7
Òhitawknak Thu
1 Atu cu ca thawn in rak sutmi thu ka sim ding. Mipa cu nupi òhi lo in a um le a òha.b 7:1 Mipa cu nupi òhi lo in timi hi Grik cun, “Nunau dai lo in” a ti; cumi cu, “Nupa sualnak tuah lo in” ti a si thei.
2 Asinan nupa sualnak a tam ruangah mipa in amah ih nupi lawng nei sehla, nunau khalin amah ih pasal lawng nei seh.
3 Mipa in pasal a sinak òuanvo cu kimter sehla nunau khalin nupi a sinak òuanvo cu kimter ve seh; an pahnih in an òulnak fingfing ah diriamter ton aw hai seh.
4 Nupi in amah ih taksa ruangpi hi a uk lo, a pasal in a uk; cuvek thotho in pasal in amah ih taksa ruangpi hi a uk lo, a nupi in a uk a si.
5 Caan tawite sung thlacamnak ka duh tiah nan lung a kim tlang hmasa ti dah lo ahcun khat le khat nan duh hiarnak kha el aw hlah uh. Cu òheh hnuah nupa in umsal uh. Cuti asilole sup awk thei lo ruangah Satan sual thlemnak sungah nan tla pang ding.
6 Hitiin ka ti tikah thu ka lo pek hai a si lo, nanmah ruah ah ka timi a si.
7 Thungai ih ti ahcun nan zate in keimah vek hin um uhla ka duh; sikhalsehla Pathian hnen ihsin kan ngahmi laksawng cu an dang aw fingfing a si.
8 Cule atu cu nupi le pasal nei hrih lo le nuhmei pahmei pawl hnenah ka sim duhmi cu: Keimah vek hin nanmah lawngte in hmei uhla ka duh.
9 Sikhalsehla nan duhnak nan sup thei lo ahcun nupi pasal nei ko uh: Nupi pasal neih cu taksa hiarnak thawn um ringring hnakin a òha sawn.
10 Nupi pasal a neitu pawl hnenah keimah ih thupekmi si lo in Bawipa ih thukham ka lo pe hai: Nupi in a pasal kha a taan lo pei.Ref 7.10 Mat 5:32, 19:9; Mar 10:11-12; Luk 16:18;
11 A taan asile amah lawngin hmei seh; cutiin asilole a pasal thawn remawsal seh. Cule pasal in a nupi maak hlah seh.
12 A dang pawl hnenah ( Bawipa ih thupekmi si lo in keimah ih timi) ka sim duhmi cu: Khristian in Pathian zum lo nupi a òhit ih cuih a nupi cun amah thawn um tlang ding a duh ko a si ahcun maak hlah seh.
13 Cule Khristian nunau pakhat in Pathian zum lo pasal a nei ih cuih a pasal in amah thawn um tlang ding a duh ko a si ahcun a taan lo pei.
14 Ziangahtile a nupi thawn an kom awk ruangah cuih Pathian thei lo pasal cu Pathian hnenah co tlakmi ah a cang; cuvek thotho in Khristian pasal thawn an pehzom awk ruangah Pathian thei lo nupi cu Pathian hnenah co tlakmi ah a cang. Cutiin si lo sehla an faale pawl cu khawvel faale ah an cang òheh ding; sikhalsehla atu ahcun Pathian co tlakmi an si.
15 Cule Pathian zum lo nupi maw pasal maw in Khristian nupi maw pasal maw kha a òhen duh a si ahcun òhen aw ko hai seh. Cuvek ahcun Khristian nupi maw pasal maw cu a luat, kham ding zianghman a um lo. Rem teih um dingah Pathian in a lo ko a si.
16 Khristian nunau, ka pasal ka runsuak thei hrimhrim lo ding tiah ziangtinso na ti thei? Khristian mipa, ka nupi ka runsuak thei hrimhrim lo ding, tiah ziangtinso na ti thei?
Pathian Kawhnak Vekin Nung Uh
17 Zokhal Pathian laksawng nan ngahmi vekin le a lo kawh lai ih nan sidan vekin um ko uh. Cubangtuk in kawhhran dangdang khal ka zirh.
18 Pathian kawhnak kha serhtanmi pa in a pom a si ahcun a serhtannak hmaphe kha hlo dingin ngaihtuah duh hlah seh. Pathian kawhnak kha serhtan lomi pa in a pom a si ahcun a serh kha tan duh hlah seh.
19 Ziangahtile serhtan le tan lo kha a thupi nawn lo; a thupimi cu Pathian thukham thlun kha a si.
20 Zozo khal Pathian kawhnak nan rak cohlan lai ih nan sidan vek khan um ko uh.
21 Pathian ih a lo kawh lai ah sal nan si maw? Nan va si taak khalle poisa duh hlah uh! Asinan miluat sinak caan òha nan ngah ahcun luat tum ve mai uh!
