14
Thlarau Laksawng Dangdang
Nan tumtah bik dingmi cu duhdawtnak hi a si. Asinan Thlarau laksawng dangdang khal nan tumtah dingah an um ih culak ih nan duh bik dingmi cu profet thusim thiamnak laksawng a si. Theih lo òong ih a òongtu cun minung hnenah a òong lo, Pathian hnenah a òong a si, ziangahtile a òongmi kha zohman in an theih sak lo. Thlarau thawngin zohman ih theih lomi thu a òong a si. Sikhalsehla profet thu a simtu cun minung hnenah a òong, cule mi bawmtu ah a cang ih tha thawhnak le hnangamnak an ngah. Theih lo òong ih a òongtu cun amah le amah lawng a bawm aw; asinain profet vekih thu a simtu cun kawhhran pumpi kha a cawmdawl.
Nan zate in theih lo òong ih nan òong ding cu ka duh ko; asinain profet bangtuk thusimnak laksawng nan ngah ding cu ka lo duh sak sinsin. Ziangahtile theih lo òong ih òong hnakin profet vekih thusim cu man a nei deuh ngaingai. An òongmi kha a let theitu an um ih kawhhran pumpi kha a cawmdawl ti dah lo ahcun theih lo òong cun profet thusim thiamnak cu a tluk lo a si. Curuangah u le nau tla, nan hnenih ka rat tikah theih lo òong in ra òong ningla nan hrangah ziangtal a òhahnem ding maw? òhahnem hlah! Pathian hnen ihsin thuphuanmi maw, asilole theihnak pakhatkhat maw, asilole profet thusimnak maw, asilole zirhnak pakhatkhat maw, ka rak ken thei lo ahcun nan hrangih ka òhathnemnak ding zianghman a um lo ding.
Nunnak a nei lo nain a aw a suakmi awnmawi lemlawi siseh, òingòang khal siseh, vun ruat hnik uh; an tummi aw kha fiangfai zet ih a suah lo ahcun zo in so ziang aw an tum ti a theih thei ding? Raldo timtuahnak tawtawrawt a phawtu pa in a tawtawrawt kha fiang teih a phawt lo ahcun zoso ral do dingah a tim a tuah ding? Cuvek thotho in nan òongmi kha theih lo òong a si ih zianghman a fiangmi a um lo ahcun zo in so an theih ding? Nan òongmi cu thli lakah a hlota men a si. 10 Leilung pumpuluk ah òong dangdang tampi an um; asinain tican nei lo òong pakhat hman a um lo. 11 An òongmi aw kha a tican ka theih thei lo ahcun cutiih a òongtu cu ka hrangah òong theih lo mikhual a si ih kei khal a hrangah òong theih lo mikhual ka si ve. 12 Thlarau laksawng co ding cu nan duh zet ruangah ziang dang hnakin kawhhran a tungdingtu laksawng kha nan duh cuang dingmi a si.
13 Theih lo òong ih a òongtu in a òongmi a leh theinak dingah thlacam seh. 14 Cubangtuk theih lo òong in thla ka cam ahcun ka thlarau cu thla a cam ko nain ka thinlung cu cutawkah a tel lo. 15 Cuti asile ziangtinso ka tuah ding? Thla ka cam tikah thlarau in ka cam dingih ka thinlung khalin ka cam ding. Hla ka sak tikah thlarau in ka sak dingih ka thinlung khalin ka sak ding. 16 Na thlarau lawng thawn Pathian hnenah lungawi thu na sim tikah ziangtinso khawmnak ih a rami mimenmen in na lungawi thusimmi ahcun “Amen” tiah an lo ti sak thei ding? Na òongmi cu a tican zianghman an theih ual lo. 17 Pathian hnenih na lungawi thusimmi cu a òha zet ko ding nain midang bawmtu cu a si hrimhrim lo.
18 Nanmah hnakin theih lo òong tam sawn ka òong ruangah Pathian ka lawmzet a si. 19 Sikhalsehla Pathian biaknak hmunah cun midang zirhnak hrangah theih lo òong ih òongkam thawnghra òong hnakin theihmi òongfang panga ka òong sawn ding.
