6
Khristian Thukhin Awk Thu
1 Nannih Khristian pakhat le pakhat nan tawh awk tikah nan thu cu Pathian minung pawl relter lo in ziangtinso khuavelminung thuòhentu hmaiah nan fehpi ngam?
2 Pathian mi mithiang pawl in leilung ih thu hi an òhen leh ding tihi nan thei lo maw? Cutiin leilung thuòhentu nan si ding ruangah cun nanmah lakih thunepnawi, thuterek tete cu nanmah tein nan relcat thei lo maw?
3 Vancungmi pawl hman an thu kan òhen leh ding tihi nan thei lo maw si? Cuti a si ruangah hi leilung kan nunnak ih thu pawl cu kan rel thei a òul a si.
4 Cubangtuk thu a um tikah kawhhran sung thuhla zianghman a thei lotu hnenah maw, “Kan thu in rel sak uh,” tiah nan va suahpi ding?
5 Nan hrangah ningzakza a va si so! Nanmah sungah nan thu a òhen theitu ding mifim thuruat thiam, Khristian unau thurel saktu dingah pakhatte tal an um lo maw?
6 Khristian pakhat le pakhat thukhiing aw in zum lotu pawl ih hmaiah thuòhen sak dingin suak ding nan si lo!
7 Nan karlak ah thu nan neih ringring ruangah nan tlasam zet ti cu a langfiang a si. A dik lo zet in tuahsiatmi hman si uh cila cumi cu nan hrangah a òha sawn lo ding maw? Nan thil an lo lon òheh hmanah nan hrangah a òha sawn lo ding maw?
8 Cuti lamlam si lo in nannih cu nanmah pakhat le pakhat zumtu unau nan si khalle nan tisiat aw ih pakhat le pakhat nan thil nan long aw.
9 Miòha lo cun Pathian Uknak a co thei lo ding, ti cu fiang zet in nan thei ko. Nanmah le nanmah bum aw rero hlah uh: Nupa sualnak a tuahtu, milem a betu, òaangòawm sualnak a tuahtu, mipa hlawhhlang òuantu, nunau le nunau, mipa le mipa sualnak a tuahtu,
10 rukru, hamòam pawl, zuri le mi thangsiattu pawl le damiah pawl, cubangtuk pawl cu Pathian Uknak an co thei lo ding.
11 Mi hrekkhat cu cubangtuk minung nan rak si. Sikhalsehla nannih cu sualnak ihsin thiantermi nan si zo; Pathian hnenih apmi nan si zo; Bawipa Jesuh Khrih le kan Pathian ih Thlarau thawngin Pathian thawn remtermi nan si zo.
Nan Taksa Pathian Sunlawinak Ah
12 Mihrek in, “Ziang hmuahhmuah tuah thei a si,” nan ti. A si, tuah thei a si; sikhalsehla ziang hmuahhmuah kha nan hrangah a òha lo. Kei khalin, “Ziang hmuahhmuah tuah a thiang ko,” ka ti ve ding; sikhalsehla ziangih sal hmanah ka pe aw duh lo ding.Ref 6.12 1 Kor 10:23;
13 Mihrek in, “Rawl cu pumpi hrangah a si ih pumpi cu rawl hrangah a si,” nan ti; a dik zet. Sikhalsehla a pahnih in Pathian in a cemter ding. Nan ruangpum cu nupa sual tuahnak ah hman ding a si lo, Bawipa ih hnaòuannak hrangah hman ding a si sawn; Bawipa khal cu ruangpum hrangah a si.
14 Pathian in Bawipa cu thihnak ihsin a thoter zo ih kannih khal a cahnak huham in, in thoter ve ding.
15 Nan ruangpum hi Khrih ih ruangpum taksa òhen a si, ti nan thei lo maw? Khrih ih taksa òhen cu la tahrat in hlawhhlang ih taksa òhen ah kan tuah ding maw si? Tuah lamlam hlah!
16 Asilole mi pakhat in hlawhhlangnu thawn an kom awk tikah cunu thawn pumkhat ah an cang ti nan thei lo maw? Ca Thianghlim in, “An pahnih in taksa khat ah an cang ding,”Ref 6:16 Sem 2:24; tiah fiang tein a sim.
17 Asinan Bawipa thawn a peh aw mi cu thlarau lamin Bawipa thawn pumkhat an si.
18 Nu le pa sualnak kha hrial uh. Sualnak dangdang cun milai taksa hi a siatsuah tuk lo; sikhalsehla nu le pa sualnak a tuahtu cun amah ih taksa par hrimhrim ah sualnak a tuah a si.
19 Nan ruangpum cu Thlarau Thianghlim biakinn a si, ti nan thei lo maw? Cuih Thlarau cu nan sungah a um ih Pathian ih pekmi a si. Nannih cu nanmah ih ta nan si lo, Pathian ih ta nan si.Ref 6.19 1 Kor 3:16; 2 Kor 6:16;
20 Man pek ih leimi nan si. Curuangah nan taksa cu Pathian sunlawinak ah hmang uh.