4
1 Bawi pawl, nan sal pawl kha dik le mawi in zoh uh. Nanmah tla vancung ah Bawi nan neih ve kha hngilh hlah uh.Ref 4.1 Efe 6:9
Zirhawknak
2 Taimak in thlacam uh; thla nan cam tikah, Pathian hnenih lungawi thu sim phahin thinlung fim tein cam uh.
3 Cuti nan cam tikah Khrih thuthup phuan theinak caan òha Pathian hnen ihsin kan ngah theinak dingah kannih hrang tla ah in cam sak ve uh. Atu thawng sungih ka umnak khal hi cuih thu ka phuan ruangah a si.
4 Curuangah Khrih Thuthang ka phuan tikah fiangzet in le ka sim ding hrimhrim a simi vekih ka phuan theinak dingah thla in cam sak uh.
5 Zumtu a si lomi lakah fimvartein tlangleng uhla caan òha nan neihmi poh kha man nei zet in hmang uh.Ref 4.5 Efe 5:16;
6 Nan òongkam cu ngainuam zet le a mawimi sisehla, mi kipih thusuhmi cu felfai zet ih let thei dingah zuam uh.
Netabik Cibai Buknak
7 Kan duhdawtmi kan unau Taikhikas in ka thuhla hmuahhmuah cu a lo sim ding. Amah cu Bawipa ih hnaòuannak ah kan hnaòuanpi a si ih rinsan tlak zetmi a si.Ref 4.7 Tirh 20:4; 2 Tim 4:12;
8 Curuangah nanmah tha petu dingah le ziang bangtukin kan umtlandan a si, ti a lo simtu dingah nan hnenah ka rak thlah a si.Ref 4.8 Efe 6:21-22;
9 Amah thawn hmunkhat ah Onesimas khal a ra ve. Onesimas cu kan duhdawtmi le kan rinsanmi kan unau, nan lakih sungtel a si. Hitawkih thil a cangmi hmuahhmuah cu anmah in an lo sim ding.Ref 4.9 File10-12;
10 Keimah thawn thawng ih a tla vemi Aristarkas in cibai a lo buk; Barnabas tupa Marka khalin cibai a lo buk ve a si. (Marka nan hnen a ra thlen le òha tein rak cohlang uh, ti cu thuthannak nan ngah zo.)Ref 4.10 Tirh 19:29, 27:2; File 24; Tirh 12:12, 25, 13:13, 15:37-39;
11 Justus ti khalih kawhmi Joshua in cibai a lo buk ve. Hi te pathum hi ka hnaòuanpi Judah mi Khrih zumtu an si ih Pathian ram hrangih ka hnaòuanpi, i bawmtu bik an si.
12 Epafras in cibai a lo buk. Amah cu nan pawl sungtel a si ih Khrih Jesuh riantu a si. A thinlung tak tein nan hrangah thla a cam ringring ih hnget zet ih nan din theinak dingah, Khristian lamah pitling nan sinak dingah, nan zumnak thu nan theih fiang theinak dingah le a thu famkimih nan thlun theinak dingah Pathian hnenah a dil òheu a si.Ref 4.12 Kol 1:7; File 23;
13 Harsazet in nan hrangah siseh, Laodisia le Hierapolis khua mi pawl hrang tla ah siseh, hna a òuannak cu pumpak rori in a theihpitu ka si.
14 Kan duhdawtmi sibawi Luka le Demas khalin cibai an lo buk a si.Ref 4.14 2 Tim 4:10, 11; File 24;
15 Laodisia ih a ummi kan unau pawl le Nimfae 4:15 Grik in nganmi Kolose cakuat a hrekin Nimfa cu “ nunau,” an ti, a dang cakuat in “ mipa,” in an sim. le a inn ih a khawmmi Khristian pawl khal cibai kan buk a si; in rak sim sak uh.
16 Hi cakuat nan siar òheh hnuah Laodisia kawhhran khalin rak siar tengteng dingin rak tawlrel uh. Cule Laodisia ih kan unau pawl in kan cakuatmi an lo kuat sin ve dingih nannih khalin cumi cu rak siar ve uh.
17 Cule Arkhipas kha, “ Bawipa ih hnaòuan an lo thiahmi cu òuansuak tengteng dingin tum aw,” tiah rak sim uh.Ref 4.17 File 2;
18 Paul in cibai ka lo buk a si tihi keimah kut rori in ka nganmi a si. In òemòawnnak thir cikcin hi hngilh hlah uh!
Pathian zangfahnak nan parah um hram seh.