10
Paul In A Hnaòuannak Thu A Òannak
1 Hmun khatih kan um tlang tikah cun a nun a òha, a òongkam a neem in tiih kan òhen awk hnu ahcun a ti remrem tuk aw, in timi keimah Paul in Khrih zangfahnak le nunneemnak thinlung thawn,
2 ka lo dil hai: Nan hnen ka thlen tikah ti remrem ih ka um ding òul in um hram hlah uh. Ziangahtile an hnaòuannak hi leilung duhhamnak thinlung thawn an òuan ko lo maw, in titu pawl hnen ahcun hak remrem in ka ti thei ve hai a si.
3 Leilung parah a ummi kan si taktak ko; sikhalsehla leilung duhnak thinlung thawn ral kan do lo.
4 Raldonak ih kan hmanmi cu leilung hriamnam an si lo; a cak zetmi Pathian ih hriamnam sawn an si ih ral hauhruang khoh zetzet siatbalnak ih kan hmanmi hriamnam an si. A dik lo ih thu elawknak cu kan siatsuah òheh,
5 Pathian kan theihnak dingah puarthaunak thawn an dawlmi khamtu hmuahhmuah kan bal òheh; minung ih ruahnak cu sal bangin kan kai ih Khrih thu ngaitu ah kan canter.
6 Khrih thu ngaitu nan sinak famkim zet ih nan langter hnuah thu ngai lo pawl cu kan hrem thei ding.
7 Nannih cun thil khi a lenglam hmuihmel lawngin nan zoh. Zotal in cutawkah kei cu Khrih ta ka si tiah a phuangtu an um maw? Cubangtuk an um asile anmahte ruat awta hai seh; ziangahtile Khrih ta a si tluk in kannih khal kan si ve.
8 Bawipa ih i pekmi thuneihnak cu a luan deuhin ka porhawknak ih ka hman khalle ka ning a zak lo; cuih thuneihnak cu nanmah siatbalnak hrangah a si lo, nanmah tundinnak hrangah a si sawn.
9 Hitiih ka cakuatmi in nanmah òhihphaih tum rero a bang ding cu ka duh lo.
10 Mihrek in, “Paul ih cakuat pawl hi an khoh ih hmual an nei zet fawn; asinain a minung ngaingai in kan hnenih a um tikah cun zianghman a si cuca lo, a òongmi khal hmual a nei lo,” nan ti.
11 Cubangtuk minung pawl cun a lang hlat ih kan nganmi ca le nanmah thawn kan um tikih kan tuah dingmi an dang aw lo tihi an theihthiam a òul a si.
12 Cubangtuk a sang zet ih a ret aw mi pawl thawn cun kan ret aw tlang ngam lo dingih a òhim khal kan tahòhim aw ngam lo ding. Thungai ti ahcun an aa a si! Anmah le anmah tahawknak ah anmahte tahfung an tuah ih cuih tahfung in anmah le anmah thu an òhen aw.
13 Sikhalsehla kannih cu kan porh awk khalle a hleifuan lo ding; Pathian in hnaòuan in pekmi ri khiah sung lawngah a um dingih cuih kan hnaòuannak rikhiah sungah cun nanmah lakih kan hnaòuanmi hi a tel a si.
14 Cule nannih cu cuih rikhiah sungih a ummi nan si ruangah Khrih Thuthangòha kengin nan hnen kan rathlen tikah rikhiah lengih a fehmi kan si lo.
15 Pathian in kan òuan dingih a retmi rikhiah lengih hna a òuantu pawl ih hnaòuannak ah porh awk ding zianghman kan nei lo. Cuhnakin Pathian in hnaòuannak rikhiah in pekmi sungah òuan in cuticun nanmah sungah a tum le a kau sawn in hna kan òuan thei dingih cutiin nan zumnak a òhang sinsin ding ti sawn hi kan ruahsanmi a si.
16 Cuticun midang lo sungih hna an rak òuan cia mi parah porh aw lo in hmundang sawnah Thuthangòha kan sim ding a si.
17 Sikhalsehla Ca Thianghlim ih a ti zo vekin: “Zokhal porh awk a duh asile Bawipa ih a tuahmi lawngah porh aw seh.” Ref 10:17 Jer 9:24;
18 Ziangahtile mah le mah òha a ti awtu si lo in Pathian ih òha a timi sawn kha cohlan a si.