2
1 Nanmah hrangah siseh, Laodisia mi pawl hrangah siseh, pumpak in i thei lotu midang pawl hrangah siseh, ziangtlukin hnaòuan khung ka òuan ti kha nan theih dingah ka duh.
2 Hibangtuk in ka òuan sannak cu zozo khal ralòhatnak in an khah ih duhdawtnak in pakhat le pakhat an komkhawm aw ih cuticun theihnak dik ruangih co ngahmi lunghmui hnangamnak cu famkim zet ih an co theinak dingah ka duhmi a si. Cutiin asile Pathian ih thuthup a simi Khrih amah cu an thei ngah ding.b 2:2 * Pathian ih thuthup a simi Khrih timi hi kutngan cabu hrekkhat ahcun Pathian ih thuthup ti lawngin a um; cule a dang ah cun Khrih ih Pa Pathian thuthup ti tla in a um; a dang lala ahcun Pa Pathian le Khrih ih thuthup ti tla in a um.
3 Khrih cu hlawnthil sunglawi bangin thuhmi le khummi Pathian ih fimnak le theihnak hmuahhmuah on theinak tawhfung bangtuk a si.
4 Curuangah ka lo sim duhmi cu: Ziangtlukih thuòha a bang khalle, a diklomi thu elnak thawn zohman in lo bum hlah hai seh, tihi a si.
5 Ziangahtile ka ruangpum cun hmundang ah um hman ningla ka thlarau cun ka lo umpi hai a si; cule Khrih sungih rinsannak nan neihmi cu hmunkhat ah hnget zet in nan dintlang ka hmuh tikah ka lung a awi zet.
Khrih Sungah Nunnak Famkim
6 Khrih Jesuh cu kan Bawipa a si tiih nan pom ngah zo ruangah amah thawn pehzom aw in nung uh.
7 Amah sungah nan hram cu thuuk zet in bun uhla nan nunnak cu amah parah inn bangin sak uh; zirh zomi nan si vekin nan zumnak ahcun cak sinsin uh; cule lungawinak in khat uh.
8 Ralring uh! Minung fimnak, zianghman santlaihnak nei lo, pakhat le pakhat bumawknak fimnak hmang tahrat in zohman in sal ah lo tuah hlah hai seh. Cubangtuk fimnak cu Khrih hnen ihsin a rami a si lo; minung zirhnak in siseh, vantlolak le lei karlak ih uktu thlarau siava pawl ih thuhla zirhnak in siseh, a rami a si.
9 Ziangahtile Pathian sinak cu Khrih a minung sinak sungah famkim zet in a um ih,
10 amah thawn nan pehzom awknak ruangah nunnak famkim nan hnenah pek a si zo. Khrih cu thlarau uktu hmuahhmuah le thuneitu hmuahhmuah tlunah cungnungbik Bawi a si.
11 Khrih thawn nan pehzom awknak ruangah serhtanmi nan si; cuih serhtannak cu minung tuahmi a si lo, Khrih ih tuahmi a si ih sualhiar tisa cahnak sung ihsin luat khi a si.
12 Ziangahtile baptisma nan ngah tikah Khrih thawn a thihnak sungah phum nan rak si bangtukin thihnak ihsin a thawhtertu Pathian ih huham nan rinnak ruangah nannih cu Khrih thawn thawhtermi nan si ve.Ref 2.12 Rom 6:4;
13 Hlanlai ah nan sualnak ruangah le Daan lengih a ummi Zentail mi nan si ruangah thlarau lam ahcun mithi nan rak si. Sikhalsehla atu cun Khrih thawn hmunkhat ah Pathian in a lo nungter zo. Pathian in kan sualmawhnak hmuahhmuah cu in ngaidam zo a si.Ref 2.13 Efe 2:1-5;
14 Kan sual leiba ngannak cazin cu a sungih ummi, mi a òemòawntu daanterek pawl thawn thinglamtah parah khen cih tahrat in a phiatfai òheh zo.Ref 2.14 Efe 2:15;
15 Cule thlarau uktu pawl ih huham le cahnak tla cu thinglamtah ihsin a siatbal òheh ih mi hmuahhmuah hmuh dingah ralkaihmi sal senpi hmaiih an hruai òheu bangin a hruai hai a si.
16 Cutin a si ruangah zohman in, in le ei thu ah siseh, ulh ding nithiang thu le thlathar puai thu ah le Sabbath thu ah siseh, daan lo tuah sak hlah hai seh.Ref 2.16 Rom 14:1-6;
17 Cubangtuk thlun ding le thlun lo ding timi pawl cu a ra thleng leh dingmi ih thlam lawng an si. A taktak cu Khrih lawng a si.
18 Hmuhnak hleice ka nei ti tahrat in midang hnakin a hleice cuangih a ruat aw mi pawl in siseh, mi hmuhnak lawngah mi hnakin tangdor cuang vekih a ti awtertu pawl le vancungmi a betu pawl in siseh, zohman in mawh lo phurh hlah hai seh. Cubangtuk mi cu zianghman sullam nei cuca lo in minung ruahnak men in thu an ruat ih an porhaw a si.
19 Cuticun taksa ruangpi bangtuk a simi kawhhran ih lu Khrih cu hngauhsan nawn lo in a colhsan. Lu a simi Khrih hnen ihsin ruangpum cu nunnak rawl a ngah ih hlikhlok le thahri pawl in an kaikhawm. Cutiin ruangpum cu Pathian duhnak vekin a òhang a si.Ref 2.19 Efe 4:16;
Khrih Thawn Thitlang, Nungtlang Ding
20 Khrih a thih tikah nannih khal nan thi ve; curuangah vantlolak le leikhawvel uktu thlarau pawl kut sungin nan luat zo. Cuti si nacing in ziangahso hi leitlun khawvelmi bangin nan nun lai hrih?
21 Daanterek in, “Tham hlah,” “Tep hlah,” “Dai hlah,” a timi pawl cu ziangahso thlun nan duh hrih?
22 Hi daanterek pawl cu vei khat ti suak ngah hnu ahcun san a tlai nawn lomi thil pawl an si. Milai ih tuahcopmi daan le zirhnak lawng an si.
23 Vancungmi biak a òul an ti awknak le mi hmuhnak lawngah tangdor cuang vekin an umnak ah le anmah ih taksa lala an hremawknak ahcun hi daanterek pawl cu mifim daan a bang ngai men ding. Sikhalsehla taksa hiarnak neh theinak taktak ahcun zianghman òhathnemnak an nei lo.