12
Paul In Langnak A Hmuhmi
Zianghman òhathnemnak a um lo khalle ka porh awk a òul. Sikhalsehla atu cu Bawipa ih i pekmi langnak le thuphuan thu pawl ka sim ding. Kan dung kum hleili lai ah ka theihmi Khristian pakhat cu van dot thumnak ah cawi in a um. (A ruangpum rori in a si maw, si lo ti ka thei lo; Pathian lawng in a thei.) 3-4 Ka nolhsal ding; himi pa cu Paradis ah cawi a si, ti ka thei. (Ka ti zo bangin, a taksa in a cang ngaingai maw, langnak a ngahmi a si maw, ka thei lo; Pathian lawng in a thei.) Cutawkah cupa cun minung ih sim le rel theih lomi le simrel siansak lomi thu a thei. Curuangah hi pa ih thuah ka porh aw ding; ka derdainak langtertu thil dah tilo keimah ih thu ahcun ka porh aw lo ding. Ka va porh awk ngaingai hmanah mi-aa ka si lem lo ding, ziangahtile thudik ka sim ding ruangah a si. Asinan ka porh aw lo ding, ziangahtile ka tuahmi a hmutu le ka òongmi a theitu in ka sinak taktak an theihmi hnakih sang deuh in zokhal ih in zoh ding kha ka duh lo.
Sikhalsehla khawruahharza thil tampi ka hmuh ruangah ka puarthau lonak dingah ka taksa sungah hling i pek. Cuih hling cu Satan palai bangin hna a òuan ih ka puarthau lonak dingah i vuaktu le i khawngtu a si. Veithum tiang Bawipa ih hnenah thla ka cam ih hi thil hi hlonhlo dingin ka dil. Asinan i run let ih, “Ka zangfahnak cu na hrangah a tawk a si; ziangahtile na òonòaih caan hi ka cah bik caan a si,” a ti. Curuangah Khrih cahnak le humhimnak cu ka hnenih a umnak dingah ka òonòaihnak khalah hin hmaihngal zet in ka lung a awi. 10 Cuticun Khrih ruangah ka òonòaih tikah siseh, hmuhsuam nautatnak, mangbang vansannak, hremnak le harsatnak ah siseh, lungkim zet in ka um thei zo. Ziangahtile ka òonòaih caan hi ka cah laitak a si.
Paul In An Zawn A Ruahnak
11 Mi-aa nundan in ka nung; nanmah in cutiih nung dingin in tuah a si! Ka parih lungkimnak a langtertu ding cu nanmah nan si. Zianghman ka va si lo hmanah, “Tirhthlahmi hleice,” pawl hnak cun malte hman ka niam cuang lo. 12 Thinsaunak thawn nanmah lakah khawruahhar le hmuhsaknak mak tampi ka tuah ih cumi cun tirhthlah taktak ka si kha an langter. 13 Kawhhran dang pawl hnakin ziang vekin so sia cuangin ka lo tuah? Paisa bomnak dilin ka lo hnaihnok lo lawng hi a si ko lo maw? Ka palhnak hi in ngaidam hram uh.
14 Atu hi nanmah lo tlawn ka tum a vei thumnak a si, zianghman ka lo dil lo ding. Ka duhmi cu nan paisa a si lo, nanmah nan si. Thungai ti ahcun faale in mah ih nu le pa cu cawm ding a si lem cuang lo; nu le pa sawn in faale cu cawm ding a si. 15 Nanmah bomnak ahhin ka neihmi hmuahhmuah le ka taksapum hi hman òheh ka duh. Hibangtuk ih ka lo duhdawt zet ruangah in ngaih lo sawn ding maw?
16 Nan hrangah thilrit ka si lo ti cu nanmah khalin a dik nan ti ko ding. Asinan mi òhenkhat in, mi depde a si, bumnak thang in, in awk, nan ti. 17 Cucu ziangtinso a si thiam? Nan hnenih palai ka thlahmi pawl kha bumnak thawn hlawknak hawl duhih ka hmanmi an si maw? 18 Titas cu nanmah ra tlawng dingin ka dil ih amah thawn feh tlang dingah kan Khristian unau pakhat tla ka thlah. Titas in amah ih hlawknak ah in hmang nan ti ding maw? Amah le keimah cu thinlung khat nei in hna kan òuantlang ih kan nundan tla a bang aw, a si sawn lo maw?
19 Nan hmaiah hin kan sinak òan in a òong ringringtu kan bang thei men. Cumi cu a dik lo! Pathian ih mithmuh ah Khrih in òongter in duhsakmi kha kan òong a si. Ka duhdawtmi u le nau, ziang hmuahhmuah kan tuahmi hi nanmah bomnak hlirih kan tuahmi an si. 20 Asinan nan hnen ka thlen tikah cuvek si hai sehla ti ka saduhthah mi vek nan si lo pang ding tihi ka phang ih, kei khal cuvek sisehla ti in duh sak vekin ka si lo pang ding ti khal ka phang zet ve. Nan lakah tawhawknak, iksiknak, thintawinak, mah ih zawnruahnak, hmuhsuamnak le relsiatawknak, puarthaunak le buai rurinak thawn um in ka lo hmu pang ding tihi ka phang a si. 21 Nan hnen ka ra thlensal tikah hin ka Pathian in nan mithmuh ah ningzak in i tuah ding ti ka phang; cutin kan dunglam caan ih sualnak a tuahtu pawl, thil borhbah a phunphun, tisa hiarnak le nu pa sualnak an tuahmi sirawknak an neih lo ruangah ka òap rero ding ti ka phang a si.