9
Tirhthlah Ih Covo Le Òuanvo
Miluat ka si lo maw? Tirhthlahmi ka si lo maw? Kan Bawipa Jesuh ka hmu zo a si lo maw? Cule nannih tla cu Bawipa ih hrang ka hnaòuanmi ih rah nan si lo maw? Midang in tirhthlah ih in ruah lo hmanah nannih cun in ruat, ziangahtile Bawipa thawn nan pehzom awk ruangah tirhthlah ka sinak kha nemhngettu nan si.
Midang in, in simsiat tikah hitiin ka òang òheu: Kan hnaòuanmi hrangah hin ti le rawl hlawh tlak kan si ve lo maw? Tirhthlah dang pawl, Bawipa ih naule pawl le Piter ih tuahmi thlun in an nupi pawl an hruai vivo vekin ka khualtlawnnak ah kei khalin zumtu nupi hruai theinak thu ka nei ve lo maw si? Asilole Barnabas le keimah lawng maw pumcawmnak ih hnaòuan ciamco òul kan si? Zoso mah ih paisa hmangin ralkap a òuan dah? Lothlo pa in a lo sung ihsin a suakmi sabit kha ei lo in a um dah maw? Tuukhal pa in a tuuhnawi kha in lo in a um dah maw?
Nitin kan nunnak ih kan tonmi lawng ihsin tahòhimnak a lak theih ti hlah uh. Daan khalin hiti thotho in a sim. Moses Daan sungah, “Fang a cil rerotu cawcang cu a hmur òem hlah,” ti a um a si.Ref 9:9 Daan 25:4; 1 Tim 5:18 Hiti a um tikah Pathian hi cawcang ih zawn a ruat a si maw? Asilole kanmah zawnruat ih a rak timi so? 10 A si, a sim sanmi cu kanmah hi kan si. Lei lettu siseh, fang attu siseh, fangcang covo nei ve ding ruatin an òuan fingfing. 11 Nanmah lakah kannih in thlarau thlaici kan vorh. Thilri lamin comi kan neih ve tikah hin a tam tuk tiah nan ruat maw si?Ref 9.11 Rom 15:27; 12 Midang pawl in nan hnen ihsin hibangtuk ngah ding an beisei a si ahcun kannih cun tam deuh in beisei ding kan si sawn lo maw?
Sikhalsehla cutiin kan lo ti lo ih tlunah Khrih ih Thuthangòha hi khamtu a nei pang ding ti phan ah ziang hmuahhmuah cu a tuarin kan tuar lam sawn a si. 13 Nanmah khalin Biakinn ih hnaòuantu pawl cun Biakinn ihsin rawl an ngah ih biakòheng ih thawinak a petu pawl khalin covo an nei, ti nan thei òheh ko.Ref 9.13 Daan 18:1; 14 Cuvek thotho in thuthang a phuangtu pawl khal an thuthang phuannak ihsin an pumcawmnak ngah hai seh, ti cu Bawipa ih thupekmi a si.Ref 9.14 Mat 10:10; Luk10:7;
15 Sikhalsehla atu tiang cu hibangtuk ka co theimi pawl hi ka la duh lem lo; hitiih ca ka ngan khal hi ka co theimi co duh ah a si lo. Cutiih ka tuah ding hnak cun thih ka duh sawn. A dik zawng ih ka uanawknak hi zohman in thulolak ih an canter ding cu ka duh lo. 16 Thuthangòha ka phuan ruangah hin uan awk theinak ka nei ka ti lo. Ziangahtile phuutmi ka sisi! Thuthangòha phuang lo ih ka um ahcun ka hmakhua a pit a si. 17 Ka hnaòuanmi hi keimah duhih ka hrilmi sisehla òuanman ngah ding ka ruat men ding; sikhalsehla atu cu ka òuanvo ih retmi a si, ziangahtile Pathian in ka hnenih i pekmi hnaòuan a si. 18 Ziangso òuanman comi le ngahmi ka neih? Ka òuanman comi cu a man la lo in Thuthangòha ka phuan theimi le hlawhman la lo ih Thuthangòha hrangih ka òuanmi hi a si sawn.
19 Kei cu miluat ka si; zo ih sal hman ka si lo. Sikhalsehla mi a tam thei tawkih hruai ngah dingah mi hmuahhmuah ih sal ah ka cang. 20 Judah mi pawl lakih hna ka òuan tikah Judah mi hruai ngah dingah Judah mi vekin ka um; keimah cu Moses Daan hnuai ah ka um nawn lo nain Daan hnuai ih a ummi pawl hruai ngah dingah Daan hnuai ih a nung vekin ka um. 21 Cubangtuk òhiamòhiam in Zentail mi pawl lakih hna ka òuan tikah Zentail mi pawl hruai ngah dingah Judah Daan thlun lo in Zentail mi pawl vekin ka um. Hitiih ka um tikah Pathian daan ka thlun lo, tinak a si lo; Khrih ih daan hnuai ah ka um a si. 22 Zumnak a derdaimi pawl lakah cun anmah hruai ngah dingah zumnak a derdaimi vekin ka nung. Cuticun ziangti kongzawng a va si khalle anmah ka hruai ngah theinak ding a si ahcun mikip hnenah ziangkim ah ka cang vivo.
23 Hi hmuahhmuah hi Thuthangòha hrangih ka tuahmi a si ih a thluasuahnak kha òawm ve dingin ka duhmi a si. 24 Tlan zuamnak ah mi tampi an tel òheu nain pakhat lawngin tlan zuamman a ngah ti cu nan theih òhehmi a si. Curuangah zuamman ngah suak dingin tlan uh. 25 Leh zuamnak ih a teltu hmuahhmuah in an zir lai ahcun daan fek zet an thlun ih an taksa an sawizoi. Cutiih an zuam rero cu a vuai theimi pangpar kual lukhuh men ngah duh ah a si. Sikhalsehla kannih cu a vuai thei lomi pangpar lukhum ngah duh ah daan fektein kan thlun ih kan sawizoi aw ve. 26 Curuangah hmuitin thleng suak dingin ka tlan ih thli lak a thong mentu pa vek ka si lo. 27 Leh zuamnak hmunah tel ciar uh tiah midang ka sawm rero hnuah keimah riangri hnonmi ka si pang ding, ti phan ah ka taksa cu ka hrem ih ka uk a si.