KORIN
(2 Corinthians)
Khristian Hnenih Paul Cakuat Pahnihnak
Thuhmaihruai
Korin khua Khristian pawl hnenih Paul cakuat a pahnihnak hi Paul le Korin khua kawhhran karlak ih pehtlaih awknak a harsat laifangih nganmi cakuat a si. Kawhhran sung ihsin mi òhenkhat in nasa zet in Paul kha an engtai nain an remawksal thei ding a duh zia a langter ih an remawksal thei tikah a lungawi zia khal a sim.
A cakuat hramthoknak lamah Paul in Korin kawhhran pawl thawn an pehzom awknak thu kha a sim ih ziangruangah an hmuhsuam tikah nasa zet in a kawk leh ve hai ti thu kha a simfiang. Cumi cun sirawknak le remawk salnak a suahpi ih cumi ruangih a lungawinak thu khal a sim. Cuih hnuah Judea ram Khristian pawl hrangih thinlung tak thawn an bom venak dingah kawhhran hnenah zangfah a dil. A netabik ah Korin kawhhran sung ummi mi malte in anmah sawn kha tirhthlah dik ah re aw in Paul kha a deu a si, tiah an timi kha a el ih tirhthlah taktak a sinak kha a langter.
1
Pathian lungkimnak in hrilmi Khrih Jesuh ih tirhthlah keimah Paul le kan unau Timote in Korin khua ih a ummi Pathian kawhhran le Akhaia peng khuazakip ih a ummi mithianghlim hmuahhmuah nan hnenah ca kan lo kuat.Ref 1.1 Tirh 18:1; Kan Pa Pathian le Bawipa Jesuh Khrih ih zangfahnak le daihnak cu nan tlunah um hram seh.
Pathian Hnenah Lungawi Thu A Sim
Kan Bawipa Jesuh Khrih ih Pa le a Pathian, mi zangfahtu kan Pa, ziangtinkim ah bomnak in petu Pathian cu lawm uh si! Harsatnak a phunphun lakah in bawmtu cu Amah a si; cutiin Pathian hnen ihsin kan comi bomnak cu hmang tahrat in harsat mangbangnak a phunphun a tongtu pawl kha kan bawm thei ve a si. Ziangtintile Khrih tuarnak a phunphun sungih a teltu kan si vekin Pathian ih bomnak sung khalah Khrih thawngin kan tel ve. Harnak kan tonmi cu nanmah ih hnemnak ding le rundamnak hrangah a si. Kannih bomnak kan ngah a si ahcun harsatnak kan tuarmi kha thinsaunak thawn nannih tla nan tuar thei venak dingah bomnak le thazang a ngahtu nan si ve. Cuti a si hrangah nan parih ruahsannak kan neihmi cu a cem dah lo. Ziangahtile kan tuarnak in òawmpi vekin hnemnak kan comi khalah in òawmpi ve, ti kan thei.
U le nau pawl, Asia ram ih harnak kan tuarmi lo theihter kan duh. Kan parih suanmi thilrit cu a tum ngaingai ih tlunah a rit zet fawn ih nung ding hmanah kan ruat aw nawn lo.Ref 1.8 1 Kor 15:32; Thi dingih thurel cia mi kan si, tiin kan ruat aw. Sikhalsehla hibangtuk ih thu a rak um cu kanmah le kanmah rinsan aw lo in thihnak ihsin mi a thotersaltu Pathian kan rinsannak dingah a rak si sawn. 10 Cubangtuk òihnungza thihnak sung ihsin Pathian in, in runsuak ih hmailam khalah in runsuak ko ding. Thlacamnak in, in rak bom ruangah, 11 in runsuaksal ko ding, tiah Pathian parah rinsannak kan nei. Cuticun kan hrangih nan thlacamnak pawl cu Pathian in a thei dingih Amah in, in thluasuah ding. Cule kan ai ah mi tampi in Pathian hnenah lungawi thu an sim ding.
Paul In A Fehnak Ding A Òhin
12 Kan hmaihngalmi pakhat a um; cumi cu ziang a si tile: Hi leikhawvel ih kan nundan le a hleice in nanmah thawn kan pehzom awknak ahhin minung fimnakih ukmi si lo in Pathian zangfahnak huham in, in uk ih, Amah Pathian ih in pekmi òong lailana Lailan timi hi Kutngan cabu hrekkhat ahcun thianghlim ti in a um. le thinlung tak tein kan nun zia kha kan thinlung siaòha thleidan thiamnak in, in theihpimi hi a si. 13 Nan hnenih ca ka ngan tikah hin nan siar theimi le nan theih theimi lawnglawng kan ngan. Atu ahcun in theihnak hi a òhen a hrek lawng a si; sikhalsehla famkim zet in in thei leh ding tiah beiseinak ka nei; 14 cuticun Bawipa Jesuh ih Ni ah kanmah hi nan hmaihngalnak kan si dingih nannih khal kan hmaihngalnak nan si ve leh ding.
15 Hi thu hi fiangzet ih ka theih ruangah vei hnih thluasuahnak co hai seh tiah a hmaisa ahcun nanmah ra tlawng dingin ka tum lawk a si. 16 Ka tumnak ahcun Masidonia ka tlawn zawng ah ka lo pal phah dingih ka kir lam tla ah ka lo pal phah ding tiah ka tum; Judea peng ka vung thlen theinak dingah bomnak tla in pe thei ding, tiah ka ruahmi a si.Ref 1.16 Tirh 19:21; 17 Hitiih timtuahnak ka neih tikah hin nan hnenah thinlung reprai lo minung ka bang maw? Ka khualtlawnnak ding ka tawlrel tikah mah ih zawn lawng ruat tahrat in, “A si, a si,” ti hnu ih “Si lo, si lo,” tiah thu a thleng leuhleuhtu ka si maw? 18 Pathian cu thudik phuangtu a si bangtukin nan hnenih ka thukammi cu “A si,” ti le “Si lo,” ti a cemcih lo. 19 Ziangahtile nan hnenah, Silas, Timote, le keimah in kan phuanmi Pathian ih Fapa Jesuh Khrih cu “A si,” tile “Silo,” ti a cemcihtu a si lo. Pathian ih “A si,” tiih lungkimmi fapa a si.Ref 1.19 Tirh 18:5; 20 Ziangahtile Jesuh Khrih cu Pathian thukammi hmuahhmuah hnenah “A si,” timi hi a si. Curuangah Jesuh Khrih thawngin Pathian sunloihnak ah “Amen,” tiih kan ti òheunak cu a si. 21 Kanmah siseh, nanmah siseh, hmunkhat ah Khrih thawn pumkhat kan si, ti in theih fiangtertu cu Pathian Amah a si. Pathian in Amah ih bulta si dingah in thliadang zo. 22 Amah ih bulta kan sinak cu kan parah hminsinnak a ret zo ih kan hrangih ret cia in a ummi hmuahhmuah kan ngah ding ti aamahkhannak ah kan thinlung ah Thlarau Thianghlim in pe zo.
23 Hi thu theitu ah Pathian ih hmin ka saal: Ka thinlung theitu Amah a si. Korin khua ra lo dingih ka ruatcatnak cu nanmah ih zawnruah ruangah a si. 24 Nan zumnak thu ah hihi zum uh, hihi zum hlah uh tiin thuneih kan tum lo. Nan zumnak ahcun nan hngetzet ti kan thei. Curuangah nan lungawi thanuamnak hrangah nanmah thawn hnaòuan tlang ih kan umnak a si.