22 Ziangahtile Bawipa ih kawhmi sal cu Bawipa ih miluat a si. Cuvek thotho in miluat cia Khrih ih a kawhmi cu Khrih ih sal a si.
23 Man pekin Pathian ih leimi nan si; curuangah milai ih sal ahcun cang nawn hlah uh.
24 Ka u le ka nau tla, Pathian in a lo kawh lai ih nan umdan vek thotho in Pathian thawn pawlkomnak sungah um ko uh.
Òhi Aw Hrih Lomi Le Nuhmei Pawl
25 Nupi pasal a nei hrih lomi pawl thu ah cakuat in, in sutmi thu ahcun Bawipa ih thupekmi ka nei lo; asinain Bawipa ih zangfahnak thawngin rinsan tlak a simi keimah in ka pumpak ruahmi ka lo sim hai.
26 Atu ih harsat caan ruah tikah hin mipa cu tuihhlan a um keel vekin um sehla a òha tiah ka ruat.
27 Nupi na nei zo maw? Na nei zo asile maak tum hlah. Nupi nei hrih lo na si maw? Na si le nupi hawl duh hlah.
28 Sikhalsehla nupi na nei a si ahcun na sual lo; fala khalin pasal a neih le sualnak tuah a si lo. Asinan nupi pasal nei pawl ih nitin an tonmi phurrit ihsin nan luat ding ka duh a si.
29 Ka u le ka nau tla, ka sim duhmi cu hihi a si: Caan a rei nawn lo ding ruangah atu ihsi thokin nupi nei pawl in a nei lo vekin nung hai seh;
30 a òapmi pawl in riahsia lo vekin um hai seh; a hni pawl in lungawi lo vekin um hai seh; thil lei pawl in an leimi kha anmah ih ta si lo vekin um hai seh;
31 leilung thilri a ngaihtuahtu pawl in leilung thilri lawng a buaipi lo vekin um hai seh. Ziangahtile hi leilung hi atu vek a si ahcun rei a awh nawn lo ding.
32 Thinlung donharnak in luat uh ti ka lo duh sak a si. Nupi nei lo pa cun Bawipa ih lungawinak lawng kha a tummi a si ruangah Bawipa ih hnaòuannak lawng kha a ngaihtuah.
33 Asinan nupi nei pa cun a nupi lungawinak kha a duh ruangah leilung thilri thu kha a ngaihtuah;
34 cuticun amah cu kap hnih ah a dir aw a si. Pasal nei lo nunau, asilole fala pawl cun Bawipa ih hnenah an taksa le an thinlung pek an duh ruangah an thinlung tak tein Bawipa ih hna cu an òuan; asinain pasal nei nunau cun a pasal lungawiter a duh ruangah leilung thilri ah a buaipi a si.
35 Hitiih ka tinak cu nan hrangih òhathnemnak ka duh ruangah a si. Kham ka lo duh ciamco hai ruangah a si lo. A òhami le a mawimi nan tuah dingah ka duh ih zianghman suupmi nei lo in Bawipa ih hnaòuannak ah nan ziangzongza pe thluh uhla ka duh a si.
36 Òhi aw dingin a ham aw cia mi fala kha kan òhi awsal lo ding, a titu ih thu ahcun hitiin um hai seh: Mipa in a fala parah zoh rem lo in ka um, tiah a ruat aw ih a taksa duhnak kha a cah tuk ruangah kan òhi aw sawn pei tiah a ruah a si ahcun a duh vek cun òhi aw ko hai seh. Sualnak a si lo.
37 Sikhalsehla mipa in zohman ih hnek lo in, a ruat ciamciam hnuah òhi lo dingin a thinlung a òhen ngah ih a duhnak thinlung òha tein a uk aw thei ih a tuah dingmi le a thlun dingmi pawl òha tein a ruahcat ngah a si ahcun a fala cu òhi lo in a um le a òha ko.
38 Curuangah nupi a òhitu in thil òha a tuah; asinain a òhi lotu in thil òha sinsin a tuah a si.
39 Pasal nei nunau cu a pasal a dam sungah cun a luat lo. Asinan a pasal a thih a si ahcun a duhmi pasal nei dingah miluat a si; sikhalsehla Bawipa ih hmin lawngin tuah ding a si.
40 Hi khalah hin amah lawngte in um sehla a nuam deuh ding tiah ka ruat; hitiin ka ti tikah Pathian Thlarau ka nei ve tiah ka ruat aw.