4
Khrih Ih Tirhthlah Pawl
1 Kannih cu Khrih riantu, Pathian thuthup kiltu a siahhlawh ah in ruah dingmi kan si.
2 Cubangtuk thil kiltu hrangah a thupi bik cu a bawipa ih rin tlak si ding kha a si.
3 Atu ah nanmah in siseh, midang in siseh, minung daan in ka thu nan òhencat ding ka phang lo. Keimah le keimah khal thu ka òhen aw lo.
4 Ka thinlung muril hi a thiang a si; sikhalsehla a thiang ka ti tikah ka sual lo tinak a si lo. Ka parih thuòhennak a tuahtu ding ngaingai cu Bawipa a si.
5 Curuangah a tikcu a kim hlanah zohman an thu rel hlah uh. A netnak thuòhennak cu Bawipa a rat tikah a si ding. Amah in khawthim sungih thuhmi thil pawl kha tleunak sungah a suahpi dingih minung thinlung ih tumtahmi pawl kha a phuanglang òheh ding. Cutiin zozo khal Pathian hnen ihsin an co ding tlak covo thangòhatnak an ngah ding.
6 Ka u le ka nau tla, nanmah òhathnemnak hrangah hi thu hmuahhmuah cu keimah le Apollos tahòhimnak hmangin ka lo sim. Hitiih ka sim tikah, “Ngan cia mi lan hlah,”a 4:6 Ngan cia mi lan hlah timi hi; “Ngan cia mi” a ti tikah “Ca Thianghlim” a ti duhnak a si thei. timi òongòhimnak nan theihnak dingah a si. Zo nan si khalle mi pakhat kha uar tahrat in a dang kha nan hmuhsuam lo pei.
7 Zo in so midang hnakih cuang deuh dingin an lo tuah? Nan neihmi tinkim hi Pathian pekmi an si òheh lo maw? Cutiin laksawng ih nan ngahmi an si òheh asile ziangtinso nan uar awk thei?
8 Nan duhmi hmuahhmuah nan ngah òheh zo maw? Nan lian zet zo maw? Siangpahrang teh nan si zo maw? Kannih cu kan si lo! Siangpahrang si taktak uhla ka va duh so! Cuticun hmunkhat ah kan uk tlang ding nain!
9 Kannih tirhthlah pawl hi Pathian in nauta bik ah in ret tiah ka ruat; puai zohnak hmun mizapi hmaiih thah ding tlak minung, vancungmi pawl le leilungmi hmaiah hnihsuahsainak meenih hmanmi minung kan si.
10 Kannih cu Khrih hrangah mi-aa kan si; nannih cu Khrih sungah mifim nan si! Kannih cu kan òawnòai; nannih cu nan cak zet! Kannih cu hmuhsuammi kan si; nannih cu upat zetmi nan si!
11 Atu caan khalah hin rilrawng le tihal in kan um. Kan hnipuan cu belhcopmi a si; hmunkhat ihsin hmundang ah kan tawivak; thawi le vuak kan tong;
12 Kan thitha ih daih nawn lo tiangin kan kut in hna kan òuan. In cam in riam tikah thluasuah bawngmal kan sawmsak hai; hremnak kan ton tikah kan tuar cuahco ko;Ref 4.12 Tirh 18:3;
13 hmuhsuamnak kan ton tikah hmurka neem in kan biak hai. Kannih cu leilung ih hnawmhne tluk fang kan si; tuih sun tiang hin mi ih duh lotaak hnonmi kan si.
14 Hitiin nan hnenih ka ngan tikah nan ningzak seh ti duh ah a si lo; sikhalsehla ka duh zetmi ka faale bangtukin nunsim ka lo duh hai.
15 Ziangahtile Khrih sungih nundan ahcun zirhtu thawng tampi hman nei uhla pa ngaingai cu pakhat lawng nan nei a si. Thuthangòha nan hnenih ka phuan ruangah Khrih Jesuh thawn nan pehzomnak ahcun nan pa ka si.
16 Curuangah ka nundan hi i thlun uh, tiah ka lo forh.Ref 4.16 1 Kor 11:1; Fili3:17;
17 Cumi ruangah Timote khal nan hnenih ka rak thlahnak a si. Amah cu Bawipa sungah ka duhdawtmi le ka rinsanmi ka fapa a si. Amah in Khrih Jesuh sungih ka thlunmi nunnak lamzin le khuazakip kawhhran hmuahhmuah hnenah cutiih nunnak lamzin ka zirhmi pawl cu a lo sim ding.
18 Mi hrekkhat cun, “Kan hnenah a ra nawn lo ding,” tiah in ruat ih nan puarthau ciamco.
19 Bawipa ih lungkimnak a si ahcun ka ra thleng cing dingih hi mipuarthau pawl hin huham an neih zia an hmurka ih an phuanmi lawng si lo in ziangbangtuk so an tuah thei taktakmi a si, ti kha keimah rori in ka ra hmu suak ding.
20 Ziangahtile Pathian Uknak cu òongkam men a si lo, cahnak huham a si.
21 Cuhrangah khuimi so nan hril? Fungfek thawn ka ra ding maw, asilole duhdawtnak le nemnak thinlung thawn so ka rat ding?