20 Ka u le ka nau tla, nan thuruahnak ahhin nauhak bangtukin um hlah uh. Thil òha lo tuahnak lam ahcun nauhak bangtuk si uh; sikhalsehla nan thuruahdan ah cun mi pitling si uh. 21 Ca Thianghlim sungah,
“Ka minung pawl hnenah
òong phun dangdang a òongtu pawl
hmang tahrat in ka òong ding;
Ramdangmi pawl ih hmurka
hmang tahrat in an hnenah ka òong ding;
Sikhalsehla ka minung pawl cun
ka thu an ngai cuang lo ding; tiah
Bawipa in a ti,” tiah ngan in a um.Ref 14.21 Isa 28:11-12;
22 Cuti a si ruangah theih lo òong ih òong theinak laksawng cu zum lotu pawl hrangah hmuhsaknak a si. Profet thusim thiamnak laksawng cu a zum lotu pawl hrang si lo in a zumtu pawl hrangah theihthiamnak a si.
23 Cun kawhhran mi nan pumkhawm tikah a khawmmi pawl nan zate in theih lo òong in nan òong òheh tibang sehla culaifang ah minung hrekkhat, asilole Pathian zum lotu pawl rung lut hai sehla an aa a si hi an lo ti lo ding maw? 24 Asinan nan zate in profet bangin Pathian thu nan phuang ih culaifang ah mi pakhatkhat, asilole Pathian zum lotu rung lut sehla nan thusimmi in a thinlung a khoih dingih a sualnak khal a thei aw ding. 25 A thup teih a ruahmi thil pawl an lang deuhdeuh dingih anih khal a cuih hmun in Pathian a bia ve ding; cule “Nan hnenah Pathian a um ngaingai a si,” tiah a ti ding.
Pumkhawm Tikah Zoh Mawi In
26 Ka u le ka nau tla, ka sim duhmi cu hitiin a si: Nan khawm awk tikah mi pakhat in hlasak a duh ding, a dang in thuzirh a duh ding, a dang pakhat in Pathian hnenin thuphuanmi a nei ding, a dang pakhat in theih lo òong in òong a duh dingih a dang pakhat lala in theih lo òong ih òongmi kha a tican leh a duh ding. Ziangbangtuk a si khalle kawhhran cawmdawlnak hrang lawngah tuah siseh, . 27 Mi in theih lo òong in an òong duh a si ahcun a tam bik ah mi pahnih asilole pathum tiang lawng òong hai seh; cu khalah a sangsang in òong hai sehla an òongmi a lettu um hai seh. 28 Sikhalsehla òong lettu zohman an um lo a si ahcun theih lo òong ih a òongtu cu dai tein um sehla amah le Pathian hnen lawngah òong seh. 29 Profet bangin thusim thiamnak a ngahtu pahnih thum sawn in thusim hai sehla midang in an thusimmi a òhat le òhat lo rak ngai hai seh. 30 Asinan a khawmmi lakih pakhatkhat in Pathian hnen ihsin thusim ding a ngah a si ahcun thu a sim rerotu cu cawl hrih seh. 31 Nan zate hman in Pathian thu cu a sangsang in nan sim thei; cuticun zozo khal an zir fingfing dingih thacahnak an ngah fingfing ding. 32 Profet thusim thiamnak laksawng a ngahtu in a simmi thu cu luanter lo in a uk thei a òul a si, 33 ziangahtile Pathian cu buainak le hnahnawhnak Pathian a si lo; remnak le daihnak Pathian a si.
Pathian kawhhran in hmun kipih an tuah ciarmi a si bangtukin, 34 pumkhawmnak ah nunau pawl cu dai tein um hai seh. Thusim theinak thu an nei lo; Judah Daan ih a ti vekin hotu khal an si lo pei. 35 Thu pakhatkhat an thei duh asile an inn ah an pasal sut hai seh. Kawhhran an pumkhawmnak ah nunau ih thusim cu ningzakza a si.
36 Pathian ih thu hi nan hnen ihsin a thok maw si? Nanmah ih hnen lawngah Pathian thu hi a thleng maw si? A si lo! 37 Mi pakhatkhat in Pathian ih profet ka si tiah a ruat aw, asilole thlarau laksawng ka ngah tiah a ruat aw a si ahcun, hitiin nan hnenih ka ngan mi hi Bawipa ih thupek a si, ti kha a theih òulmi a si. 38 Sikhalsehla himi hi zianghman ih a siar lo a si ahcun amah cu zianghman ah siar ve hlah uh.
39 Curuangah u le nau tla, profet thusim thiamnak cu duh uh; asinain theih lo òong ih òong khal kham hlah uh. 40 Ziang hmuahhmuah cu rualremte le zoh mawite in tuah ding an si.