen hlan lo zohman ih theih lo dingin thuh ih tacik khenmi a si ding.
10 Mi tampi cu thianternak an ngah ding. Miòha lo pawl cun an thei thei lo dingih an òha lo vivo ko ding; asinain mifim pawl cun an thei thei ding.Ref 12.10 Thup 22:11;
11 “Nitin thawinak an bansan, cumi cu Fihnung Tuksumza an tuah thok ihsin, ni thawngkhat le zahnih le sawmkua a liam ding.Ref 12.11 Dan 9:27; 11:31; Mat 24:15; Mar 13:14;
12 Ni thawngkhat zathum sawmthum le ni nga a cem hlan lo rin tlak zet ih a nungtu pawl cu mi lungawi an si!
13 “Cule nang Daniel, a net tiang rin tlak zet in um aw. Leitlun na nunnak cu a cem ding, asinain tikcu netnak ahcun laksawng co dingin na thosal ding,” tiah i ti.