8
Khristian Thawhlawm
1 U le nau pawl, Masidonia peng kawhhran pawl lakah Pathian ih zangfahnak in thil a tuahsuakmi pawl hi nan theih ve dingah kan duh zet.Ref 8.1-4 Rom 15:26;
2 Harsatnak a phunphun an tong ih hniksaknak an tuar nasa; sikhalsehla lungawinak an neihmi hi a rak nasa ve ih anmah cu an farah zet nain siang zet in thawhlawm an pek.
3 An pek thei zat tiang an pe a si tihi nan hnenih ka sim duhmi a si; an pek thei dingmi ih tlun hman an pe hrih lai a si.
4 Judea pengih Pathian mi pawl bomnak òuanvo in zem ve uh tiah anmah ih palung in, in ra dil.
5 Himi hi kan thinlung hman in kan ruah ban lomi a si. A hmaisa ah Pathian hnenah an pum an pe aw; cule Pathian lungkimnak in kan hnen khalah an pe aw.
6 Curuangah hnaòuan a rak thoktu Titas hi a hnaòuan pehzom dingah le hih duhdawtnak hna hi pehzom ih òhehsuak dingah kan fial a si.
7 Nannih cu zumnak, thusimnak, theihnak, midang bom duhnak le kanmah in duhdawtnak pawlah nan lian ngaingai a si. Curuangah hi duhdawtnak hnaòuan khalah hin mi nan hleih dingah kan lo duh sak a si.
8 Nan hrangah daan thlun ding ka tuahmi zianghman a um lo. Mi nan duhdawtnak ziangvek teu so a si, ti theih duh ah midang ih mibom an duh zia ka lo hmuhsaknak a si.
9 Kan Bawipa Jesuh Khrih ih mi a zangfah zia cu nan thei: Amah cu a lian zet nain nanmah ih ruangah mifarah ah a cang; cuticun a farahnak thawngin milian ih nan cannak dingah a si.
10 Kan dung kum ih nan rak thokmi òuanvo hi atu ah òheh uhla a òha tiah ka ruahnak a si. Hi hnaòuannak ahhin a òuan lawngah si lo in a òuan duhnak khalah a hmaisabik nan si.
11 Nan hnaòuan cu cawl lo in òuan uhla òheh uh. A hramthok ih nan hngakhlap zet vekin a òheh lam khalah thinlung hiar zet in nan hnaòuan cu òheh tum uh; nan neihmi poh pek uh.
12 Siannak thinlung nan neih ahcun nan pekmi Pathian in a co ding; Pathian in nan neih lomi a lo dil lo.
13-14 Midang bomnak pek duh ruangah nan parih thilrit suan ka tum lo. Asinan tulaifang ahcun neinungin nan um ruangah a farahmi pawl nan bom ding cu a mawi paam lo maw? Cule nannih nan farah pang ih annih an lian asile an lo bawm leh ve thung ding. Cutiin bangran ih cohlanmi nan si ding.
15 Ca Thianghlim sung khalah, “Tampi a khawmtu in tam tuk a nei lem lo; malte a khawmtu in maltuk a nei cuang lo,” tiah a um.Ref 8.15 Suah16:18;
Titas Le A Rualpi
16 Nanmah bawm ding kan hiar vekin Titas khal nanmah bawm dingah a hiar zet ve ih Pathian hnenah kan lung a awi ngaingai.
17 Kan fialmi a lung a kim lawng si lo in a lo bom ding cu a hiar tuk ih amah ih palung in nan hnen ra thleng dingin a ruat aw zo.
18 Amah thawn hmunkhat ah kawhhran kipin a Thuthang phuannak ah an hmaizah zetmi kan unau pakhat kan rak thlah cih ding.
19 Culawng si lo in amah cu Bawipa ih sunlawinak hrangih mi zawnruahnak hna kan òuannak ah le a bom kan lo duhnak kan langternak ah kanmah thawn khual tlawng tlang dingah amah cu Khristian mi pawl in an hrilmi le hnaòuan an thiahmi a si.
20 Hibangtuk siang zet ih pekmi laksawng kan tawlrelnak ahhin soiselnak zianghman um pang lo dingin kan ralring zet a si.
21 Kan tumtahmi cu Bawipa ih mithmuh lawngah si lo in milai mithmuh khalah thildik tuah ding kha a si.Ref 8.21 Thuf 3:4;
22 Cule anmah thawn kan unau dang pakhat khal kan thlah cih. Amah cu vei tam zet kan hniksak zo ih mi bom a duh zet ti kan hmu. Atu tla cu nan parah rinsannak a nei ngaingai ih lo bom ding cu a hiar sinsin.
23 Titas kan tile kan hnaòuanpi a si ih nanmah bawm dingah kan òuan tlang ringring; amah thawn kan thlah tlangmi kan unau pawl khal kawhhran ai awhtu an si ih Khrih hnenah sunlawinak thlentertu an si.
24 An parah nan duhdawtnak rak langter uh; cule kawhhran pawl in cuih thu cu an thei fiang dingih nan hrangih kan porhawknak khal hi thudik a si tiin an thei ding.